Dn 6:12 - Kaqchiquel Bible

¹² Ri achi'a' ri' kan chi'anin k'a xebe rik'in ri rey richin nibekinataj chire ri pixa' ri'. Y xkibij chire: Rat rey, xawelesaj k'a rutzijol ri jun pixa' ri nubij chi man jun wineq xtuya' ruq'ij jun chik dios o jun chik wineq ri man ja ta rat, chupan re jun ik'. Y ri wineq ri xtuben keri' kan xtik'aq k'a chupan ri jul chikikojol ri koj, xecha'. K'ari' ri rey xubij chi kan keri' wi y man jun niq'ajo ruwi'.

Dn 6:12 ပူးပေါင်းရင်းမြစ်များ

Ester 1:19

Roma ri', wi rat rey niqa' chawech, tatz'ibaj k'a jun wuj ri akuchi nubij-wi chi ri Vasti man reina ta chik. Y tikanox chik k'a jun ruk'exel ri más nimey-tzij chuwech rija'. Y re wuj re' kan xtik'oje' jantape' chukojol ri pixa' qichin roj ri oj richin ri ruwach'ulew Medo-Persia.

Dn 6:15

Jak'a ri achi'a' ri' xkimol-ki' richin xebe rik'in ri rey, y xkibij chire: Qa-rey, toqaqa chi'ak'u'x, chi ri pixa' ri xajikiba' yan atzij chire, y xel yan rutzijol. Ri' kan man jun xtijalo, xecha'.

Dn 6:8

Wakami k'a, rat qa-rey, tajikiba' k'a re jun pixa' re', y taya-el ri abi' chuwech, richin keri' kan man jun xtijalo, achi'el k'a ri pixa' richin ri qaruwach'ulew Media y Persia, ri kan man jun niq'ajo ruwi', xecha'.

Hechos 16:19

Jak'a toq ri rajaw ri xten xkitz'et chi xa man xtikich'ek ta chik kiméro chirij ri kaj-ik', xebekichapa-pe ri Pablo y ri Silas, y xekik'uaj chikiwech ri q'atoy taq tzij ri ek'o pa q'atbel-tzij.

Hechos 16:24

Roma ri' rija', kan xaxe xbix keri' chire, kan xeberuya' kan chupan ri jay ri k'o más apo chupan ri cárcel. Y ri kaqen xeruq'atabala' kan kojol ka'i' che'*f36* richin keri' man k'a xke'el ta el.