Dn 5:7 - Kaqchiquel Bible

⁷ K'ari' xsik'in y xubij chi ke'oyox-pe ri etamanela' ri aj-Caldea, ri aj-q'ija' y ri aj-itza'. Y toq ek'o chik chuwech xubij chike: Xabachike k'a ri nitikir nitz'eton re tz'ibanik re' y nubij chuwe ri achike nel chi tzij, kan xtinben k'a chire chi nukusaj ri tzieq q'eqq'oj-keq nitzu'un, y xtinya' jun ichinaj chiruqul ri banon rik'in q'anapueq. Y kan jari' xtok q'atoy-tzij chuwij qa yin, xcha'.

Dn 5:7 ပူးပေါင်းရင်းမြစ်များ

Dn 5:29

Chirij ri' ri Belsasar xubij chi tiwiq k'a ri Daniel rik'in jun tzieq q'eqq'oj-keq nitzu'un, y tiya'ox jun ichinaj chiruqul ri banon rik'in q'anapueq. Chuqa' xtalux rutzijol chi ja ri Daniel ri xok kan q'atoy-tzij chirij qa rija'.

Dn 5:16

Yin kan xinwak'axaj k'a chi rat kan yatikir naq'alajirisaj achik' y ronojel ri kan e k'ayew. Wakami k'a, wi xkatikir xtatz'et ri tz'ibanik ri xban kan chuwech ri jay y wi xkatikir xtaq'alajirisaj chinuwech ri achike nel chi tzij, kan xkatinwiq k'a rik'in tzieq q'eqq'oj-keq nitzu'un y xtinya' jun ichinaj chi'aqul ri banon rik'in q'anapueq. Y ja rat k'a xkatok q'atoy-tzij chuwij qa yin, xcha'.

Dn 2:48

Chirij ri' ri Nabucodonosor xunimirisaj ruq'ij ri Daniel y xuya' nima'q taq sipanik chire y xuben chire chi xok aj-raqen pa ruwi' ri ruwach'ulew ri k'o pa Babilonia, y chuqa' nimalej aj-raqen pa kiwi' konojel ri etamanela' richin ri ruwach'ulew ri'.

Dn 2:6

Jak'a wi xtibij chuwe ri xinwachik'aj y ri nel chi tzij, kan xtiwil k'a utzil wik'in, xtinya' k'a sipanik chiwe y kan xtiya'ox iq'ij. Roma ri' tibij k'a pe chuwe ri achik' y ri nel chi tzij, xcha' ri rey.

Dn 2:2

Roma ri' xuteq koyoxik ri e aj-q'ija' y ri e aj-itza' y ri etamanela' aj-Caldea, richin nikiq'alajirisaj chuwech ri achik' ri xeruben. Y konojel re achi'a' re' kan xe'apon k'a chuwech.

Ez 16:11

Xatinwiq k'a rik'in jalajoj ruwech wiqobel ri e banon rik'in q'anapueq, xinya' retz'aba'l-aq'a' y awichinaj,

Wuj Richin ri Isaías 47:13

Ronojel ri kipixabanik xa xuben chiwe chi xixkos. Wakami k'a kepe y kixkikolo' ri yetz'eton ronojel ri nibanatej chuwech ri kaj, ri ye'ajlan ri ik', y nikibij ri achike peteneq chiwij.

Dn 4:14

ri kan nich'on kow y nubij: Titorij ri che', y ke'ichoyola' ri ruq'a', tik'isa-el ronojel ri ruxaq y ri ruwech titaluj ronojel. Keri' chuqa' konojel ri chikopi' ri ek'o chuxe' kebe y ri aj-xik' taq chikopi' ke'el-el chupan ri ruq'a'.

Wuj Richin ri Nimalej Bix 1:10

Ri apalej kan jebejoj ok nitzu'un chikikojol ri ruwi' taq axikin. Ri aqul kan jebejoj ok niq'alajin rik'in ri awichinaj.

Wuj Richin Etamabel-Tzij 1:9

Roma re' kan xke'ok jun wiqobel ri nik'oje' pan ijolon, kan xke'ok k'a chuqa' achi'el jun ichinaj ri nikiwiq jebel ri ruwa taq ik'u'x.

Ester 3:1

K'o k'a jun achin rubini'an Amán, ruk'ajol ri Hamedata, y rijatzul kan ri Agag. Y ri rey Asuero kan xuya' janila rejqalen ri Amán, y xuben chire chi ja rija' xok más nim pa kiwi' konojel ri e aj-raqen richin chijun ri ruwach'ulew ri k'o pa ruq'a' ri rey.

1 Sam 17:25

Chikijujunal k'a rije' nikibila', ¿man itz'eton ta ri jun achin ri nel-pe chikikojol ri aj-Filistea ri nuyek qoyowal? Ri xtich'ako ri achin ri', ri rey nuya' janila beyomel chire, y chuqa' nuya' ri rumi'al chire richin nok rixjayil, y yerukol ri aj pa rachoch ri rutata' richin man nikitoj ta ri kan k'o chi nikitoj chire ri rey, yecha'.

Wuj Richin ri Q'axanri'il 24:11

Más utz kan jare' katzolej chi'awachoch. Yin kan nuch'obon k'a chi ninya' rajel ruk'exel chawe, jak'a ri Jehová man xuya' ta q'ij chi rat k'o ta ri nak'ul-el, xcha'.

Wuj Richin ri Q'axanri'il 22:17

Roma kan qitzij ninbij chawe chi kan k'iy rajel ruk'exel ri xtinya' chawe y ronojel k'a ri xtak'utuj kan xtinya' chuqa' chawe. Xaxe katanpe y tawoyoj itzel pa ruwi' re tinamit re', nubij ri Balac, xecha' rije'.

Wuj Richin ri Q'axanri'il 22:7

Y ri achi'a' aj-Moab y ri aj-Madián xebe k'a y xkik'uaj-el ri tojbel richin ri itzel oyonik ri xtuben ri Balaam. Y toq rije' xe'apon rik'in ri Balaam, xbekibij k'a ri ch'abel ri rubin-el ri Balac.

Wuj Richin ri Rutikeribel 41:8

Y nimaq'a' ruka'n q'ij, rija' janila k'ayew runa'on ri pa ránima, roma ri achik' ri xeruben. Y xuteq k'a koyoxik ri achi'a' etamanela' y ri achi'a' ri e aj-na'oj ri ek'o chupan ri ruwach'ulew Egipto. Y toq ek'o chik k'a ri achi'a' ri', k'ari' k'a xutzijoj ri rachik' chike, y man jun k'a xtikir ta xbin chire achike yek'ulun-wi ri rachik'.

Ex 7:11

Jari' toq ri rey xuteq koyoxik ri achi'a' aj-na'oj y ri achi'a' ri aj-itza'. Y toq rije' xe'apon kan xkiben chuqa' achi'el xuben ri Aarón.

Wuj Richin ri Jeremías 50:35

Yin Jehová ri yibin. Ri woyowal xtiqaqa pa kiwi' ri aj-Babilonia, pa kiwi' ri e aj-raqen y pa kiwi' ri achi'a' e aj-na'oj.

Dn 1:4

Rije' kan nik'atzin chi kan e tz'aqet y kan e jebel ok, y e tijon jebel rik'in ronojel etamabel y kan e nowineq, ri kan e nojineq chuqa' rik'in na'oj y kan ruk'amon richin yek'oje' pa rachoch ri rey. Y chuqa' xubij chike chi ketijox rik'in ri kich'abel ri aj-Babilonia, y tik'ut rutz'ibaxik ri ch'abel ri' chikiwech.

Dn 1:20

Ri rey kan xubij k'a chike ri alaboni' ri' chi nikiq'alajirisaj na'oj y nojibel chire. Keri' ronojel ri xuk'utuj chike, ri kan nrajo' etamabel y nojibel kan xq'alajin k'a chuwech chi ri ketamabal rije' kan ik'owineq k'a lajuj bey chikiwech ri aj-itza' y ri aj-q'ija' ri ek'o chupan ri ajawaren.

Dn 2:27

Y ri Daniel xch'on k'a apo chire y xubij: Ri ewatel chawech ri kan nawajo' nawetamaj, kan man jun k'a etamanel, ni aj-q'ij, ni aj-itz, ni ri nubananej chi retaman ri peteneq, ri xtitikir ta xtiq'alajirisan chawech.

Dn 5:11

Roma chupan ri awajawaren kan k'o jun achin ri kan ya'on nojibel chire koma ri e dios. Y chupan ri q'ij toq xk'oje' ri Nabucodonosor, kan xilitej k'a rik'in ri achin ri' ri nojibel y ri etamabel, kan achi'el ri k'o kik'in ri dios. Roma ronojel ri etamabel ri xilitej rik'in, ri Nabucodonosor kan xuben k'a chire chi xok aj-raqen pa kiwi' ri etamanela' aj-Caldea, ri aj-q'ija' y ri aj-itza'.

Dn 5:15

Xek'amer yan k'a pe chinuwech ri achi'a' ri etamanela' y ri aj-q'ija' richin ta nikitz'et chinuwech ri tz'ibanik ri xban chuwech ri tz'aq, y nikibij ta chuwe ri nel chi tzij. Jak'a xa kan man xetikir ta.