Dn 5:11 - Kaqchiquel Bible

¹¹ Roma chupan ri awajawaren kan k'o jun achin ri kan ya'on nojibel chire koma ri e dios. Y chupan ri q'ij toq xk'oje' ri Nabucodonosor, kan xilitej k'a rik'in ri achin ri' ri nojibel y ri etamabel, kan achi'el ri k'o kik'in ri dios. Roma ronojel ri etamabel ri xilitej rik'in, ri Nabucodonosor kan xuben k'a chire chi xok aj-raqen pa kiwi' ri etamanela' aj-Caldea, ri aj-q'ija' y ri aj-itza'.

Dn 5:11 ပူးပေါင်းရင်းမြစ်များ

Wuj Richin ri Rutikeribel 41:38

Roma ri' toq ri rey xubij chike ri nima'q taq achi'a' ri': ¿Xtiqil chik kami jun achin achi'el rija', ri k'o Espíritu richin ri Dios rik'in?, xcha'.

2 Sam 14:17

Ri xabij wakami kan xuben chuwe richin xkuqer-el nuk'u'x, roma rat rey kan awetaman naya' rukojol ri utz y ri man utz ta achi'el nuben jun ángel richin ri Dios. Ri Jehová ri qa-Dios xkato'on k'a richin naben ri k'atzinel chi naben, xcha' ri ixoq.

Ez 28:3

¿Más kami at nowineq rat chuwech ri Daniel? ¿Kan awetaman kami rat ronojel ri e ewatel?

Ez 28:4

Xach'ob chi rik'in ri ana'oj y ri anojibal kan xamol k'iy abeyomel, y kan anojisan ri ak'ojelibal rik'in saqipueq y q'anapueq,

Dn 1:4

Rije' kan nik'atzin chi kan e tz'aqet y kan e jebel ok, y e tijon jebel rik'in ronojel etamabel y kan e nowineq, ri kan e nojineq chuqa' rik'in na'oj y kan ruk'amon richin yek'oje' pa rachoch ri rey. Y chuqa' xubij chike chi ketijox rik'in ri kich'abel ri aj-Babilonia, y tik'ut rutz'ibaxik ri ch'abel ri' chikiwech.

Dn 2:11

Roma re nak'utuj chiqe kan yalan-wi k'ayew y kan man jun xtitikir xtiq'alajirisan. Xa kan xaxe k'a ri e dios ri yetikir yeq'alajirisan, jak'a rije' xa man chiqakojol ta roj ek'o-wi, xecha'.

Dn 2:22

Rat yaq'alajirisan ri k'ayew y ri ewatel, kan atzuliben ronojel ri k'o pa q'equ'm, roma ri saqil kan ja rat ri'.

Dn 4:18

K'ari' xintzijoj chire ri Beltsasar y xinbij chire: Ja ronojel achik' re' ri xintz'et. Wakami kan ja rat ri xkabin chuwe ri nel chi tzij re achik' re', roma kan xink'utuj yan k'a chike ri etamanela' richin re wajawaren y xa man xetikir ta xkibij chuwe. Jak'a rat kan xkatikir, roma ri a-Dios kan ruya'on ri nojibel chawe, xicha' chire.

Dn 4:5

Jak'a k'o jun aq'a' xinben jun achik', ri kan xuk'en-pe xibinri'il chuwe. Y keri' ink'o pa nuch'at janila xinch'ob rij ri xintz'et, y kan xsach nuk'u'x.

Dn 4:6

Roma ri' xinteq k'a koyoxik konojel ri etamanela', ri e aj-q'ija', ri e aj-itza', ri nikibananej chi ketaman ri peteneq y ri pixabanela', richin xepe chinuwech chi nokibij chuwe ri achike nel chi tzij ri wachik'. Xintzijoj k'a ri wachik' ri' chike, jak'a rije' xa man xetikir ta xkiq'alajirisaj chinuwech achike nel chi tzij.

Dn 5:14

Yin xinwak'axaj chi ri e dios kiya'on nojibel awik'in y etamabel, y roma ri' rat yatikir naq'alajirisaj ri e k'ayew.

Dn 5:7

K'ari' xsik'in y xubij chi ke'oyox-pe ri etamanela' ri aj-Caldea, ri aj-q'ija' y ri aj-itza'. Y toq ek'o chik chuwech xubij chike: Xabachike k'a ri nitikir nitz'eton re tz'ibanik re' y nubij chuwe ri achike nel chi tzij, kan xtinben k'a chire chi nukusaj ri tzieq q'eqq'oj-keq nitzu'un, y xtinya' jun ichinaj chiruqul ri banon rik'in q'anapueq. Y kan jari' xtok q'atoy-tzij chuwij qa yin, xcha'.

Hechos 12:22

Toq ri winaqi' xkak'axaj ri ruch'abel, kan rik'in k'a ronojel kuchuq'a' yech'on-apo, y nikibij: ¡La nich'on-pe chiqawech kan niq'alajin chi xa man jun achin ta, rija' kan jun dios wi!, yecha' k'a apo.

Hechos 14:11

Toq ri winaqi' xkitz'et ri xuben ri Pablo, kan rik'in k'a kuchuq'a' xech'on pa kich'abel y xkibij: Re achi'a' re yeqatz'et, kan ja ri e qa-dios ri e qajineq-pe chiqakojol wakami, xecha'.

Hechos 16:16

Jun bey k'a toq qachapon-el bey richin yojbe k'a ri akuchi niban-wi ch'owen rik'in ri Dios, xqak'ul jun xten aj-ik' ri loq'on. Re xten re' k'o k'a jun itzel espíritu rik'in, y jari' ri nibanon chire chi nitikir nubij ri xtikik'uluwachila' ri winaqi'. Nuben chi nuch'ek ruméro, y ri méro ri' napon pa kiq'a' ri rajaw.

Apocalipsis 3:9

Roma ri' xtinben chi xkexuke' chiwech ri jun tzobaj winaqi' ri e richin ri Satanás ri nikibij chi e judío y xa man qitzij ta. Kere' xtinben chike richin tiketamaj chi yin kan yixinwajo'.