Dn 5:5 - Kaqchiquel Bible

⁵ Y kan chupan k'a ri ramaj ri', chaq k'ate' k'a xbek'ulun-pe jun ruq'a' wineq ri nitz'iban chuwech ri jay ri akuchi ek'o-wi, chunaqaj ri candelero. Y toq ri rey xutz'et ri q'abaj ri',

Dn 5:5 ပူးပေါင်းရင်းမြစ်များ

Wuj Richin ri Achin Job 20:5

Kan awetaman k'a chi ri itzel taq winaqi' xa man niyaloj ta ri kikoten kik'in. Ri kan maneq Dios chikiwech, xa jun ok ti ramaj nuben ri kikikoten.

Wuj Richin Etamabel-Tzij 29:1

Ri wineq banoy richin etzelal, ri kan man nuqasaj ta ri', kan pa jun ti ramaj xtiya'ox-pe ri kamik pa ruwi' y man jun chik ri xtikolon richin.

Wuj Richin ri Jeremías 50:43

Ri i-rey toq xtrak'axaj ri rutzijol chi e peteneq, kan xtik'is ri ruchuq'a'. Kan xtipe bis pa ránima, y xtuna' jun q'axo'n achi'el nuna' jun ixoq toq nalex yan ti ral.

Dn 4:31

Kan k'a yinajin na k'a chi ch'owen toq xinwak'axaj jun ch'abel ri peteneq chila' chikaj, y xubij chuwe: Tawak'axaj rat rey Nabucodonosor, ri awajawaren xa xelesex yan k'a pan aq'a'.

Dn 4:33

Kan chupan k'a ri ramaj ri' xbanatej wik'in, achi'el ri xbix chuwe. Kan xinelesex k'a el chikikojol ri winaqi', y kan xintej k'a ri q'ayis achi'el nikitej ri wákix, y ri nuch'akul kan xch'eqe' rik'in ri raxq'ab, y ri nusumal kan xnimer k'a pe, kan achi'el chik k'a ri rusumal ri aj-ch'ak ri xuben. Y keri' chuqa' ri wixk'eq kan achi'el chik ri kixk'eq ri aj-xik' taq chikopi'.

Dn 5:15

Xek'amer yan k'a pe chinuwech ri achi'a' ri etamanela' y ri aj-q'ija' richin ta nikitz'et chinuwech ri tz'ibanik ri xban chuwech ri tz'aq, y nikibij ta chuwe ri nel chi tzij. Jak'a xa kan man xetikir ta.

Dn 5:4

Yequmun k'a y nikiya' ruq'ij ri ki-dios ri xa e banon rik'in q'anapueq, saqipueq, q'enq'oj-pueq, q'eqapueq, che' y abej.

Dn 5:6

kan jari' k'a toq xjalatej-qa ri ruwech roma xibinri'il y xuchop nibaybot chijun ri ruch'akul, kan xk'is k'a ri ruchuq'a' y man xtikir ta chik xpa'e'.

Dn 5:8

Konojel rije' xkitz'et ri tz'ibanik ri', jak'a xa man xq'ax ta chikiwech, ni man xetikir ta xkiq'alajirisaj ri nel chi tzij.

Colosenses 2:14

Ri rubanon kan, qonojel roj qoyoben chi niqaqa ta ruk'ayewal pa qawi', roma man xojtikir ta xqaben ronojel ri nubij chupan ri pixa' richin ri Dios. Jak'a ri Dios xojrukol chuwech ri ruk'ayewal ri'. Keri' xuben roma ri Cristo xbajix chuwech ri cruz qoma roj.