Dn 5:17 - Kaqchiquel Bible

¹⁷ Jari' k'a toq ri Daniel xubij chire ri rey: Ri sipanik ri naya' chuwe, xa tik'oje' kan awik'in. Xa kan taya' k'a chike ch'aqa' chik ri nasuj chuwe yin. Man rik'in ri' yin kan xtintz'et k'a ri tz'iban kan chuwech ri jay y xtinbij k'a chawe ri nel chi tzij.

Dn 5:17 ပူးပေါင်းရင်းမြစ်များ

Wuj Richin ri Rutikeribel 14:23

chi ni ta jun ruwech betz' o jun ximibel xajab ri xtinchop-el chire ri awichin rat, richin man tabij chi ja rat ri xabanon chuwe chi yin xibeyomer.

2 Rey 3:13

K'ari' ri Eliseo xubij chire ri rey richin Israel: ¿Achike roma wik'in yin xape-wi? Ke'abek'ulubej ri e q'alajirisey ruch'abel ri ki-dios kan ri ate-atata', xcha' Y ri Joram xubij chire: Ni; roj oj peteneq awik'in rat q'alajirisey ruch'abel ri Jehová, roma ja rija' ri xoyon qichin re oj oxi' rey richin yojrujech pa ruq'a' ri tinamit Moab, xcha'.

2 Rey 5:16

Jak'a ri Eliseo xubij: Ninya' nutzij chuwech ri Jehová, ri achoq chuwech ink'o-wi, chi kan man jun k'a chire ri ak'amon-pe ri xtink'ul kan chawech, xcha'. Y ri Naamán kan nuk'utuj k'a utzil chire chi tuk'ulu' kan ri sipanik; jak'a ri Eliseo kan man xrajo' ta xuk'ul kan.

2 Rey 5:26

K'ari' ri Eliseo xubij chire: ¿Man awetaman ta k'a chi ri wánima yin chuqa' k'o chiri' rik'in ri Naamán toq rija' xqaqa-pe chupan ri ru-carruaje richin xaruk'ul? Re wakami, man q'ij ta richin yabeyomer-q'anej, y keri' naloq' ruche'el olivo, tiko'n richin uva, kokoj y nima'q taq awej y samajela' chi ixoqi', chi achi'a'.

Wuj Richin Bix Chire ri Dios 119:46

Kan xkich'on k'a pa ruwi' ri ach'abel chikiwech ri e rey, y man xkik'ix ta k'a xtintzijoj.

Dn 2:6

Jak'a wi xtibij chuwe ri xinwachik'aj y ri nel chi tzij, kan xtiwil k'a utzil wik'in, xtinya' k'a sipanik chiwe y kan xtiya'ox iq'ij. Roma ri' tibij k'a pe chuwe ri achik' y ri nel chi tzij, xcha' ri rey.

Dn 5:29

Chirij ri' ri Belsasar xubij chi tiwiq k'a ri Daniel rik'in jun tzieq q'eqq'oj-keq nitzu'un, y tiya'ox jun ichinaj chiruqul ri banon rik'in q'anapueq. Chuqa' xtalux rutzijol chi ja ri Daniel ri xok kan q'atoy-tzij chirij qa rija'.

Hechos 8:20

Jak'a ri Pedro xubij chire: K'a ta pa q'aq' xkabeqaqa-wi, rachibilan ri améro, roma rat nach'ob chi rik'in ri méro naloq' ri nusipaj ri Dios.