Dn 5:20 - Kaqchiquel Bible

²⁰ Jak'a toq xunimirisaj-ri' y ri ránima kan xukowirisaj rik'in ri runimirisanen, xa kan xelesex k'a el chupan ri rajawaren, y ronojel ri ruwaq'ijaj kan xelesex chire.

Dn 5:20 ပူးပေါင်းရင်းမြစ်များ

2 Rey 17:14

Jak'a rije' xa man xkinimaj ta tzij, xa xkikowirisaj-ki', achi'el xkikowirisaj-ki' ri kite-kitata', ri man xkikuquba' ta kik'u'x rik'in ri Jehová ri ki-Dios.

2 Crón 32:25

Jak'a man rik'in ri', rija' xa man xumatioxij ta ri xuben ri Dios rik'in. Xa xpe pa ránima richin janila xunimirisaj-ri', y roma ri' ri Jehová xuya-pe ri royowal pa ruwi' rija' y pa kiwi' konojel ri aj-Judá.

2 Crón 36:13

Chuqa' kan xyakatej chirij ri rey Nabucodonosor, ri kan ruya'on rutzij chuwech pa rubi' ri Dios chi nijunamatej-kiwech rik'in. Y kan xunimirisaj-ri' y xukowirisaj ri ránima y kan xupaba-ri' chi kan man nitzolin ta chik rik'in ri Jehová ri Dios richin Israel.

Ex 18:11

Wakami jebel k'a xq'alajin chinuwech chi ja ri Jehová jari' ri más nim chikiwech ri ch'aqa' chik dios, roma xuya' rutojbalil pa kiwi' ri winaqi' ri nim xkina-ki', roma xekiya' pa tijoj-poqonal ri israelita, xcha'.

Ex 9:17

Man rik'in ri' rat kan k'a animirisan na awi' y man naya' ta q'ij chi ri nuwinaq ye'el-el.

Ex 9:7

Y jari' toq ri rey xeruteq k'a jujun achi'a' chutz'etik wi k'o xbanatej ri chiri' kik'in ri kawej ri israelita y xkitz'et chi xa man jun chire ri kawej ri israelita ri xken ta. Man rik'in ri' ri rey xukowirisaj chik ri ránima y man xuya' ta q'ij richin xel-el ri tinamit Israel.

Wuj Richin Etamabel-Tzij 16:18

Nabey ja ri nimirisanen ri nipe pa ruk'aslen ri wineq, y k'ari' nuben chire chi nibe pa xulan; kan roma k'a ri nunimirisaj-ri', roma ri' toq ri ruk'aslen ri wineq nitzaq.

Wuj Richin Etamabel-Tzij 16:5

Konojel ri winaqi' ri nikinimirisaj-ki', kan itzel yerutz'et ri Jehová; y kan qitzij wi chi man xkek'oje' ta kan choj keri', xa kan xtikik'ul rutojbalil.

Wuj Richin ri Isaías 47:1

Ri Jehová nubij: Rix aj-Babilonia tijacha-iwi', y kixanpe wawe' richin yixtz'uye' pa poqolaj. Ri itinamit man jun bey xch'akatej ta, achi'el jun xten ri man jun bey xk'oje' rachijil. Jak'a chiwech-apo, man jun bey chik xtibix chire chi rija' k'a ko'ol ok y jebel ok.

Wuj Richin ri Jeremías 13:18

Y ri Dios xuya' k'a jun rutzijol chuwe richin chi ninbij chiwe: Rat rey y ri ate', k'o chi niya' kan ri itz'uyubal y tiwelesaj ri i-corona, roma ri ajawaren kan xtelesex pan iq'a'.

Wuj Richin ri Jeremías 19:15

Ri qa-Dios Jehová ri k'iytisanel richin ronojel kere' nubij: Wakami k'a nink'en-pe ri ruk'ayewal pa ruwi' re tinamit re' y pa kiwi' konojel tinamit ri ek'o chunaqaj, ri nuya'on chik rutzijol roma xixyakatej chuwij y kan xikowirisaj ri iwánima richin man xiniwak'axaj ta, xicha' chike.

Wuj Richin ri Jeremías 48:18

Rix winaqi' aj-Dibón, kixqaqa-pe ri akuchi janila iq'ij y xkixtz'uye' pa chaqi'j ulew, roma ri nik'ison richin ri ruwach'ulew Moab kan peteneq chuqa' chiwij rix. Y kan xtuwulaj k'a ri tz'aq richin ri itinamit rix.

Ez 30:6

Yin Jehová ninbij chi konojel ri yeto'on richin ri Egipto kan xkek'is pan oyowal, xtitikir k'a pe pa tinamit Migdol y napon k'a pa tinamit Asuán. Y ri runimirinen ri ruchuq'a' ri Egipto kan xtiqasex k'a ruq'ij. Yin Jehová ninya' nutzij chi xtibebanatej.

Ez 31:10

Roma ri che' ri' kan janila k'a xk'iy, ri rutum xapon k'a pa sutz' y kan janila k'a xk'iy; y roma ri' kan xunimirisaj-ri'.

Dn 11:36

Toq xtapon k'a ri q'ij ri', ri rey kan xtiberubana' k'a ronojel ri niqa' chuwech rija'. Kan janila k'a xtunimirisaj-ri', y xtuna' chi ja rija' ri más nim ruq'ij chikiwech konojel dios. Y pa ruwi' ri' kan xtuyoq' k'a ri k'aslik Dios. Kan utz k'a xtel chuwech ronojel ri xkeruben, k'a toq ri Dios xtuya' ri rutojbalil-mak pa ruwi', roma ri bin-pe pa ruwi' kan xtibanatej k'a.

Dn 4:26

Y toq xubij chi k'o chi nik'oje' kan ri rukuta'm ri che', nel chi tzij chi ri awajawaren kan k'a xkaroyobej na, xaxe k'a kan k'o chi niq'ax chawech chi kan xaxe wi ri Dios k'o pa ruwi' ronojel ri q'atbel-tzij.

Dn 4:28

Xapon k'a ri q'ij y kan keri' xbanatej wik'in.

Dn 4:37

Wakami k'a, yin Nabucodonosor, kan ninya' k'a ruq'ij y ninnimirisaj ri Dios ri niq'aton-tzij chila' chikaj, roma ronojel ri nuben rija' kan jari' ri qitzij, y kan pa ruchojmilal-wi. Rija' kan nuqasaj k'a kiq'ij ri janila kinimirisan-ki' chuwech rija', xcha' ri Nabucodonosor.

Dn 8:8

Ri achij tzuntzun ri' kan janila k'a xnimer ri ruchuq'a', y rokik ri', ri jun nimalej ruk'a' ri k'o kojol runaq'-ruwech xa xq'aj-el, y pa ruk'exel ri' xebe'el chik pe kaji' nima'q uk'a' ri kan yeq'alajin pa xaman, pa xokon, pa relebel-q'ij y pa qajbel-q'ij.

San Lucas 18:14

Kan qitzij ninbij chiwe, chi ri achin moloy méro xtzolin-el, y man jun rumak xk'ulun chuwech ri Dios. Jak'a ri fariseo man keri' ta xk'ulun chuwech ri Dios. Roma xabachike k'a ri nunimirisaj-ri', xtiban k'a chire chi xtiqasex ruq'ij. Jak'a ri ruqasan-ri', xtinimirisex ruq'ij, xcha' ri Jesús.

Hebreos 3:13

Nik'atzin chi q'ij-q'ij nikuqubala' ik'u'x chi'iwachibil-iwi', roma k'a ruq'ijul na. Tibana' keri', richin chi man jun chiwe ri tiq'olotej roma ri mak y nikowirisaj ri iwánima.

1 Sam 6:6

¿Achike k'a roma ikowirisan ri iwánima, achi'el xkiben ri aj-Egipto y chuqa' ri ki-rey toq xukowirisaj-ri'? Roma k'a ja toq ri ki-Dios ri israelita xuya' na jalajoj ruwech ruk'ayewal pa kiwi', k'ari' toq xuya-el q'ij chike richin xe'el-el chiri'.