Dn 4:32 - Kaqchiquel Bible

³² Wakami xa xkatelesex k'a el chikikojol ri winaqi', y xa chikikojol k'a ri aj pa q'ayis taq chikopi' ri xkabek'ase-wi. Kan xtatej k'a ri q'ayis achi'el ri kiwaybal ri wákix. Y wuqu' k'a juna' keri' xtaben, k'a toq xtawetamaj chi kan xaxe ri nimalej Dios ri k'o pa ruwi' ronojel y nuya' ri ajawaren chire ri achike nrajo' rija', xcha' chuwe.

Dn 4:32 ပူးပေါင်းရင်းမြစ်များ

Dn 5:21

Xelesex k'a el chikikojol ri ruwinaq, y ri ruch'obonik xa kan xok k'a el achi'el ri kich'obonik ri chikopi'. Y chikikojol k'a ri taq bur aj pa q'ayis xbek'oje-wi. Xutej k'a q'os achi'el kiwaybal ri wákix, y ri ruch'akul kan xmu'e' k'a rik'in ri raxq'ab. Keri' xk'oje', k'a toq xretamaj na chi kan xaxe pa ruq'a' ri nimalej Dios k'o ronojel ajawaren, chi kan xaxe rija' ri ye'ukusan kan ri q'atbel taq tzij chupan ri ajawaren.

Wuj Richin ri Jeremías 27:5

Kan rik'in k'a ri nimalej wuchuq'a' xinben ri ruwach'ulew, ri winaqi' y ri chikopi' ri ek'o chuwech. Y xinya' chire ri achoq chire xinwajo' xinya-wi.

Wuj Richin ri Josúe 4:24

Keri' k'a xbanatej richin chi konojel tinamit richin chijun ruwach'ulew xtiketamaj chi ri ruq'a' ri Jehová kan janila ruchuq'a', y richin chuqa' chi rix k'o ta rukiy ri Jehová ri qa-Dios chiwech ronojel q'ij, xkecha', xcha' ri Josué.

Ex 9:29

Y ri Moisés xubij: Kan xaxe k'a xkinel-el chuchi' re nima-tinamit re', xtinyek ri nuq'a' chikaj, y xtink'utuj k'a chire ri Jehová, y kan xtitane' k'a ri koqolajay y ri saqboch, richin keri' nawetamaj chi ja ri Jehová rajaw re ruwach'ulew.

Ex 8:10

Ja ri chua'q ninwajo' yin, xcha' ri rey. Y ri Moisés xubij k'a kan: Keri' xtibanatej richin nawetamaj chi kan man jun chik achi'el ri Jehová ri qa-Dios roj.

Wuj Richin ri Isaías 37:20

Re wakami k'a, Jehová Dios ri at qichin roj, kan qojakolo' k'a pa ruq'a' ri Senaquerib, richin chi konojel ri winaqi' richin ri ruwach'ulew xtiketamaj chi kan xaxe rat ri Jehová ri atk'o, xcha'.

Ex 9:14

Roma wi man keri' ta xtaben, wakami yin xtinteq-pe ronojel ruwech nima'q taq ruk'ayewal pan awi' rat, pa kiwi' ri aj-raqen y pa kiwi' konojel ri awinaq, richin chi tawetamaj chi kan man jun chik Dios k'o chuwech re chuwach'ulew, ri achi'el yin.

Wuj Richin ri Isaías 45:3

Yin xtinjech ri beyomel pan aq'a' ronojel ri ewan kan, ri beyomel ri e yakon kan y kan man nibix ta akuchi ek'o-wi kan. Xtinben ronojel re' richin nawetamaj chi ja yin ri' ri in Jehová, Dios richin ri Israel, ri kan xatinwoyoj rik'in ri abi'.

2 Crón 33:13

Y ri Dios kan xrak'axaj k'a, y xuben chire chi xtzolin-pe pa Jerusalem chupan ri ruq'atbal-tzij. K'ari' ri Manasés xq'ax chuwech chi kan xaxe ri Jehová ri qitzij Dios.

Dn 2:21

Ja rat yabanon richin yeq'ax ri ik' y ri juna'. Ja rat yaya'on ri q'atbel-tzij, y rat yatelesan kichin. Ja rat yaya'on na'oj chike ri e aj-na'oj, ri etamabel kan rat k'a yaya'on chike ri etamanela'.

Dn 4:31

Kan k'a yinajin na k'a chi ch'owen toq xinwak'axaj jun ch'abel ri peteneq chila' chikaj, y xubij chuwe: Tawak'axaj rat rey Nabucodonosor, ri awajawaren xa xelesex yan k'a pan aq'a'.

Wuj Richin ri Achin Job 9:12

Wi rija' k'o ri nrajo' numajij-el; ¿k'o kami jun ri nitikir niq'aton richin? ¿K'o kami jun ri nitikir nibin chire chi achike roma kere' nuben?

Wuj Richin ri Achin Job 42:2

Yin kan wetaman chi ronojel yatikir naben, y ronojel ri nach'ob chi naben, kan nibanatej-wi.

Wuj Richin Bix Chire ri Dios 115:3

Ri qa-Dios roj k'o k'a chila' chikaj. Ronojel ri nurayij chi nuben, kan rubanon.

Wuj Richin Bix Chire ri Dios 135:6

Ronojel ri nrajo' nuben ri Jehová, kan nuben. Keri' nuben chikaj y chuwach'ulew, chupan ri nimalej taq palou, y k'a chupan-qa ri ruxe'.

Wuj Richin ri Isaías 40:15

Chuwech ri Jehová, roj ri tzobaj winaqi' richin ri ruwach'ulew man jun qejqalen; roj xa kan oj achi'el ok jun ti tz'uj ya' ri nitzaq kan pa jun nim k'ojelibel. Chuqa' xa kan oj achi'el ok ri poqolaj ri k'o chupan jun etabel. Ri Jehová yerutz'et ri taq ruwach'ulew ri ek'o pa ya' achi'el ri sanayi'.

Wuj Richin ri Isaías 40:17

Konojel k'a ri tzobaj winaqi' richin ri ruwach'ulew, chuwech rija' xa man jun kejqalen, y xa achi'el man e winaqi' ta.