Dn 4:31 - Kaqchiquel Bible

³¹ Kan k'a yinajin na k'a chi ch'owen toq xinwak'axaj jun ch'abel ri peteneq chila' chikaj, y xubij chuwe: Tawak'axaj rat rey Nabucodonosor, ri awajawaren xa xelesex yan k'a pan aq'a'.

Dn 4:31 ပူးပေါင်းရင်းမြစ်များ

Wuj Richin ri Rutikeribel 14:18

Chuqa' ri Melquisedec rey ri k'o pa ruwi' ri jun tinamit rubini'an Salem y chuqa' sacerdote richin ri nimalej Dios, ri Dios ri man jun chik achi'el rija'. Ri Melquisedec ri' ruk'amon k'a pe kaxlan-wey y vino.

Wuj Richin ri Achin Job 20:23

Y toq kan ruchapon k'a rumolik ri rubeyomel, jari' toq ri Dios xtuya-pe ruk'ayewal pa ruwi', roma q'aq'arneq roma royowal. Y ri ruk'ayewal ri', man xaxe ta xtumej rija', xa kan xtumej chuqa' ri ruway-ruk'ya'.

Wuj Richin Bix Chire ri Dios 145:13

Ri awajawaren kan richin k'a tibe-q'ij tibe-seq. Ri aq'atbel-tzij rat Jehová kan kichin k'a konojel sol winaqi'.

Wuj Richin Etamabel-Tzij 29:23

Ri wineq ri nunimirisaj-ri', jari' ri xtibanon chire chi nibe pa xulan, jak'a ri wineq ri xa maneq ok ruq'ij nuna' ri pa ránima, jari' ri xtibanon chire chi xtinimirisex ruq'ij.

Wuj Richin ri Isaías 14:27

Roma re' kan ja ri Jehová ri k'iytisanel richin ronojel ri xbin, y kan man jun chik ri xtiq'aton richin. Ri ruq'a' rutzeqen richin nuya' rutojbalil pa kiwi'. y kan man jun k'o ruchuq'a' richin nutzolij ta ri ruq'a' rija'.

Dn 12:7

K'ari' ri ukusayon tzieq ri banon rik'in lino, kan xutzeqej k'a chi e ka'i' ruq'a' chikaj y xuya' rutzij pa rubi' ri Dios ri jantape' k'es, chi ronojel re' kan xtibetane', k'a toq xtitz'aqet na ri oxi' juna' rik'in nik'aj, toq ri uchuq'a' ri k'o kik'in ri rutinamit ri Dios xtik'is jumul, k'ari' toq xtitane' ronojel re'.

Dn 4:24

Ri nel-wi chi tzij re achik' re', jari' ri xuq'et ri nimalej Dios pan awi' rat rey.

Dn 4:26

Y toq xubij chi k'o chi nik'oje' kan ri rukuta'm ri che', nel chi tzij chi ri awajawaren kan k'a xkaroyobej na, xaxe k'a kan k'o chi niq'ax chawech chi kan xaxe wi ri Dios k'o pa ruwi' ronojel ri q'atbel-tzij.

Dn 4:30

xinmey k'a ronojel ri nubeyomel y xinbij k'a qa: Titz'eta' ri runimirinen ri ruwach'ulew Babilonia. Jare' ri xinpaba-q'anej yin rik'in ri wuchuq'a'; xinpaba-q'anej richin chi xinben chire chi xok ruk'u'x ri wajawaren, y richin chi nik'oje' kan retal ri nunimirinen yin, xicha-qa.

Dn 4:32

Wakami xa xkatelesex k'a el chikikojol ri winaqi', y xa chikikojol k'a ri aj pa q'ayis taq chikopi' ri xkabek'ase-wi. Kan xtatej k'a ri q'ayis achi'el ri kiwaybal ri wákix. Y wuqu' k'a juna' keri' xtaben, k'a toq xtawetamaj chi kan xaxe ri nimalej Dios ri k'o pa ruwi' ronojel y nuya' ri ajawaren chire ri achike nrajo' rija', xcha' chuwe.

Dn 4:34

Jak'a toq xtz'aqet ri juna' ri janipe' xq'at pa nuwi', jari' toq yin Nabucodonosor xtzolej-pe nuk'u'x, y kan jari' xich'obon chik achi'el yech'obon ri winaqi'; y jari' k'a toq yin xinnimirisaj ruq'ij ri nimalej Dios. Xinya' ruq'ij ri kan jantape' k'es y kere' k'a ri xinbij: Ri ruchuq'a' ri aq'atbel-tzij rat nimalej Dios, kan richin q'asen, ri awajawaren kan xtik'oje' k'a pa kiwi' ri chi wiq chi tanaj winaqi'.

Dn 5:20

Jak'a toq xunimirisaj-ri' y ri ránima kan xukowirisaj rik'in ri runimirisanen, xa kan xelesex k'a el chupan ri rajawaren, y ronojel ri ruwaq'ijaj kan xelesex chire.

Dn 5:28

Ri PARSÍN nel chi tzij chi ri ajawaren xelesex yan k'a pan aq'a' rat y xch'ar chikiwech ri aj-Media y ri aj-Persia, xcha' ri Daniel.

Dn 6:27

Rija' kan yerukol ri winaqi' y kan yerujikiba' kan, kan yeruben k'a meyel taq banobel chila' chikaj y chuwech re ruwach'ulew. Ja rija' xkolon richin ri Daniel chikiwech ri koj, xcha' ri Darío.

San Mateo 3:17

Chirij ri' xpe k'a jun ch'abel chila' chikaj y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

San Lucas 12:20

Jari' toq ri Dios xubij chire: Nakanik chi achin, chupan re aq'a' re' xtinwoyoj-el ri awánima. Y ronojel ri abeyomel ri xayek, ¿achoq richin k'a xtok kan?, xcha' ri Dios.

San Juan 12:28

K'ari' rija' xch'on rik'in ri Dios y xubij: Nata', kan tabana' k'a chi niq'alajin ta ri aq'ij-ak'ojlen, xcha'. Kan jari' k'a toq ri Dios xch'on-pe chila' chikaj y xubij: Kan nubanon chik k'a keri'. Y xtinben chik k'a jun bey, chi kan niq'alajin-wi ri nuq'ij-nuk'ojlen, xcha'.

1 Tesalonicenses 5:3

Toq k'a man jani nipe ri Jesucristo, ri winaqi' xtikich'ob chi janila jebel kibanon, y xa jari' k'a toq chaq k'ate' xtoqaqa ri ruk'ayewal pa kiwi'. Xa xtikik'uluwachij achi'el ri nuk'uluwachij jun ixoq ri peteneq alanik chirij, ri chaq k'ate' nok'ulun ri ruq'axo'n. Y keri' k'a ri xtikik'uluwachij ri winaqi' ri', man xkekolotej ta chuwech ri ruk'ayewal.

Apocalipsis 16:7

Y jari' toq yin xinwak'axaj chi k'o jun ri nich'on-pe rik'in ri porobel, y nubij: Kan keri' wi ajaw Dios ri k'o ronojel uchuq'a' awik'in, kan niq'alajin k'a chi ri aq'atbel-tzij kan qitzij y kan choj, xcha'.

1 Sam 13:14

Jak'a re wakami ri aq'atbal-tzij xa man xtiyaloj ta. Roma ri Jehová xukanoj yan jun achin ri kan niqa' chuwech Rija'. Y kan xucha' richin xtok tata'al pa ruwi' ri rutinamit, roma rat xa man xaben ta ri xubij ri Jehová chawe, xcha'.

1 Sam 15:23

Roma ri mak richin ri yakatajinenri'il junan rik'in ri rumak ri nubananej chi niq'alajirisan. Ri nunimirisaj-ri' junan rik'in ri nuya' ruq'ij wachibel. Y roma rat xa man xanimaj ta rutzij ri Jehová, ri Jehová kan xaretzelaj yan. Rija' wakami kan man utz ta chik yarutz'et chi at rey, xcha'.