Dn 7:5 - Kaqchiquel Bible

⁵ Y ri ruka'n chikop, kan achi'el k'a rubanik jun oso, ri kan nijekejot. Ri chikop ri' kan rukayen k'a oxi' baq, y xpe k'a jun ch'abel ri xubij chire: Kayakatej y tatija' ti'ij ri xa janipe' yatikir natej, xcha' chire.

Dn 7:5 ပူးပေါင်းရင်းမြစ်များ

Dn 2:39

Chirij k'a ri aq'atbel-tzij xtibeyakatej chik k'a pe jun q'atbel-tzij ri juba' ok rejqalen, y chirij chik ri' xtibeyakatej chik k'a pe ri rox q'atbel-tzij. Jari' ri nel chi tzij ri q'enq'oj-pueq, y jari' ri xtuq'et-tzij pa ruwi' chijun ruwach'ulew.

Os 13:8

Kan xkiqaqa k'a pan awi' achi'el jun ixoq oso ri ek'o taq ral y yakatajineq royowal roma e majon kan chuwech. Xtinwech' k'a ri awánima, kan xkatink'is k'a jumul achi'el nuben ri koj.

Dn 11:2

Wakami k'a, yin xtinbenk'utu' k'a chawech ri qitzij. Xkebeyakatej k'a pe e kaji' chik rey richin ri ruwach'ulew Persia, y ri ruk'isibel kan janila rubeyomel xtibek'oje', y kan más k'a k'iy chikiwech ri ch'aqa' chik ri xek'oje'. Y toq xtik'oje-q'anej ruchuq'a' roma ri rubeyomel, kan xtiyakatej k'a chirij ri ajawaren richin Grecia.

Dn 5:28

Ri PARSÍN nel chi tzij chi ri ajawaren xelesex yan k'a pan aq'a' rat y xch'ar chikiwech ri aj-Media y ri aj-Persia, xcha' ri Daniel.

Wuj Richin ri Isaías 56:9

Kixanpe rix chikopi' ri ixk'o pa k'echelaj, kixanpe rix chikopi' ri ixk'o pa taq juyu', richin ye'ik'is-el konojel.

Wuj Richin Etamabel-Tzij 17:12

Más utz juba' nabek'ulu-pe jun ixoq oso, ri yakatajineq royowal roma ri e elesan-el ri taq ral chuwech; ke chuwech nabek'ulu-pe jun wineq ri xa maneq runa'oj, y xa ch'abel ri ch'obon man ch'obon yerubila'.

2 Rey 2:24

Y ri Eliseo xtzu'un k'a kan chirij y xerutz'et, y kan xuya' etzelanik pa kiwi' pa rubi' ri Jehová. Y xe'el k'a pe ka'i' ixoq taq oso chikij, y xekik'is e kawineq ka'i' chike rije'.

Apocalipsis 13:2

Ri nimalej itzel chikop ri xintz'et, achi'el nitzu'un jun balma, jak'a ri raqen achi'el raqen oso, y ri pa ruchi' achi'el koj. Y ri nimalej itzel keq rij chikop ri k'o pa sanayi' chuchi' ri palou, xuya' uchuq'a' y q'atbel-tzij chire ri chikop ri' richin nuq'et-tzij pa ruwi' ri ruwach'ulew.

Dn 7:4

Ri rubanik ri nabey chikop kan achi'el k'a jun koj. Ek'o k'a ruxik' achi'el ri ruxik' ri kot. Yin kan nutzuliben k'a ri chikop ri' y xintz'et k'a chi ri ruxik' xa xetz'oq-el. Y xban k'a chire ri chikop ri' chi xpa'e' pan ulew pa ruwi' ri raqen achi'el nipa'e' jun wineq, y kan xban k'a chire chi ri ruch'obonik kan xok ruch'obonik wineq.

Dn 7:6

Y ri rox chikop ri xintz'et kan achi'el k'a rubanik jun balma. K'o k'a kaji' rujolon y kaji' ruxik', achi'el kixik' ri aj-xik' taq chikopi', y kan xya'ox k'a janila uchuq'a' chire richin nich'akon.