Dn 6:7 - Kaqchiquel Bible

⁷ Roj ri oj aj-raqen, ri yojq'aton-tzij, y ri pixabanela' qamolon k'a pe qi' richin noqaya' chawech re jun pixa' re xqach'ob roj chi k'atzinel chi niban. Re pixa' re' nubij k'a chi chupan re jun ik' re' man jun wineq ri nixuke' richin nuya' ruq'ij jun chik dios, o jun chik wineq ri man ja ta rat. Y ri wineq ri man xtiniman ta chire re pixa' re', kan xtik'aq k'a chupan ri jul ri akuchi ek'o-wi ri koj.

Dn 6:7 ပူးပေါင်းရင်းမြစ်များ

Wuj Richin Bix Chire ri Dios 10:9

Niq'eleben achi'el nuben jun koj toq k'o pa rusok; chiri' k'a nichajin-pe, royoben chi napon ri wineq pa ruq'a'; y toq k'o chik pa ruq'a', nuk'uaj chupan ri pikbel ri rubanon kan.

Wuj Richin Bix Chire ri Dios 2:2

Yeyakatej k'a ri q'atoy taq tzij kichin ri ruwach'ulew, y ri tata'al nikiya' chikiwech, richin yeyakatej chirij ri Jehová y ri rey ri rucha'on rija'.

Wuj Richin Bix Chire ri Dios 59:3

Roma jantape' kiq'eleben ri nuk'aslen. Ri nima'q taq achi'a' kimolon k'a ki' richin yinkiya' pa k'ayew. Nikiben ronojel re', stape' yin man jun numak nubanon.

Wuj Richin Bix Chire ri Dios 59:5

Rat Jehová Dios k'iytisanel richin ronojel, rat ri at qa-Dios roj israelita. Kayakatej k'a richin naya' ri rutojbalil-mak chike konojel ri man yatkitzeqelibej ta; Man tajoyowaj kiwech konojel ri nikipaba-ki' chawech.

Wuj Richin Bix Chire ri Dios 62:4

Kan chaq niyala' k'a chiwech richin yinitzeq y niqasaj nuq'ij; Kan yixkikot k'a rik'in ri tz'ukuj-tzij; Rik'in ri ichi' ye'ibila' utzilej taq ch'abel, jak'a pan iwánima xa ruyon etzelal k'o.

Wuj Richin Bix Chire ri Dios 83:5

Kan jun k'a kiwech kibanon chire re ch'obonik re'. Kan xkiyala' k'a kitzij chi yeyakatej chawij.

Wuj Richin Bix Chire ri Dios 94:20

Rat kan man yeqa' ta k'a chawech ri man pa ruchojmilal ta yeq'aton-tzij. Ri kan nikiq'ej ruwi' ri pixa' xaxe richin man nikiq'et ta tzij pa ruchojmilal.

Dn 2:4

Jari' toq ri etamanela' xech'on-apo chire ri rey pa ch'abel arameo y xkibij chire: Jantape' k'a xkak'ase' rat rey. Tatzijoj k'a pe chiqe ri awachik' y roj kan xtiqaq'alajirisaj chawech ri nel chi tzij, xecha' chire.

Dn 3:11

Y xabachike k'a ri man xtuqasaj ta ri' y man nuya' ta ruq'ij ri wachibel, kan xtik'aq pa q'aq' richin nik'at, xacha'.

Dn 3:2

Toq xk'achoj ri paban wachibel ri', ri Nabucodonosor xuteq koyoxik ri e rusamajela', ri e aj-raqen pa kiwi' ri aj-labal, ri e q'atoy taq tzij ri ek'o pa ruwi' ri e nima'q taq tinamit, ri e yakol méro, ri pixabanela', ri to'onela' y konojel ri ek'o pa taq q'atbel-tzij chupan chijun ri ruwach'ulew Babilonia, richin nikinimaq'ijuj ri wachibel ri xuteq rubanik.

Dn 3:27

Y konojel k'a ri e q'atoy taq tzij ri ek'o-apo chiri', xejel-apo kik'in rije' richin yekitz'et. Y nikimey achike roma ri q'aq' kan man jun xuben chire ri kich'akul, ni ri rusumal-kiwi' kan man jun xk'at, ni ri kitziaq man jun xok chire y ni ta ruxla' ri q'aq' man xbe ta chikij.

Dn 3:6

Y xabachike k'a wineq ri man nrajo' ta nixuke' richin nuya' ruq'ij re wachibel re', kan chi'anin xtik'aq pa q'aq' richin nik'at, xcha'.

Dn 6:16

K'ari' ri rey xuteq k'a ruk'amik ri Daniel, y xubij chire: Daniel, ri a-Dios ri kan k'o awik'in jantape', ja ta k'a rija' ri xtikolon awichin, xcha'. Chirij ri' xkik'eq-qa chupan ri jul ri akuchi ek'o-wi ri koj.

Dn 6:22

Ri nu-Dios xuteq k'a pe jun ru-ángel richin xutz'apej ri kichi' ri koj, richin chi man jun xkiben chuwe. Roma yin xa kan man jun k'a numak chuwech rija'. Keri' chuqa' chawech rat rey kan man jun numakun, xcha'.

Wuj Richin ri Miqueas 6:5

Nutinamit yin, toqaqa chi'ik'u'x ri xrajo' ta xuben chiwe ri Balac ri rey richin Moab, y ri xubij ri Balaam ri ruk'ajol ri Beor. Chuqa' toqaqa chi'ik'u'x ri xinben iwik'in toq xixq'ax-pe pa Sitim y xixapon pa Guilgal, richin niya' rejqalen ri ch'akonik ri xinya' chiwe yin, xcha' ri Jehová.

Wuj Richin ri Nahum 2:12

Rix aj-Nínive, ri kan ix achi'el koj ri ojer kan; ri kan ye'ikamisaj ch'aqa' chik chikopi' richin ye'iya' chike ri alaji', richin ye'iya' chike ri ixoqi' taq koj. Y ri isok kan inojisan chi chikopi' ri e kaminaqi' chik.

San Mateo 12:14

Roma ri' ri fariseo kan xaxe xkitz'et kan ri', xebe y xbekimolo-ki' richin nikich'ob rubanik richin nikikamisaj ri Jesús.

San Mateo 26:4

Rije' xkiya' k'a chikiwech achike chi q'oloj xkekikusaj richin chi niqaqa ri Jesús pa kiq'a', y k'ari' nikikamisaj.

Marcos 15:1

Toq xseqer k'a pe chupan ri q'ij ri', ri aj-raqen kichin ri sacerdote xkimol k'a ki' e kachibilan ri achi'a' ri k'o kiq'ij, ri etamanela' chirij ri pixa' y konojel ri achi'a' ri pa komon yeq'aton-tzij. Rije' xkich'ob k'a ri achike nikiben rik'in ri Jesús, y kan ximon-el toq xkik'uaj y xbekijacha' pa ruq'a' ri Pilato ri q'atoy-tzij aj-Roma.

San Juan 12:10

Roma ri' ri aj-raqen kichin ri sacerdote xkiya' chikiwech chi chuqa' ri Lázaro xtikikamisaj rachibilan ri Jesús.