Dn 6:18 - Kaqchiquel Bible

¹⁸ Chirij ri' ri rey xbe pa rachoch, xkotz'e-qa y kan man jun xutej-qa. Kan man jun k'a xrajo' chi xk'amer ta pe chuwech, ni ri jalajoj ruwech q'ojom y kan man xwer ta k'a chuch'obik rij ri Daniel.

Dn 6:18 ပူးပေါင်းရင်းမြစ်များ

2 Sam 19:24

Chuqa' ri Mefi-bóset ri rumam kan ri rey Saúl xbe richin xberuk'ulu' ri David, y kan man atiwineq ta k'a, ni man ruchojmirisan ta ri rusumal-ruchi', ni man jalowineq ta. Kan keri' k'a xuch'ob richin nuben chupan ri q'ij toq xbe ri rey k'a toq xtzolin chik na rik'in uxlanibel-k'u'x.

1 Rey 21:27

Toq ri Acab xrak'axaj ri ch'abel ri xubij ri Elías, xuretz ri rutziaq chirij y xukusaj jun tzieq richin bis y kan man xwa' ta, y kan rik'in ri rutziaq ri' nikotz'e-qa; xuqasaj-ri' y kan janila k'a nibison ri nitzu'un.

Ester 6:1

Chupan k'a ri aq'a' ri' ri rey man nok ta qa ruwaran, y roma ri' xubij chi tik'amer-pe chire ri wuj ri akuchi e tz'ibatel-wi ri e banatajineq chupan ri ruwach'ulew, y tisik'ix chuwech.

Wuj Richin ri Achin Job 21:12

Ri ak'uala' ri' kan yebixan y yekikot rik'in ri ruch'abel ri q'ojom, ri arpa, y ri xul ri banon rik'in aj.

Wuj Richin Bix Chire ri Dios 137:2

Chirij k'a ri ruq'a' taq che' ri ek'o chiri' niqatzeqeba-wi ri qaq'ojom.

Wuj Richin Bix Chire ri Dios 77:4

Ri Jehová kan xuben k'a chuwe chi kan man xok ta ri nuwaran. Kan xsach nuk'u'x, y kan man jun chik k'a ch'abel xitikir xinbij.

Wuj Richin ri Molojri'il 2:8

Xinch'ek k'a janila chi q'anapueq y saqipueq y ri beyomel ri e kik'amalon-pe ri ch'aqa' chik rey kichin ch'aqa' chik ruwach'ulew. Xek'oje' e k'iy nubixanela' chi achi'a' chi ixoqi'. Y kan xinben ri achike ri rurayibel ránima jun achin: Ri qumuj vino y janipe' chi ixoqi' ri xenwajo'.

Wuj Richin ri K'uxla'anik 3:53

Rije' kan xinkiya' pa jun jul richin ta xiken. Kan xinkik'eq k'a qa chi abej.

Dn 10:3

Kan man xintej ta k'a ri jebelej taq q'utun, ni man xintej ta ti'ij, ni man xinqum ta vino, ni man xinya' ta jubulej taq aq'om chuwij, k'a toq xtz'aqet na oxi' semana.

Dn 2:1

Toq ri Nabucodonosor ruchapon ka'i' juna' chi niq'aton-tzij, jari' toq xeruben k'iy achik', y roma ri' kan nisach ruk'u'x man niwer ta chik.

Dn 6:19

Ri ruka'n q'ij ri rey xyakatej-el nimaq'a' yan, y xbe chi'anin chuchi' ri jul ri akuchi k'o-wi ri Daniel.

Apocalipsis 18:22

Ni man jun bey chik xtik'ases ta ri pa taq rubey rik'in ri kich'abel ri arpa, ri trompeta y ri xul. Chuqa' man xkek'oje' ta chik samajela' ri yebanon jalajoj ruwech samaj y man xkeq'ajan ta chik ri ka'.