Dn 6:2 - Kaqchiquel Bible

² Y pa kiwi' chik ri aj-raqen ri' xeruya' chik e oxi' q'atoy taq tzij. Y jun chike rije' ja ri Daniel. Konojel re aj-raqen re' k'o chi nikibij chire ri Daniel y ri e ka'i' rachibil ronojel ri samaj ri nikiben, richin chi utz nibe ri ajawaren chuwech ri Darío.

Dn 6:2 ပူးပေါင်းရင်းမြစ်များ

Wuj Richin ri Esdras 4:22

Y kan titz'eta' k'a jebel, roma wi chaq k'a nikiben re samaj re' kan k'iy ruk'ayewal xtipe pa qawi' roj, xcha-el.

Ester 7:4

roma yin y ri nuwinaq xa kan oj k'ayin chik richin yojbeken y xqojk'is jumul. Wi ta xojk'ayix richin yojyuqe' pa samaj chi achi'a' chi ixoqi', man ta yich'on; jak'a re wakami, xa xqojbek'is, y re' kan man ruk'amon ta k'a chi keri' nibanatej, roma xa xtuben chi xtiwuluwu' ri awajawaren rat, xcha'.

Wuj Richin Etamabel-Tzij 26:6

Ri wineq ri k'o nuteq rubixik chike ch'aqa' chik winaqi', y xa jun ri maneq runa'oj ri nuteq-el, re' kan achi'el xa ta ja ri raqen ri nuchoy-el; y xa nuya-ri' pa k'ayew.

Wuj Richin Etamabel-Tzij 3:16

Ri na'oj achi'el xa ta k'o ruq'a' y ri pa rijkiq'a' ruk'amon-pe k'aslen, y ri pa rajxokon ruk'amon-pe beyomel y k'ojlemal.

Dn 5:16

Yin kan xinwak'axaj k'a chi rat kan yatikir naq'alajirisaj achik' y ronojel ri kan e k'ayew. Wakami k'a, wi xkatikir xtatz'et ri tz'ibanik ri xban kan chuwech ri jay y wi xkatikir xtaq'alajirisaj chinuwech ri achike nel chi tzij, kan xkatinwiq k'a rik'in tzieq q'eqq'oj-keq nitzu'un y xtinya' jun ichinaj chi'aqul ri banon rik'in q'anapueq. Y ja rat k'a xkatok q'atoy-tzij chuwij qa yin, xcha'.

Dn 5:29

Chirij ri' ri Belsasar xubij chi tiwiq k'a ri Daniel rik'in jun tzieq q'eqq'oj-keq nitzu'un, y tiya'ox jun ichinaj chiruqul ri banon rik'in q'anapueq. Chuqa' xtalux rutzijol chi ja ri Daniel ri xok kan q'atoy-tzij chirij qa rija'.

Dn 5:7

K'ari' xsik'in y xubij chi ke'oyox-pe ri etamanela' ri aj-Caldea, ri aj-q'ija' y ri aj-itza'. Y toq ek'o chik chuwech xubij chike: Xabachike k'a ri nitikir nitz'eton re tz'ibanik re' y nubij chuwe ri achike nel chi tzij, kan xtinben k'a chire chi nukusaj ri tzieq q'eqq'oj-keq nitzu'un, y xtinya' jun ichinaj chiruqul ri banon rik'in q'anapueq. Y kan jari' xtok q'atoy-tzij chuwij qa yin, xcha'.

Dn 6:1

Toq ri rey Darío ruchapon chik nuq'et-tzij, kan xerutaluj k'a e 120 aj-raqen richin nikiq'et-tzij pa kiwi' ri winaqi' ri ek'o chupan chijun ri rajawaren.

San Mateo 18:23

Roma ri' ri Jesús xubij chi ri aj-chikajil ajawaren kan achi'el k'a xuben jun rey ri xrajo' k'a nuchojmirisaj janipe' kik'as chikijujunal ri rusamajela'.

San Lucas 16:2

Ri rajaw ri beyomel ri' xuteq k'a royoxik ri samajel ri'. Y toq xoqaqa ri samajel, ri rajaw xubij chire: ¿Achike nabij chuwe chirij ri nitzijox chawij? Wakami k'a ninwajo' nintz'et achike rubanon ronojel ri beyomel pan aq'a', roma wawe' xk'is-wi kan ri asamaj, xcha' ri rajaw ri samaj.

1 Corintios 4:2

Y jun samajel kan nik'atzin chi tubana' ri samaj, achi'el ri rubin ri rajaw chire.

1 Sam 2:30

Roma ri', yin Jehová ri i-Dios ninbij chi stape' yin xibin chi ri aj pan awachoch y ri aj pa rachoch ri atata' ye'ok nu-sacerdote richin q'asen, jak'a re wakami ninbij chi man jun bey chik xtinben kere'. Wakami k'a, ri xtuya' nuq'ij xtinya' ruq'ij, y ri xkinketzelaj, kan xtinben chike chi man jun kejqalen. Ja yin Jehová ri yibin.