Dn 5:19 - Kaqchiquel Bible

¹⁹ Roma ri nimirinen ri xya'ox chire roma ri Dios, ri winaqi' richin chijun ruwach'ulew, kan xkik'en rukiy y xkiya' ruq'ij. Rija' kan xuben k'a ronojel ri xqa' chuwech: Xerukamisaj ri xrajo' y xuya' q'ij chi yek'ase' ri xrajo'; ch'aqa' xeruya' pa jotol y ch'aqa' xuqasaj kiq'ij.

Dn 5:19 ပူးပေါင်းရင်းမြစ်များ

Dn 3:6

Y xabachike k'a wineq ri man nrajo' ta nixuke' richin nuya' ruq'ij re wachibel re', kan chi'anin xtik'aq pa q'aq' richin nik'at, xcha'.

Dn 3:4

Ri aj-raqen ri pa'el chuwech ri molojri'il ri' xch'on k'a kow y xubij: Tiwak'axaj chi'iwonojel rix winaqi', y rix ri yixpe nej, ri yixch'on jalajoj ruwech ch'abel.

Romanos 13:1

Kan nik'atzin k'a chi qonojel yeqanimaj ri q'atoy taq tzij, roma konojel q'atoy taq tzij, roma ri Dios ek'o y ja rija' ri yoyon ri q'atbel-tzij pa kiq'a'.

San Juan 19:11

Y ri Jesús xubij: Man jun ta aq'atbel-tzij pa nuwi', wi man ta roma ri Dios. Roma k'a kan ja rija' yoyon-pe q'atbel-tzij pan aq'a', roma ri' k'o aq'a' chuwe. Y wi xkinateq pa kamik, kan k'o k'a amak, jak'a ri más nim kimak ja ri xijacho pan aq'a', xcha' ri Jesús.

Wuj Richin ri Habacuc 2:5

Ri winaqi' ri kikuquban kik'u'x rik'in ri kibeyomel, xa nikiq'ol-ki'. Ri wineq ri jantape' nirayin man jun bey nikuqer ruk'u'x rik'in ri k'o rik'in. Achi'el ri jul richin muqbel ri man jun bey nikuqer ta ruk'u'x. Roma ri' yekich'ek ch'aqa' chik tzobaj winaqi' richin ri ruwach'ulew.

Dn 4:22

ri che' ri' kan ja rat ri' nu-rey. Ri awajawaren rat, kan janila k'a xnimer y janila ruchuq'a'. Ri runimirinen kan janila xbe pa jotol ri kan napon k'a chikaj. Y ri aq'atbel-tzij kan napon k'a pa taq ruk'isibel chire ri ruwach'ulew.

Dn 3:29

Roma ri' wakami, kan ninya' re jun pixa' re' chi xabachike k'a tinamit, ruwach'ulew o wineq ri nich'on itzel chirij ri ki-Dios ri Sadrac, ri Mesac y ri Abed-negó, kan xkek'ajix k'a y ri kachoch kan xtok k'a kan toribel q'ayis. Roma kan qitzij wi chi kan man jun chik dios nikolon achi'el ri ki-Dios rije', xcha'.

Wuj Richin Etamabel-Tzij 16:14

Toq kan royowal ri rey, jari' ri nibin chi kan k'o-wi ri xtuteq pa kamik ri q'ij ri'; jak'a ri wineq ri kan k'o runa'oj, nitikir nuben chi niqaqa ruwi' ri royowal ri rey.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

2 Rey 25:28

Y rija' kan janila jebel xuben rik'in ri Joaquín. Kan xuben chire chi más nim ruq'ij chikiwech ri ch'aqa' chik rey ri e uk'uan-el pa Babilonia.

Ez 31:11

Rix ix achi'el ri che' ri' y roma ri' yin Jehová kan xkixinwetzelaj y kan xtinya' q'ij richin xkixtzaq pa ruq'a' jun aj-raqen kichin tzobaj winaqi' e richin ch'aqa' chik ruwach'ulew, richin xtikiben iwik'in ri ruk'amon richin ri rutojbalil ri imak, roma ri itzel ri ye'iben ri chiri'.

Dn 4:17

Re ruk'ayewal re' jare' ri xuq'et kan ri ángel y kere' xtibanatej, richin konojel winaqi' tiketamaj chi kan xaxe wi ri nimalej Dios ri niq'aton-tzij pa kiwi' ri q'atoy taq tzij. Rija' kan nuya' k'a ri ajawaren pa ruq'a' ri achike nrajo' rija', y kan nuben chire jun wineq ri kan man jun ok ruq'ij, chi nok aj-raqen pa ruwi' jun ruwach'ulew, xcha' ri ángel.

Dn 11:3

Chirij ri' xtibeyakatej chik pe jun rey ri janila ruchuq'a', y xtuq'et k'a tzij rik'in uchuq'a' y xtuben ronojel ri niqa' chuwech rija'.

Dn 11:16

Ri rey richin Siria kan xtuben k'a ri xtiqa' chuwech rija', y kan man jun k'a ri xtupaba' ta ri' chuwech. Chuqa' xtik'oje' k'a kan chupan ri aruwach'ulew Israel, y kan ronojel k'a xtuk'is rik'in ri ruchuq'a'.

Dn 11:36

Toq xtapon k'a ri q'ij ri', ri rey kan xtiberubana' k'a ronojel ri niqa' chuwech rija'. Kan janila k'a xtunimirisaj-ri', y xtuna' chi ja rija' ri más nim ruq'ij chikiwech konojel dios. Y pa ruwi' ri' kan xtuyoq' k'a ri k'aslik Dios. Kan utz k'a xtel chuwech ronojel ri xkeruben, k'a toq ri Dios xtuya' ri rutojbalil-mak pa ruwi', roma ri bin-pe pa ruwi' kan xtibanatej k'a.

Wuj Richin ri Molojri'il 8:3

Man jun bey tach'ob chi kan chi'anin najech'ej-el-awi' chire ri rey, ni man chaq tajula-awi' kik'in winaqi' ri k'o itzel nikich'obola', roma ri rey kan nitikir nuben chawe ri achike nrajo' rija'.

Dn 4:19

Toq xrak'axaj ronojel re' ri Daniel kan xpax ránima y jun xk'oje-wi chuch'obik, y keri' k'a xk'oje' jubama jun hora. Kan janila k'a xuxibij-ri' y roma ri' yin Nabucodonosor xinbij chire: Beltsasar, man tach'ujirisaj-awi' rik'in ri wachik', y ri nel chi tzij, xicha' chire. K'ari' rija' xubij chuwe: Wajaw yin, re achik' re' kan ta pa kiwi' ri e etzelanel awichin xtiqaqa-wi. Ri nel chi tzij re achik' re', kan ta k'a ja ri itzel nikirayij chawij ri xkek'uluman.

Dn 11:12

Toq ri rey richin Egipto xeruch'ek yan ri janila chi winaqi' aj-Siria, kan janila k'a xtunimirisaj-ri'. Jak'a xa man xtiyaloj ta ri ruchuq'a',