Dn 7:28 - Kaqchiquel Bible

²⁸ Wawe' k'a xtane-wi ri rusolik-rij ronojel ri xintz'et. Jak'a yin Daniel kan sachineq k'a nuk'u'x y kan nukajman yitzu'un. Man rik'in ri' kan xinyek k'a pa wánima ronojel ri xintz'et y ri xbix chuwe.

Dn 7:28 ပူးပေါင်းရင်းမြစ်များ

San Lucas 2:51

K'ari' ri ak'ual junan k'a xtzolin kik'in rije' pa kitinamit Nazaret, y kan janila k'a nunimaj kitzij. Y ronojel ri xbanatej rik'in ri ak'ual, ri María xeruyek k'a pa ránima.

San Lucas 2:19

Jak'a ri María kan xeruyek k'a pa ránima ronojel ri tzij ri', y nuch'obola' k'a kij.

Dn 10:8

Xa xik'oje' k'a kan nuyon, richin xintz'et kan ri achin ri'. Kan xk'is k'a ri wuchuq'a' y xinkajmaj-qa.

Dn 8:27

Chirij ronojel re', yin nina' chi xk'is wuchuq'a' y kan xiyawej k'a ka'i-oxi' q'ij. Y toq xik'achoj-el xiyakatej-el y xibe chik pa nusamaj rik'in ri rey, jak'a xa janila nuxibin-wi', roma ri xintz'et. Y kan man niq'ax ta chinuwech.

Dn 7:15

Yin, Daniel, kan janila k'a xink'en rukiy, y kan janila xinch'ob rij ronojel ri yinajin chutz'etik.

Dn 4:19

Toq xrak'axaj ronojel re' ri Daniel kan xpax ránima y jun xk'oje-wi chuch'obik, y keri' k'a xk'oje' jubama jun hora. Kan janila k'a xuxibij-ri' y roma ri' yin Nabucodonosor xinbij chire: Beltsasar, man tach'ujirisaj-awi' rik'in ri wachik', y ri nel chi tzij, xicha' chire. K'ari' rija' xubij chuwe: Wajaw yin, re achik' re' kan ta pa kiwi' ri e etzelanel awichin xtiqaqa-wi. Ri nel chi tzij re achik' re', kan ta k'a ja ri itzel nikirayij chawij ri xkek'uluman.

San Lucas 9:44

Tiwak'axaj k'a jebel re tzij re', y man k'a timestaj: Yin ri xiqaqa-pe achi'el wineq chi'ikojol, xkijach k'a pa kiq'a' ri winaqi', xcha'.

Marcos 9:15

Toq ri winaqi' xkitz'et ri Jesús, janila xkimey, y junanin xebe chuq'ejeloxik.

Dn 12:13

Jak'a rat, Daniel, xa xtapon k'a ri q'ij richin xkatuxlan-el y xkabeyakatej chik pe k'a pa ruk'isibel taq q'ij chire ri tijoj-poqonal richin nak'ul ri k'o chi nok awichin rat.

Dn 12:9

Y rija' xubij chuwe: Rat Daniel katzolin, roma ronojel re' kan xtz'apetej yan, y k'a pa ruk'isibel taq q'ij xtiq'alajirisex ronojel re'.

Dn 11:27

Ri e ka'i' rey ri' junan yewa' pa mesa richin nik'oje' ta uxlanibel-k'u'x kik'in, jak'a ri pa kánima xa kan xaxe ri ch'upun-k'u'x k'o. Ri nikibij chikiwech xa man qitzij ta, jak'a xa man jun chike chi e ka'i' ri xtich'akon ta. Ronojel re' xtibanatej roma xa man jani tapon ri q'ij richin uxlanibel-k'u'x.

Dn 8:19

Y xubij k'a chuwe: Yin kan xtink'ut k'a chawech ri xtipe toq xtik'is juba' ri oyowal, y re' kan qitzij.

Dn 8:17

Y ri Gabriel kan xjel k'a apo wik'in. Y jari' toq yin kan janila xinmey, y roma ri' xinqasaj-wi' k'a pan ulew chuwech. Jak'a rija' xubij k'a chuwe chi yin k'o chi niq'ax jebel chinuwech ri yinajin chutz'etik. Ronojel re' kan xtibebanatej k'a chiqawech-apo, xcha'.

Dn 5:6

kan jari' k'a toq xjalatej-qa ri ruwech roma xibinri'il y xuchop nibaybot chijun ri ruch'akul, kan xk'is k'a ri ruchuq'a' y man xtikir ta chik xpa'e'.

Wuj Richin ri Rutikeribel 37:10

Y chuqa' xutzijoj k'a chire ri rutata' stape' xutzijoj yan chike ri rach'alal, jak'a ri rutata' xuch'olij y xubij chire: ¿Achike k'a chi achik' ri xawachik'aj rat? ¿Chij ri ate' y yin y konojel ri awach'alal xtiqaqasaj ta k'a qi' k'a pan ulew chawech rat?, xcha' chire.

Wuj Richin ri Rutikeribel 37:11

Ri rach'alal nich'upun kik'u'x chirij, jak'a ri rutata' janila nuch'ob rij re achik' re'.

Dn 8:1

Toq k'a k'es na ri Belsasar, rey pa ruwi' ri ruwach'ulew Babilonia, y chupan ri rox juna' richin ri ruq'atbal-tzij, yin kan xk'utumej chik k'a chinuwech jun chik banobel.

Dn 10:16

Jari' toq rija' xuchop ri nuchi', y kan jari' k'a xich'on y xinbij chire: Roma ri xk'utumej chinuwech, yin kan janila yibison, y maneq chik wuchuq'a'.

Dn 4:16

Ri ruch'obonik kan tijalatej k'a, y tuk'uaj jun ch'obonik richin chikop, y keri' tik'oje' y k'a xtiq'ax na wuqu' juna' pa ruwi'.