Dn 7:23 - Kaqchiquel Bible

²³ Pa ruwi' re' chuqa' xubij chuwe: Ri rukaj chikop nel chi tzij jun rukaj ajawaren chuwech re ruwach'ulew. Y re' kan man junan ta kik'in ri ch'aqa' chik ajawaren. Kan xkeruch'ek k'a rije'; xkeruq'ututej y xkeruk'ajij jumul.

Dn 7:23 ပူးပေါင်းရင်းမြစ်များ

Dn 2:40

Chirij k'ari' xtibeyakatej k'a pe ri rukaj q'atbel-tzij ri kan k'o ruchuq'a' achi'el ri q'eqapueq. Y achi'el k'a nuben ri q'eqapueq ri kan nuwulaj y nukubij ronojel, keri' k'a xtuben ri jun rukaj q'atbel-tzij: Kan xtuwulaj k'a ronojel.

Dn 7:22

k'a toq xpe na ri k'aslik Dios y xuq'et k'a tzij pa kiwi' ri kan e richin rija', roma kan jari' xtz'aqet ri q'ij ri bin-pe, y keri' rije' kan xkik'ul k'a ri ajawaren.

Dn 7:24

Ri lajuj uk'a' nel chi tzij chi chirij ri rukaj ajawaren, xkebeyakatej chik pe lajuj ajawaren. Chikij rije' xtibeyakatej chik pe jun, y re' kan man junan ta kik'in ri e lajuj. Y kan xkeruch'ek k'a e oxi' ajawaren chikikojol ri e lajuj.

Dn 7:7

Y ri rukaj chikop ri xintz'et, kan namey y kan nak'en rukiy ri rubanik. Kan k'o janila ruchuq'a' y ri rey kan e nima'q y e achi'el q'eqapueq. Ronojel k'a ri nril nutej y nuwulaj jumul y ri man nuk'is ta, kan nubech kan chi'aqen. Re chikop re' kan man junan ta k'a kik'in ri ch'aqa' chik chikopi' ri e nutz'eton-pe, y kan k'o k'a chuqa' lajuj ruk'a'.

San Lucas 2:1

Chupan k'a ri q'ij ri', ri Augusto César q'atoy-tzij pa ruwi' ri ajawaren Roma. Jari' toq xuteq rubixik chike konojel winaqi' chi nibeban jun tz'iban bi'aj.