Dn 5:13 - Kaqchiquel Bible

¹³ Kan jari' k'a xbek'amer-pe ri Daniel, y xapon k'a chuwech ri rey. Y ri rey xubij chire: ¿Ja rat ri' ri Daniel, ri jun chike ri aj-Judá ri e ruk'amon-pe ri Nabucodonosor, pa ruwach'ulew Judá?

Dn 5:13 ပူးပေါင်းရင်းမြစ်များ

Wuj Richin ri Esdras 10:16

Konojel k'a ri winaqi' e tzolejineq-pe pa Babilonia kan keri' k'a xkiben. K'ari' ri sacerdote Esdras xeruch'er jujun achi'a' ri e aj-raqen kichin jun jay winaqi'. Y re' xkichop chupan ri nabey q'ij chire ri lajuj ik', y xetz'uye' richin nikitz'et re jun na'oj re'.

Wuj Richin ri Esdras 10:7

Y kan xkiya' k'a rutzijol chiri' pa Jerusalem y pa Judá chi konojel ri winaqi' ri e tzolejineq-pe pa Babilonia tikimolo-ki' chiri' pa Jerusalem.

Wuj Richin ri Esdras 4:1

Toq ri achi'a' ri e etzelanel kichin ri aj-Judá y ri aj-Benjamín xkak'axaj chi rije' nikipaba' chik q'anej ri rachoch ri Jehová, ri ki-Dios,

Wuj Richin ri Esdras 6:16

K'ari' ri israelita, ri e sacerdote, ri e levita y ri ch'aqa' chik winaqi' ri xetzolin-pe pa Babilonia, rik'in janila kikoten, xkiben jun nimaq'ij richin nikitikeriba' nikiya' ruq'ij ri Dios chiri' pa rachoch.

Dn 1:1

Toq k'a k'es na ri Joaquim, ri rey pa ruwi' ri ruwach'ulew Judá y chupan ri rox juna' chire ri ruq'atbal-tzij, jari' toq ri Nabucodonosor, rey pa ruwi' ri ruwach'ulew Babilonia e rachibilan ri aj-labal, xebeyakatej-pe chirij ri tinamit Jerusalem y xkisutij-rij.

Dn 1:2

Y ri Dios kan xujech k'a ri Joaquim y ri e ruwinaq israelita pa ruq'a' ri Nabucodonosor; keri' chuqa' ri jalajoj ruwech samajibel ri ek'o chupan ri rachoch ri Dios. Y ronojel ri samajibel ri' ri Nabucodonosor xberuya' kan pa ruwach'ulew Babilonia, y xeruyek kan chupan ri yakonabel richin ri rachoch ri ru-dios.

Dn 1:21

Y ri Daniel xsamej chiri', y kan k'a k'o chiri' toq ri Ciro aj-Persia xuch'ek kan ri ruwach'ulew Babilonia.

Dn 1:6

Chikikojol k'a ri alaboni' aj-Judá xecha'ox, ri Daniel, ri Ananías, ri Misael y ri Azarías.

Dn 2:25

Jari' toq ri Arioc chi'anin xuk'uaj-el ri Daniel chuwech ri rey, y xubij chire: Chikikojol ri aj-Judá ri e k'amon-pe k'o re jun ala' re' y rija' xtuq'alajirisaj chawech ri achik' ri xaben, xcha'.

Dn 2:48

Chirij ri' ri Nabucodonosor xunimirisaj ruq'ij ri Daniel y xuya' nima'q taq sipanik chire y xuben chire chi xok aj-raqen pa ruwi' ri ruwach'ulew ri k'o pa Babilonia, y chuqa' nimalej aj-raqen pa kiwi' konojel ri etamanela' richin ri ruwach'ulew ri'.

Dn 5:11

Roma chupan ri awajawaren kan k'o jun achin ri kan ya'on nojibel chire koma ri e dios. Y chupan ri q'ij toq xk'oje' ri Nabucodonosor, kan xilitej k'a rik'in ri achin ri' ri nojibel y ri etamabel, kan achi'el ri k'o kik'in ri dios. Roma ronojel ri etamabel ri xilitej rik'in, ri Nabucodonosor kan xuben k'a chire chi xok aj-raqen pa kiwi' ri etamanela' aj-Caldea, ri aj-q'ija' y ri aj-itza'.

Dn 5:14

Yin xinwak'axaj chi ri e dios kiya'on nojibel awik'in y etamabel, y roma ri' rat yatikir naq'alajirisaj ri e k'ayew.

Dn 5:18

Ri nimalej Dios kan nim-wi ri ruq'ij, y ojer kan ja k'a rija' ri xya'on chire ri Nabucodonosor ri ajawaren, ri ruwaq'ijaj y ronojel nimirinen.

Dn 5:2

Ri rey Belsasar, roma ri ruq'abarik ri kan xik'o ruwi' ri xuben, kan xuteq k'a ruk'amik ri qumbel ri e banon rik'in q'anapueq y saqipueq ri e ruk'amon-pe ri Nabucodonosor chupan ri rachoch ri Dios ri k'o pa Jerusalem, toq rija' xq'aton-tzij. Kan xebek'amer k'a pe ri qumbel ri', y ri Belsasar xuqum vino chupan, e rachibilan ri e rixjayilal, ri e ru-concubina y ri achi'a' ri k'o kiq'ij.

Dn 6:13

K'ari' xkibij k'a chire ri rey chi ri Daniel ri jun chike ri e k'amon-pe pa Judá, man nuqasaj ta ri' chuwech, ni man niniman ta chire ri pixa' ri', y chi xkitz'et chi rija' nich'on rik'in ri ru-Dios oxi' mul pa jun q'ij.

Dn 8:1

Toq k'a k'es na ri Belsasar, rey pa ruwi' ri ruwach'ulew Babilonia, y chupan ri rox juna' richin ri ruq'atbal-tzij, yin kan xk'utumej chik k'a chinuwech jun chik banobel.

Dn 8:27

Chirij ronojel re', yin nina' chi xk'is wuchuq'a' y kan xiyawej k'a ka'i-oxi' q'ij. Y toq xik'achoj-el xiyakatej-el y xibe chik pa nusamaj rik'in ri rey, jak'a xa janila nuxibin-wi', roma ri xintz'et. Y kan man niq'ax ta chinuwech.

San Juan 7:1

K'ari' ri Jesús xuchop benan pa taq tinamit ri ek'o pa Galilea. Man k'a rajowan ta chik beneq tzijoy ruch'abel ri Dios k'a pa Judea, roma ri achi'a' ri kan k'o-wi kiq'ij nikikanola' k'a achike rubanik nikiben chire richin nikikamisaj.

San Juan 7:3

Ri e rach'alal ri Jesús xkibij chire: Taya' k'a kan juba' re Galilea y kabiyin pa Judea, richin keri' ri winaqi' ri kan yetzeqeliben awichin ri ek'o chila', tikitz'eta' k'a ri meyel taq banobel ri ye'aben.