Dn 6:16 - Kaqchiquel Bible

¹⁶ K'ari' ri rey xuteq k'a ruk'amik ri Daniel, y xubij chire: Daniel, ri a-Dios ri kan k'o awik'in jantape', ja ta k'a rija' ri xtikolon awichin, xcha'. Chirij ri' xkik'eq-qa chupan ri jul ri akuchi ek'o-wi ri koj.

Dn 6:16 ပူးပေါင်းရင်းမြစ်များ

Wuj Richin ri Achin Job 5:19

Ronojel mul xkarukol chuwech ri ruk'ayewal, y man xtuya' ta q'ij chi ri etzelal xtapon awik'in.

Dn 3:28

K'ari' ri Nabucodonosor xch'on y xubij: Nimalej ruq'ij ri ki-Dios ri Sadrac, ri Mesac y ri Abed-negó. Roma kan xuteq k'a pe jun ru-ángel y xerukol re e rusamajela' re' ri xkikuquba' kik'u'x rik'in. Rije' kan man xkitaqej ta ri pixa' ri xinya' yin, y xa kan xkijech k'a ki' pa ruq'a' ri ki-Dios y man xkiya' ta ruq'ij jun chik dios.

Wuj Richin ri Isaías 43:2

Toq xkixq'ax chupan ri palou, yin xkik'oje' iwik'in. Toq xkixq'ax chupan raqen taq ya', kan man xkixruk'uaj ta el. Y toq xkixq'ax chupan nimalej taq q'aq', man xkixk'at ta, ni ri ruxaq q'aq' man xkixrumej ta.

2 Sam 3:39

Jak'a yin stape' qasan aceite pa nuwi' richin xinok rey, wakami ninna' chi xa man jun wuchuq'a' k'o, roma ri Joab y ri Abisai xa kan ik'owineq chik ruwi' kuchuq'a' chinuwech yin. Y roma ri' ninbij chi kan ja ta k'a ri Jehová xtiya'on rutojbalil chike roma ri itzel ri xkiben, xcha'.

Dn 3:17

roma kan qetaman k'a chi ri Dios ri niqasamajij roj, kan nitikir yojrukol chuwech ri q'aq' ri', y chuqa' nitikir yojrukol pan aq'a' rat rey.

Dn 6:20

Xjel k'a apo chuchi' ri jul y rik'in bis xroyoj-qa ri Daniel. Y xubij-qa: Daniel, ri at rusamajel ri k'aslik Dios, ri Dios ri jantape' nasamajij, ¿kan xtikir kami xaruto' chikiwech ri koj?, xcha-qa.

Hechos 25:11

Wi k'o ta k'a mak ri nubanon y kan k'o chi yikamisex, man k'a chuqa' ninbij ta chi man kikamisex. Jak'a wi xa man jun chike ri nikibij chuwij nubanon, man jun k'a k'o ruq'a' chuwe richin yirujech ta el chike ri yebin chi k'o numak. Roma ri' ninwajo' chi kan ja ri César ri tiq'aton-tzij pa nuwi', xcha'.

Wuj Richin Etamabel-Tzij 29:25

Roma ri' ri xibinri'il ri nikiya' ri achi'a', xa jun tzaqibel richin ri wineq; jak'a ri wineq ri kan nukuquba' ruk'u'x rik'in ri Jehová, kan k'o uxlanen, pa ránima.

Romanos 13:3

Jun q'atoy-tzij man nuya' ta ruk'ayewal pa kiwi' ri e utz; xaxe pa kiwi' ri e banoy etzelal. Wi niqajo' yojk'ase' chi utzil y man niqaxibij ta qi', tiqabana' k'a ri utz. Y utz xqojtz'et koma ri q'atoy taq tzij.

Dn 6:7

Roj ri oj aj-raqen, ri yojq'aton-tzij, y ri pixabanela' qamolon k'a pe qi' richin noqaya' chawech re jun pixa' re xqach'ob roj chi k'atzinel chi niban. Re pixa' re' nubij k'a chi chupan re jun ik' re' man jun wineq ri nixuke' richin nuya' ruq'ij jun chik dios, o jun chik wineq ri man ja ta rat. Y ri wineq ri man xtiniman ta chire re pixa' re', kan xtik'aq k'a chupan ri jul ri akuchi ek'o-wi ri koj.

Dn 3:15

Y xubij chik k'a jun bey chike, chi toq xtikak'axaj ri ruch'abel ri q'ojom kan k'o chi yexuke' chuwech ri wachibel, roma wi man xkexuke' ta, kan ja yan ri' xkek'aq pa q'aq' richin yek'at. Y kan man jun k'a dios ri xkekolon pa ruq'a' ri rey.

Wuj Richin ri Jeremías 38:5

Y ri rey Sedequías xubij chike chi tikibana' ri niqa' chikiwech rije' roma pa kiq'a' k'o-wi, jak'a rija' man jun nitikir nuben kik'in rije'.

Wuj Richin ri Jeremías 26:14

Jak'a yin kan pan iq'a' ink'o-wi. Tibana' k'a wik'in ri achike ri niqa' chiwech rix.

Hechos 25:9

Ri Festo roma nrajo' chi utz nitz'et koma ri judío, xuk'utuj k'a chire ri Pablo: ¿Nawajo' k'a chi k'a pa Jerusalem yojbe-wi, chuchojmirisaxik ri ch'a'oj najin chawij?, xcha' ri Festo.

Hechos 24:27

Ka'i' k'a juna' xq'ax, y ri Pablo k'a k'o na k'a chiri' pa cárcel. Ri Félix ri q'atoy-tzij xjal-el y xok kan ri Porcio Festo pa ruk'exel. Y ri Félix xaxe richin utz nitz'et koma ri winaqi' judío, kan k'a xuya' na kan pa cárcel ri Pablo.

2 Corintios 1:10

Y ja rija' ri xojkolon-pe chuwech ri kamik ri', y kan keri' xtuben. Kan qakuquban k'a qak'u'x rik'in chi re beneq-apo kan xqojrukol-wi k'a chuwech ri kamik achi'el ri rubanon-pe qik'in.

Wuj Richin ri Isaías 41:10

Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.

Wuj Richin ri Jeremías 38:6

Xeri' ri achi'a' ri' xinkichop richin xinkiya-qa pa jul ri k'o pa rachoch ri Malquías ruk'ajol ri rey, ri k'o chiri' chuwa-jay ri akuchi yechajin-wi. Rik'in k'a kolo' xinkiqasaj-qa pa jul y ri jul ri' xa maneq k'a ya' chupan; xa ch'abeq ri k'o chupan y yin xisoboso-qa chupan ri ch'abeq ri'.

Wuj Richin ri Jeremías 39:17

Jak'a yin chupan ri q'ij ri', xkatinkol chuwech ronojel y keri' kan man xkaqaqa ta pa kiq'a' ri achoq chuwech janila naxibij-awi'.