Dn 4:27 - Kaqchiquel Bible

²⁷ Roma ri', rat rey, kan tak'ulu' k'a ri nupixabanik ri ninya' chawe: Kan tabana' k'a pa ruchojmilal, y man chik kamakun. Man chik ke'aben ri itzel taq banobel, xa kan más utz ke'ato' ri man jun k'o kik'in. Rik'in juba' rik'in re banobel re' xkak'ase' k'iy q'ij rik'in uxlanenri'il, keri' xubij chuwe.

Dn 4:27 ပူးပေါင်းရင်းမြစ်များ

Wuj Richin ri Rutikeribel 11:4

Chirij re' xkibij chik: Tiqapaba' jun tinamit y jun torre y re torre re' xtapon k'a chila' chikaj, richin keri' xtel qatzijol y man xqojtalutej ta chuwech re ruwach'ulew, xecha'.

1 Rey 21:29

¿Atz'eton chi ri Acab janila xuqasaj-ri' chinuwech yin? Y roma k'a janila xuqasaj-ri' chinuwech, man xtinya' ta ri ruk'ayewal pa ruwi' re q'ij re'; k'a toq xtiq'aton na kan tzij ri ruk'ajol, k'ari' xtinya-pe ri ruk'ayewal pa ruwi' ri rachoch, xcha' ri Jehová.

Wuj Richin Bix Chire ri Dios 119:46

Kan xkich'on k'a pa ruwi' ri ach'abel chikiwech ri e rey, y man xkik'ix ta k'a xtintzijoj.

Wuj Richin Etamabel-Tzij 11:2

Toq nipe nimirisanen pa ruk'aslen ri wineq, xa kan k'o chuqa' ri niqasan ruq'ij, jak'a ri wineq ri xa ch'uti'n nuna-ri' kan q'alaj chi ri na'oj kan k'o rik'in.

Wuj Richin Etamabel-Tzij 16:6

Ri wineq ri kan qitzij nutzeqelibej ri Dios y man numalij ta kan, kan xtikuyutej rumak, y wi kan xtunimaj rutzij ri Dios, man jun itzel xtuk'uluwachij.

Wuj Richin Etamabel-Tzij 28:13

Ri man yeruq'alajirisaj ta ri itzel taq rubanobal ri yeruben, xa ronojel itzel ye'el chuwech; jak'a ri yeruq'alajirisaj y nuya' kan rubanik, kan xtril kuyubel rumak.

Wuj Richin ri Isaías 10:13

Roma ri rey kere' ri nubij: Rik'in ri nimalej wuchuq'a', rik'in ri nuna'oj y ri nunojibal xinben ronojel re', Ja yin ri xinelesan ri kik'ulba't ri tinamit ri xeqach'ek yan, y xqak'en-pe ronojel ri kibeyomel. Y kan achi'el ruchuq'a' jun juyubel achij wákix xenbech chi'aqen konojel rey.

Wuj Richin ri Isaías 47:10

Kan nikuquba' ik'u'x rik'in ri itzel taq ibanobal, y kan nich'ob chi man jun yixtz'eto. Jak'a ri ina'oj y ri iwetamabal xa xixkiq'ol toq xibij-qa pan iwánima chi kan xaxe rix ri ixk'o, y man jun chik achi'el rix.

Wuj Richin ri Isaías 47:8

Re wakami k'a, kan jebel tiwak'axaj re'. Rix kan xaxe ri irayibel ri niben, y kan ikuquban ik'u'x. Kan nibij-qa pan iwánima chi man jun chik achi'el rix. Nich'ob chi ri itinamit man jun bey xtik'is ruchuq'a' y kan xtimalix kan, achi'el jun malka'n ixoq. Chuqa' nich'ob chi kan man jun bey xkek'is-el ri iwalk'ual.

Wuj Richin ri Jeremías 29:7

Kan kixsamej k'a richin nibe ta q'anej pa jotol ri ruwach'ulew ri akuchi ixk'o-wi. Kan tik'utuj k'a chuwe chi utz ta xtuben ri ajawaren ri', richin keri' kan utz chuqa' xkixk'oje' rix.

Wuj Richin ri Jeremías 38:20

Y yin xinbij chire: Ni, wi rat xtajech-awi' pa kiq'a' ri aj-Babilonia, rije' man xkatkijech ta pa kiq'a' ri qawinaq. Roma ri' wakami tabana' utzil tawak'axaj ri ruch'abel ri Jehová ri xtinbenbij chawe, richin utz xkatel y xtakol ri ak'aslen.

Ez 18:7

Ri wineq ri man xkeruya' ta pa tijoj-poqonal ri ch'aqa' chik y toq nuya' méro pa qajik xa kan nutzolij ri retal ri xya'ox chire roma ri qajonel. Rija' man neleq' ta y kan nuya' k'a kiway ri yewayjan y nuya' kitziaq ri maneq kitziaq.

Ez 29:3

Jare' k'a ri rutzijol: Yin Jehová jare' ink'o richin xkiyakatej chawij rat rey richin Egipto. Rat at achi'el k'a jun nimalej ayin ri atk'o pa raqen-ya' Nilo, kan nach'ob k'a chi ja rat ri xabanon ri raqen-ya' ri' y kan awichin rat.

Ez 29:9

Ri ruwach'ulew Egipto kan xtok k'a jun tz'iran ruwach'ulew y k'ari' rix xtiwetamaj chi ja yin Jehová ri ink'o pa ruwi' ronojel. Y rat rey, roma xabij chi ri raqen-ya' Nilo awichin rat y ja rat ri xabanon,

Joel 2:14

Rik'in juba' rija' xa nutzolij-ri' chirij, y xtuya' kan urtisanik pa qawi'; richin keri' xtik'oje' chik ri vino y ri jalajoj ruwech ixin richin niqaya-apo ri sipanik chire rija'.

Am 6:13

Rix xa xinimirisaj-iwi' toq xe'ich'ek ri tinamit Lodebar y nibij: Man ja ta k'a roj xojch'akon kichin ri tinamit Carnáin.*f1*

Wuj Richin ri Jonás 3:9

Rik'in juba' rik'in re' ri Dios xqojrukuy, y xtiqaqa ruwi' ri royowal pa qawi' y man xqojken ta, xecha'.

Wuj Richin ri Habacuc 1:11

Chirij re' rije' xkebe, kan achi'el k'a ri kaq'iq' ri xaxe xq'ax chupan jun tinamit y xtibek'ulun chik juk'an. Ri aj-Babilonia e makuwineq, roma rije' kibanon ki-dios chire ri uchuq'a' ri k'o kik'in, xcha' ri Dios.

Wuj Richin ri Sofonías 2:15

Ri ojer kan ri tinamit ri' janila xkikot, y kan kuqul ruk'u'x xk'ase'. Ri winaqi' ri xek'oje' chiri' xkibij chi kan man jun chik tinamit achi'el rije', jak'a re wakami xa tolan-tolan chik kan. Xa ja chik ri chikopi' richin pa k'echelaj e chajiyon kan. Ri wineq ri xtiq'ax-el keri', xtitze'en kan chirij, y kan janila xtuyojobej kan.

San Mateo 3:8

Wi kan qitzij chi rix nitzolej-pe ik'u'x rik'in ri Dios, kan tiq'alajin k'a chupan ri ik'aslen.

San Lucas 11:41

Rix toq k'o niya' chike ri man jun k'o kik'in, k'o chi nalex-pe rik'in jun iwánima ch'ajch'oj, richin keri' chuwech ri Dios ronojel ch'ajch'oj.

Hechos 24:25

Ri Pablo xapon kik'in, y xuchop k'a rubixik chike chirij ri achike rubanik jun k'aslen choj, ri achike rubanik richin naq'il-awi' richin man naben ta ri mak, y chi ri pa ruk'isibel ri Dios xtuq'et-tzij pa kiwi' ri winaqi'. Ri Félix janila xuxibij-ri' rik'in ri xrak'axaj, y xubij chire ri Pablo: Wakami k'a kabiyin. Y toq xtijame' chik k'a juba' nuwech, xkatinwoyoj chik k'a jun bey, xcha' ri Félix.

Hechos 26:20

Roma ri' kan xinchop k'a rutzijoxik nabey chike ri winaqi' ri ek'o pa Damasco; k'ari' chike ri ek'o pa Jerusalem y chike k'a chuqa' ri ek'o pa ronojel tinamit pa Judea, y k'ari' chike k'a ri winaqi' ri man e judío ta, chi nej chi naqaj. Chike konojel k'a xinbij chi titzolej-pe kik'u'x rik'in ri Dios y tijalatej ri kik'aslen. Chuqa' xinbij chike chi kan tikiq'alajirisaj-ki' rik'in ri kibanobal chi e jalatajineq chik.

Hechos 8:22

Ke'aya' k'a kan ri xa man e utz ta ri ek'o pan awánima, y tak'utuj k'a kuyubel amak chire ri Dios, roma chuwech rija' kan man utz ta ri ach'obonik.

2 Corintios 5:11

Roj kan k'o-wi k'a rukiy y rejqalen ri ajaw chiqawech, roma ri' yojsamej richin chi ek'o ta k'a más ri nikikuquba' kik'u'x rik'in. Ri Dios kan retaman-wi k'a qawech roj, y ninwoyobej chi keri' ta chuqa' rix.

Gálatas 5:13

Roma rix wach'alal, kan ja ri Dios ri xixoyon, richin xixrukol-pe chuxe' ri pixa'. Jak'a man roma ta ix totajineq chik, roma ta ri' ja ta ri nirayij rix ja ta ri' ri niben. Pa ruk'exel ri' nik'atzin richin niwajowala' y nitola-iwi',

Gálatas 5:22

Jak'a wi kan niya' q'ij chi ja ri Loq'olej Espíritu nuk'uan iwichin, ri ik'aslen xtiwachin jebel: Xkixajowan, xtikikot ri iwánima, xtik'oje' uxlanibel-k'u'x iwik'in, xkixkoch'on, nim iwánima xtiben, xtibanala' utzil, kan xtiben ri xtibij,

Gálatas 5:6

Roma ri' roj ri oj richin chik ri Cristo, man jun nuben chiqe wi yojqupix richin ri retal, o man yojqupix ta. Ri nik'atzin, ja ri qakuqubabel-k'u'x rik'in rija', y rik'in ri' niqak'ut ri ajowabel kik'in ri ch'aqa' chik.

Efesios 4:28

Wi k'o jun ri xuben eleq', man chik teleq'. Pa ruk'exel ri' nik'atzin chi nukusaj ri ruq'a' richin nisamej, roma re' kan utz wi, y rik'in re' nitikir chuqa' yeruto' ri k'o nik'atzin chike.

Deut 24:13

K'o chi nitzolij-el chire toq niqaqa yan qa ri q'ij, richin keri' k'o nuq'uj-qa toq niwer-qa. Keri' rija' xtroyoj urtisanik pan iwi' y kan xtiben jun utzilej banobel chuwech ri Jehová ri qa-Dios.

Deut 32:27

Jak'a yin xintz'et yan chi ri e etzelanel iwichin xa xketze'en, roma ri' man xinya' ta q'ij richin nikiqasaj nuq'ij y nikibij ta chuwij: Re' man ja ta ri Jehová ri xya'on ruk'ayewal pa kiwi', xa kan ja roj ri xojbanon, xkecha', keri' xintz'et yan yin, xcha' ri Jehová

Deut 8:17

Man tibij-qa pan iwánima chi ronojel ri ibeyomel kan ich'akon rik'in ri isamaj y ri iwuchuq'a'.

1 Pedro 4:8

Nik'atzin chuqa' chi tiwajowala-iwi' janila, roma ri ajowabel kan nutz'apej ruwi' ri janila chi mak.*f7*