Dn 5:27 - Kaqchiquel Bible

²⁷ Ri TEKEL nel chi tzij chi rat xatetex yan k'a pa jun etabel y xnabex chi chupan ri aq'atoj-tzij man ja ta rubanik yatajin.

Dn 5:27 ပူးပေါင်းရင်းမြစ်များ

Wuj Richin ri Achin Job 31:6

kan kirupaja' k'a ri Dios rik'in jun etabel ri kan tz'aqet nipajon, richin keri' ri Dios kan nretamaj k'a chi yin kan choj wi ri nuk'aslen.

Wuj Richin Bix Chire ri Dios 62:9

Kan qitzij wi, chi ri wineq xa q'axel achi'el ri kaq'iq', Stape' beyom o k'o ta pa meba'il, xa kan maneq rejqalen. Wi ta ye'etex pa jun etabel konojel, kan yek'ulun chi xa man jun kejqalen.

Wuj Richin Etamabel-Tzij 16:2

Ronojel rubeyal k'aslen, kan e ch'ajch'oj yeq'alajin chuwech ri wineq; jak'a ri Jehová nunik'oj achike roma toq ri ránima ri wineq nucha-el jun chike ri bey.

Wuj Richin Etamabel-Tzij 21:2

Ronojel rubeyal k'aslen, kan e choj yeq'alajin chuwech ri wineq; jak'a ri Jehová nupej y nutzu', achike roma toq ri ránima ri wineq xurayij ri bey ri ruk'uan.

Wuj Richin ri Jeremías 6:30

Roma ri' ninbij chi rije' e achi'el ri saqipueq ri man nik'atzin ta chik, roma rat Jehová kan xe'awetzelaj.

Ez 5:1

Ri Jehová xch'on chik wik'in y xubij chuwe: Rat Ezequiel, tabek'ama-pe jun qupibel ri jebel rey y k'ari' xtasokaj-el ri rusumal-awi' y ri rusumal-achi'. K'ari' xtabek'ama-pe jun etabel y xtawetaj ri rusumal-awi' pan oxi' chuyaj.

Wuj Richin ri Nahum 1:14

Jak'a pan iwi' rix aj-Nínive, ri Jehová kan ruya'on k'a rutzijol. Kan man jun iwijatzul xkek'oje' richin xkixnatex. Kewulex-el ri wachibel e banon rik'in che' y ri e ya'erisan pa q'aq'. Y keri' ri jay kichin ri dios ri' kan xketole' kan. Xtuben k'a chi chiri' xkixmuq-wi roma yalan itzel ik'aslen xiben chuwech rija'.

1 Corintios 3:13

Ja k'a kan xtapon ri q'ij toq xtiq'alajin ri qasamaj chiqajujunal, wi utz ó man utz ta; kan achi'el xa ta xtiqaqa q'aq' pa ruwi' ri jay ri xqapaba-q'anej.