Dn 6:23 - Kaqchiquel Bible

²³ Y ri rey kan janila k'a xkikot, roma k'es ri Daniel. Y xubij k'a chi telesex-pe chupan ri jul. Keri' xel-pe ri Daniel y kan man jun k'a sokotajik k'o chirij, roma rija' kan xukuquba' ruk'u'x rik'in ri ru-Dios.

Dn 6:23 ပူးပေါင်းရင်းမြစ်များ

1 Crón 5:20

Y ri Dios kan xeruto' k'a chupan ri oyowal toq xkik'utuj to'onik chire, y rije' kan xkikuquba' kik'u'x rik'in. Y roma ri' kan xetzaq k'a ri e etzelanel kichin, y chuqa' ri e junamatajineq-kiwech kik'in.

Dn 3:25

Y ri rey xubij: Wakami yin nintz'et chi e kaji' ri yebiyaj pa ruxaq q'aq', y man jun kik'uluwachin; jak'a ri rubanikil ri rukaj kan achi'el xa ta jun kalk'ual ri dios, xcha'.

Marcos 9:23

Ri Jesús xubij: Wi rat nakuquba' ak'u'x wik'in, kan xtibanatej-wi ri arayibel. Roma wi jun wineq kan nukuquba' ruk'u'x, kan nibanatej-wi ri achike nrajo', xcha' ri Jesús.

Dn 6:18

Chirij ri' ri rey xbe pa rachoch, xkotz'e-qa y kan man jun xutej-qa. Kan man jun k'a xrajo' chi xk'amer ta pe chuwech, ni ri jalajoj ruwech q'ojom y kan man xwer ta k'a chuch'obik rij ri Daniel.

Wuj Richin ri Isaías 26:3

Roma ri Jehová nichajin kichin konojel ri k'o uxlanibel-k'u'x kik'in.

Wuj Richin Etamabel-Tzij 18:10

Kan achi'el ri Kowilej Torre, keri' chuqa' ri rubi' ri Jehová, roma ri' ri wineq choj ruk'aslen nukuquba' ruk'u'x rik'in y napon chiri' richin nuto-ri'.

Wuj Richin Bix Chire ri Dios 37:40

Ri Jehová yeruto' y yerukol chikiwech ri banoy etzelal, roma kan nikikuquba' kik'u'x rik'in.

2 Crón 20:20

Ri ruka'n q'ij, xeyakatej nimaq'a' yan richin yebe pa tz'iran ruwach'ulew ri k'o chunaqaj ri tinamit Tecoa, y toq rije' ye'el yan el, ri Josafat xpa'e-q'anej y xubij chike konojel: Kiniwak'axaj chi'iwonojel nuwinaq. Kan tiqakuquba' qak'u'x rik'in ri Jehová ri qa-Dios y keri' kan xtik'oje' k'a quchuq'a'; chuqa' tiqakuquba' qak'u'x kik'in ri q'alajirisey ruch'abel ri Dios y kan utz k'a xtel ronojel chiqawech, xcha' chike.

Hebreos 11:33

Konojel rije' xkikuquba' kik'u'x rik'in ri Dios, roma ri' xech'akon chikij ch'aqa' chik ruwach'ulew, pa ruchojmilal xeq'aton-tzij, xkik'ul ri xesuj chike roma ri Dios, xetikir xekikamisaj koj,

Dn 6:14

Toq ri rey xrak'axaj re ch'abel re', kan janila k'a xq'axon ránima y xukanoj rubanik richin ta xukol ri Daniel chuwech ri kamik. Y keri' k'a xuben k'a xqaqa na qa ri q'ij.

1 Rey 5:7

Toq ri rey Hiram xrak'axaj ri ch'abel ri rutaqon-el rubixik ri rey Salomón, janila xkikot y xmatioxin y xunimirisaj ruq'ij ri Jehová, roma kan ruya'on jun ruk'ajol ri David, ri janila runa'oj richin nuq'et-tzij pa ruwi' ri jun nimalej tinamit.

Ex 18:9

Ri Jetro toq xrak'axaj ronojel re', kan janila k'a xkikot, roma ronojel ri utzil ri rubanon ri Jehová kik'in ri israelita, toq xerelesaj-pe pa kiq'a' ri aj-Egipto.

Dn 3:17

roma kan qetaman k'a chi ri Dios ri niqasamajij roj, kan nitikir yojrukol chuwech ri q'aq' ri', y chuqa' nitikir yojrukol pan aq'a' rat rey.

Wuj Richin Bix Chire ri Dios 18:21

Yin kan nuchajin k'a wi' chuwech ri Jehová; kan man nuch'aron ta k'a kan wi' chupan ri bey ri richin ri Dios.