Dn 6:24 - Kaqchiquel Bible

²⁴ Chirij ri' ri rey kan xubij k'a chi kebek'amer-pe ri achi'a' ri nich'upun kik'u'x chirij ri Daniel, y kek'aq chupan ri jul ri akuchi ek'o-wi ri koj. Kan keri' k'a xban chike ri achi'a' ri', e kachibilan ri kixjayilal y ri kalk'ual. Y kan k'a man jani k'a ke'apon-qa kik'in ri koj, kan ja yan ri' xkik'eq-pe-ki' ri koj chikij, y kan xekiwech'.

Dn 6:24 ပူးပေါင်းရင်းမြစ်များ

Wuj Richin ri Isaías 38:13

Ri chi'aq'a' kan xisik'in roma rukiy ri yabil. Yin xinna' achi'el xa ta jun koj nupaq'aq'ej ri nubaqil. Q'ij q'ij xk'is-qa ri wuchuq'a' richin ta xiken.

Ester 7:10

Keri', ri Amán xtzeqebex k'a chutza'n ri che' ri', pa ruk'exel ri Mardoqueo. Y rik'in k'a ri' xik'o-qa ri royowal ri rey Asuero.

Wuj Richin Bix Chire ri Dios 54:5

Kan xtaya' k'a rutojbalil-mak chike ri e etzelanel wichin. Ajaw, kan tawelesaj k'a el ri kik'aslen re winaqi' re' roma rat, kan naben ri nabij.

Ester 9:25

Jari' k'a toq ri reina Ester xapon chuwech ri rey, toq xubij chi titz'ibex chuwech jun wuj, ronojel ri etzelal ri xuch'ob ri Amán chikij ri judío, xa kan chirij k'a rija' tiqaqa-wi, y chi titzeqebex rija' y ri e lajuj ruk'ajol.

2 Rey 14:6

Jak'a man xerukamisaj ta k'a ri e kik'ajol rije'. Kan xuben achi'el ri tz'ibatel kan chupan ri pixa' ri xuya' ri Jehová chire ri Moisés, toq xubij chi man kekamisex ri te'ej-tata'aj koma ri alk'ualaxela', ni ri alk'ualaxela' koma ri te'ej-tata'aj. Xa kan chikijujunal xkeken chutojik ri kimak.

Deut 24:16

Ri te'ej-tata'aj man yekamisex ta roma kimak ri alk'ualaxela', y ni ta ri alk'ualaxela' man yeken ta roma ri kimak ri kite-kitata', xa kan chikijujunal k'o chi yekamisex roma ri kimak.

Wuj Richin Etamabel-Tzij 11:8

Ri wineq ri choj ruk'aslen nitotej-el chuwech ri ruk'ayewal ri k'aslen, y ri nik'oje' kan chuxe' ri ruk'ayewal ri k'aslen, ja ri banoy richin ri etzelal.

Dn 3:22

Xkiya' k'a janila ruchuq'a' ri q'aq' achi'el k'a ri rubixikil ri xubij ri rey. Y ri ruxaq ri q'aq' ri' xeberuq'i' ri achi'a' ri xeya'on-qa kichin ri Sadrac, ri Mesac y ri Abed-negó, y kan xerukamisaj.

Wuj Richin Etamabel-Tzij 19:9

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun tzij, xa pa kamik xtapon-wi.

Wuj Richin ri Jeremías 34:17

Roma ri' yin ninbij chi roma rix kan man xiniwak'axaj ta k'a richin chi xiya' ta el q'ij chike ri isamajela' richin xetotej, roma ri' re wakami yin kan xtinya' q'ij chi xtipe ri labal, ri wayjal y ri nima-yabil chiwij; kan xtinben chike konojel tzobaj winaqi' richin re ruwach'ulew, chi xtikixibij-ki' chiwech.