Dn 7:21 - Kaqchiquel Bible

²¹ Y xintz'et k'a chi re jun ti uk'a' re', kan nuben oyowal kik'in ri e rutinamit ri Dios y kan yeruch'ek,

Dn 7:21 ပူးပေါင်းရင်းမြစ်များ

Dn 11:31

Ri e aj-labal aj-Siria xkeyakatej k'a chirij ri rachoch ri Dios, y xtikiben chire chi man jun rejqalen. Xtikipaba' k'a rusujik ri kamelabel ri yesuj ronojel nimaq'a' y tiqaq'ij, y xtikisuj k'a jun tz'il laj kamelabel ri kan nrixowaj ri Dios.

Dn 12:7

K'ari' ri ukusayon tzieq ri banon rik'in lino, kan xutzeqej k'a chi e ka'i' ruq'a' chikaj y xuya' rutzij pa rubi' ri Dios ri jantape' k'es, chi ronojel re' kan xtibetane', k'a toq xtitz'aqet na ri oxi' juna' rik'in nik'aj, toq ri uchuq'a' ri k'o kik'in ri rutinamit ri Dios xtik'is jumul, k'ari' toq xtitane' ronojel re'.

Dn 7:20

Keri' chuqa' xinwajo' ta xinwetamaj achike nuk'exewachuj ri lajuj uk'a', y ri jun chik ti ko'ol uk'a' ri xbek'ulun-pe chikikojol, ri kan k'o chi xetzaq-el e oxi' richin chi xk'oje' kan pa ruk'exel re jun ti ko'ol re' ri k'o runaq' ruwech y ruchi' y kan nich'on rik'in nimirisanen, y kan nuben chi kan ja rija' ri más nim chikiwech ri rachibil.

Dn 8:12

Ri uk'a' ri' xuben k'a ronojel ri xrajo' rija' y kan xbe k'a pa jotol. Roma ri yakatajinenri'il ri', kan xejach ri winaqi' pa ruq'a'; keri' chuqa' ri kamelabel ri jantape' yesuj. Keri' kan xuqasaj k'a pan ulew ronojel ri qitzij.

Dn 8:24

Kan janila k'a ruchuq'a' xtik'oje', jak'a xa man ruchuq'a' ta rija'. Y rija' xtuben k'a chi xtipe wululen pa kiwi' ri winaqi'. Ronojel ri xkeruben, kan utz k'a xtel chuwech; xkeruk'is k'a konojel achi'a' israelita ri k'o kiq'ij, y chuqa' e k'iy kiwinaq.

Dn 8:9

Y chire jun chike ri uk'a' ri' xbek'ulun chik k'a pe jun ti ko'ol uk'a', ri kan janila xk'iy pa ruchojmilal ri xokon, ri relebel-q'ij, y pa ruchojmilal ri tinamit Israel.

Apocalipsis 17:14

Rije' kan xtikiben k'a oyowal rik'in ri Karne'l. Jak'a ri Karne'l kan k'o pa kiwi' konojel rey y ajaw richin ronojel ajawaren. Y roma ri' ri xkeyakatej chirij, xa xkech'akatej roma rija', y ri e peteneq rik'in, kan e cha'on y kuqul-kik'u'x rik'in ri Dios, xcha' ri ángel.

Apocalipsis 17:6

Toq yin xintz'et ri ixoq ri', kan janila xinmey. Roma kan q'abarineq rik'in ri kikik'el ri e janila chi ralk'ual ri Dios ri xerukamisaj, roma xkinimaj ri Jesús.

Apocalipsis 19:19

Y jari' k'a toq yin xintz'et chik ri keq rij chikop e rachibilan ri rey richin ri ruwach'ulew, y kan e janila chuqa' aj-labal ri e kachibilan-el. Y konojel re' kan kimolon-ki' richin nikiben oyowal rik'in ri jun ri ch'okol chirij ri seq rij kiej y kik'in chuqa' ri e tzeqelibeyon richin.