Dn 6:13 - Kaqchiquel Bible

¹³ K'ari' xkibij k'a chire ri rey chi ri Daniel ri jun chike ri e k'amon-pe pa Judá, man nuqasaj ta ri' chuwech, ni man niniman ta chire ri pixa' ri', y chi xkitz'et chi rija' nich'on rik'in ri ru-Dios oxi' mul pa jun q'ij.

Dn 6:13 ပူးပေါင်းရင်းမြစ်များ

Dn 3:12

Y wakami ri achi'a' aj-Judá ri kibini'an Sadrac, Mesac y Abed-negó, ri e aya'on pa ruwi' re qaruwach'ulew Babilonia, kan man kinimaj ta atzij rat rey, ni kan man nikiya' ta kiq'ij ri qa-dios, ni man yexuke' ta chuwech ri wachibel, xecha'.

Hechos 5:29

Jak'a ri Pedro y ri ch'aqa' chik e taqon roma ri Cristo xkibij k'a apo chike: Nik'atzin chi ja ri nubij ri Dios ri niqanimaj, y man ja ta ri nikajo' ri winaqi'.

Dn 2:25

Jari' toq ri Arioc chi'anin xuk'uaj-el ri Daniel chuwech ri rey, y xubij chire: Chikikojol ri aj-Judá ri e k'amon-pe k'o re jun ala' re' y rija' xtuq'alajirisaj chawech ri achik' ri xaben, xcha'.

Dn 5:13

Kan jari' k'a xbek'amer-pe ri Daniel, y xapon k'a chuwech ri rey. Y ri rey xubij chire: ¿Ja rat ri' ri Daniel, ri jun chike ri aj-Judá ri e ruk'amon-pe ri Nabucodonosor, pa ruwach'ulew Judá?

Ester 3:8

Xeri' ri Amán xubij chire ri rey Asuero: Chupan ri awajawaren rat, ek'o jun tzobaj winaqi' ri e talutajineq ri man junan ta kich'obonik qik'in. Y ri pixa' ri kitzeqeliben kan jun wi chik, y man nikitaqej ta ri apixa' rat. Yin ninch'ob chi kan man ruk'amon ta chawe rat chi ri winaqi' ri' e k'es.

Dn 1:6

Chikikojol k'a ri alaboni' aj-Judá xecha'ox, ri Daniel, ri Ananías, ri Misael y ri Azarías.

Hechos 17:7

Ja re Jasón ri xk'ulun-apo kichin ri pa rachoch. Konojel k'a ri ye'ojqan kichin ri Pablo y ri Silas, man ja ta ri nubij ri pixa' richin re qaruwach'ulew ri ye'ajin chubanik. Rije' xa man nikinimaj ta ri nubij ri rey César, roma xa nikibij chi k'o jun chik ki-rey, y rubini'an Jesús, xecha'.

Dn 3:8

Chupan ri q'ij ri' ek'o k'a jujun chike ri aj-Babilonia ri kan itzel yekitz'et ri aj-Judá, y roma ri' rik'in ch'upun-k'u'x xebekisujuj rik'in ri rey.

Dn 3:11

Y xabachike k'a ri man xtuqasaj ta ri' y man nuya' ta ruq'ij ri wachibel, kan xtik'aq pa q'aq' richin nik'at, xacha'.