Dn 5:23 - Kaqchiquel Bible

²³ Pa ruk'exel chi xaqasaj ta awi', xa kan xanimirisaj-awi' chuwech ri Dios. Roma ri animirisanen kan xateq k'a ruk'amik ri qumbel ri xa e richin ri rachoch ri Dios ri rajaw ronojel, y chupan ri' xaqumun-wi rat, ri achi'a' ri k'o kiq'ij, ri awixjayilal y ri e a-concubina. Pa ruwi' ri' kan xaya' k'a kiq'ij ri dios ri e banon rik'in q'anapueq, saqipueq, q'enq'oj-pueq, q'eqapueq, che' y abej, stape' ri dios ri' xa man yetzu'un ta, ni man ye'ak'ex ta, ni man jun ketaman. Jak'a ri Dios ri achoq pa ruq'a' k'o ri ak'aslen, ri kan rutzuliben ronojel ri abey, kan man jun bey k'a xaya' ruq'ij.

Dn 5:23 ပူးပေါင်းရင်းမြစ်များ

Wuj Richin ri Rutikeribel 14:19

Y xrurtisaj ri Abram y xubij chire: Nim aq'ij rubanon ri nimalej Dios chawe rat Abram, ri Dios ri kan man jun chik achi'el rija', ri Dios ri xbanon ri kaj y re ruwach'ulew;

Wuj Richin ri Rutikeribel 2:7

Ri Dios xuben ri achin rik'in ri ulew y k'ari' xuxupuj pa rutza'n richin xuya' ruk'aslen y Adán ri rubi' ri xuya'. Y keri' k'a xbanatej toq xya'ox ruk'aslen ri achin.

2 Rey 14:10

Kan qitzij na wi chi rat Amasías xe'ach'ek yan ri aj-Edom, y ri awánima kan animirisan y ayon rat aya'on-q'anej aq'ij. Xaxe kak'oje' k'a chiri' pan awachoch. ¿Achike roma naju-awi' pa jun ruk'ayewal, xaxe richin chi yabetzaq rat y ri aj-Judá chuqa'?, xcha' ri Joás rey richin Israel.

Wuj Richin ri Achin Job 12:10

Kan ja wi ri ruchuq'a' ri Dios ri xya'on kik'aslen konojel ri ek'o chuwech re ruwach'ulew. Kan ja rija' ri xya'on ri uxla' richin k'aslen chike konojel ri winaqi'.

Wuj Richin ri Achin Job 31:4

Ri Dios kan retaman wi ri achike rubanik ri nuk'aslen yin, rija' kan retaman k'a chikijujunal ri nuxaka'l ri ninya' chuwech re ruwach'ulew.

Wuj Richin Bix Chire ri Dios 104:29

Wi rat nawewaj-awi', rije' kan nisach kik'u'x. Toq nawelesaj ri uxla' kik'in, rije' xa kan yeken-qa. Y xa kan yetzolej chik pa poqolaj.

Wuj Richin Bix Chire ri Dios 115:16

Ri kaj kan richin k'a ri Jehová. Jak'a ri ruwach'ulew kan ruya'on k'a chiqe roj.

Wuj Richin Bix Chire ri Dios 139:3

Rat kan awetaman k'a ri nubinibal y toq yinuxlan. Kan chijun k'a ri nubey chawech rat k'o-wi.

Wuj Richin Bix Chire ri Dios 146:4

Roma rije' xa yeken, nel-el ri uxla' kik'in y yetzolej chupan ri poqolaj; y kan chupan ri q'ij ri' niken kik'in rije' ronojel ri kich'obonik.

Wuj Richin Etamabel-Tzij 20:24

Ri Jehová kan rubanon chik k'a pe ri rubeyal ri ruk'aslen ri wineq. Roma ri' ¿achike rubanik toq ri wineq nretamaj rubeyal ri ruk'aslen?

Wuj Richin ri Isaías 13:11

Ri Jehová nubij: Yin xtinya' k'a rutojbalil-mak pa ruwi' chijun ri ruwach'ulew. Yin xtinya' ruk'ayewal pa kiwi' ri aj-maki' roma ri itzel taq kibanobal. Kan xkenk'is konojel ri kinimirisan-ki', y kan xtinbenqasaj kiq'ij konojel ri yekiya' pa poqon ri ch'aqa' chik winaqi'.

Wuj Richin ri Isaías 14:13

Rat kan xabij-qa chi xkajote-el chila' chikaj, k'a akuchi ek'o-wi ri ch'umila', richin najikiba' ri atz'uyubal richin q'atoj-tzij ri chiri'. Xach'ob chi yabek'oje' pa juyu' ri akuchi nikimol-wi-ki' ri ch'aqa' chik dios.

Wuj Richin ri Isaías 2:12

Roma ri q'ij richin ri Jehová ri k'iytisanel richin ronojel, xtoqaqa pa kiwi' konojel winaqi' ri kinimirisan-ki'; pa kiwi' konojel winaqi' ri kan janila nikina-ki', y kan xtiqasex k'a kiq'ij.

Wuj Richin ri Isaías 33:10

Ri Jehová nubij chi wakami kan xtibeyakatej-pe richin niberuk'utu' ronojel ruchuq'a' y ri ruk'ojlen.

Wuj Richin ri Isaías 37:19

Y kan xkiya' ri ki-dios richin xekibox pa q'aq', y kan xekik'is konojel, roma re' man e qitzij dios ta. Xa ja ri achi'a' e banayon, e kibanon rik'in che' y abej.

Wuj Richin ri Isaías 37:23

¿Achike ta k'a ri xaya' ruk'ix, y kan xaqasaj ruq'ij? ¿Achoq chirij xajeq pan achi', y kan janila xanimirisaj-awi' chuwech? Kan chuwij yin ri in Loq'olej ri ink'o wawe' pan Israel.

Wuj Richin ri Isaías 42:5

Kere' nubij ri Jehová chire ri ya'ol rutzijol: Yin xibanon ri kaj, y kan xinrik'. Chuqa' xinben ri ruwach'ulew y ronojel ri yewachin chuwech, y kan nuya'on kik'aslen konojel ri ek'o chuwech.

Wuj Richin ri Jeremías 10:23

K'ari' yin xich'on rik'in ri Jehová y xinbij: Rat awetaman chi roj man ja ta roj oj rajaw ri qak'aslen y qayon roj man yojtikir ta niqachojmirisaj ri qak'aslen.

Wuj Richin ri Jeremías 48:26

Rix kan xkixbiyin achi'el q'abarela' roma xixyakatej chuwij yin Jehová. Rix kan xtikich-iwi' chupan ri ixa'oj y konojel winaqi' xkeyojoben chiwij,

Wuj Richin ri Jeremías 50:28

Xtak'axatej k'a ri ch'abel kichin ri winaqi' ri xke'animej-pe pa ruwach'ulew Babilonia y xke'apon pa tinamit Sión richin xtokitzijoj ri rutojbalil ri xtinya' pa kiwi', roma ri xkiben chire ri wachoch.

Wuj Richin ri Jeremías 50:29

Ke'iwoyoj k'a konojel ri aj-ch'ab, richin chi nibekibana' oyowal kik'in ri aj-Babilonia. Tisutij k'a rij ri tinamit richin chi man jun nanimej-el. Tiya' k'a ri rutojbalil pa kiwi' achi'el ri ruk'amon. Tibana' k'a kik'in achi'el ri xkiben rije', roma kan xkinimirisaj-ki' chinuwech yin, Jehová ri loq'olej Dios richin ri tinamit Israel.

Ez 28:17

Roma kan at jebel ok, rat kan xanimirisaj-awi'. Roma ri awajawaren kan janila jebel, ri animirisanen xuben chawe chi xa xkik'is ri na'oj ri k'o awik'in. Roma ri' ri Dios kan xuqasaj aq'ij k'a pan ulew, y konojel k'a ri rey yetze'en chawij

Ez 28:2

Rat Ezequiel, taya' re jun rutzijol re' chire ri rey richin Tiro y kere' tabij: Rat kan janila xanimirisaj-awi', y nach'ob chi at achi'el jun dios, y ri awajawaren ja ri palou. Jak'a stape' nana-awi' chi ri anojibal achi'el runojibal ri Dios, rat xa man at jun dios ta, xa at jun xabachike achin.

Ez 28:5

y chi rik'in ri anojibal kan janila xnimer ri ak'ayij. Roma ri' xach'ob chi xabeyomer janila y ri abeyomel xbe más pa jotol. Y roma ri' xanimirisaj-awi'.

Ez 31:10

Roma ri che' ri' kan janila k'a xk'iy, ri rutum xapon k'a pa sutz' y kan janila k'a xk'iy; y roma ri' kan xunimirisaj-ri'.

Dn 11:12

Toq ri rey richin Egipto xeruch'ek yan ri janila chi winaqi' aj-Siria, kan janila k'a xtunimirisaj-ri'. Jak'a xa man xtiyaloj ta ri ruchuq'a',

Dn 4:37

Wakami k'a, yin Nabucodonosor, kan ninya' k'a ruq'ij y ninnimirisaj ri Dios ri niq'aton-tzij chila' chikaj, roma ronojel ri nuben rija' kan jari' ri qitzij, y kan pa ruchojmilal-wi. Rija' kan nuqasaj k'a kiq'ij ri janila kinimirisan-ki' chuwech rija', xcha' ri Nabucodonosor.

Dn 8:11

Pa ruwi' ri', kan xunimirisaj-ri' chuwech ri aj-raqen ri k'o pa kiwi' rije'. Y man jun rejqalen xuben chire ri kamelabel ri yesuj q'ij-q'ij, y ri rachoch ri Dios kan xuqasaj ruq'ij.

Wuj Richin ri Habacuc 2:4

Y jare' ri rutzijol ri k'o chi natz'ibaj: Ri winaqi' aj-Babilonia man choj ta kánima, y xa kan janila kinimirisan-ki'. Jak'a ri winaqi' ri yetzeqeliben wichin y man xkinkimalij ta kan roma kikuquban kik'u'x wik'in, kan xtink'en chik kiwech, y roma ri' xkek'ase' xcha' ri Dios.

Hechos 17:25

Chuqa' ri winaqi' man yetikir ta nikito' ri Dios, roma xa kan ja ri Dios ri nito'on richin ri wineq, y rija' ri niya'on qak'aslen, ri kaq'iq' ri niqajiq'aj, y ronojel ri ch'aqa' chik.

1 Corintios 8:4

Wakami ninwajo' k'a yojtzijon chirij ri ti'ij kichin chikopi' ri yekamisex richin yesuj chike ch'aqa' chik dios. Jak'a kan qetaman chi xaxe jun Dios k'o, y ri wachibel xa kan man jun kejqalen.

1 Timoteo 3:6

Man ruk'amon ta chi jun k'ak'a' nimanel nok jun uk'uey kichin ri qach'alal, roma rik'in juba' nunimirisaj-ri', y xa xtuk'uluwachij ri achi'el xuk'uluwachij ri Itzel-Wineq.

Hebreos 4:13

Roma man jun k'a ri nitikir newan-ri' chuwech ri Dios, y ronojel ri k'o kan e tz'etel chuwech rija'. Y chire rija' k'o chi niqajech-wi ronojel ri yeqabanala'.

Apocalipsis 9:20

Jak'a ri winaqi' ri k'a xek'ase' na kan man xtzolin ta pe kik'u'x. Xa xkiyala' na kiq'ij ri itzel taq espíritu y ri wachibel ri e kibanon rik'in q'anapueq, saqipueq, abej, che' y ri q'enq'oj-pueq. Jari' ri xkiya' kiq'ij ri winaqi' ri'; xa dios ri man yetzu'un ta, ni man ye'ak'ex ta y ni man yebiyin ta.

Wuj Kichin ri To'onela' 16:23

Y ri achi'a' ri k'o más kiq'ij chikikojol ri aj-Filistea xkimol k'a ki' richin xekisuj kamelabel chuwech ri ki-dios rubini'an Dagón, richin xenimaq'ijun y xkibixaj k'a: Ri qa-dios xujech pa qaq'a' ri Sansón, Ri Sansón ri etzelanel qichin, xecha'.

1 Sam 17:26

K'ari' ri David xch'on-apo kik'in ri ek'o chunaqaj y xubij: ¿Achike nuch'ek ri xtich'akon chirij ri aj-Filistea y nrelesaj ri k'ixbilal ri ruya'on pa qawi'? ¿Achike ta k'a re achin re' ri xa man qawinaq ta richin chi nuyek qoyowal roj ri kan oj rutinamit ri k'aslik Dios?, xcha'.

1 Sam 17:36

Yin ri in asamajel kan nukamisan k'a koj y oso, y kan keri' chuqa' xtinbenbana' chire ri achin aj-Filistea ri xya'on kik'ix ri aj-labal ri e richin ri k'aslik Dios.