Dn 4:21 - Kaqchiquel Bible

²¹ ri kan jebel rubanon ri ruxaq y kan pa ruk'iyal ri ruwech k'o, ri kan nitikir yerutzuq konojel y ri achoq chuxe' yemujan-wi ri chikopi' richin pa q'ayis, y ri pa taq ruq'a' kibanalon kisok ri taq aj-xik' chikopi';

Dn 4:21 ပူးပေါင်းရင်းမြစ်များ

Wuj Richin Bix Chire ri Dios 104:17

Pa kiwi' ri che' ri' nikiben-wi kisok ri kokoj aj-xik' taq chikopi'. Chupan ri nima'q taq che' nikiben-wi kachoch ri nima'q aj-xik' chikopi'.

Ez 17:23

Pa ruwi' ri juyu' ri más nej jotol ri k'o pa ruwach'ulew Israel, chiri' k'a xtintik-wi kan. Xtik'oje' ruq'a' y xtiwachin k'a y xtok chuqa' jun jebelej tiox-che'. Y jalajoj kiwech aj-xik' taq chikopi' ri xtibekibana' kisok pa taq ruq'a' y chiri' xkebek'ase-wi.

Ez 31:6

Y jalajoj k'a kiwech aj-xik' taq chikopi' ri xkiben kisok pa taq ruq'a'; y jalajoj kiwech chikopi' ri ek'o pa k'echelaj ri xe'alan chuxe' ri che' ri', y chuxe' ri rumujal kan e k'iy k'a tzobaj winaqi' xek'oje'.

Dn 2:38

kan ruya'on k'a pan aq'a' ri uchuq'a' richin naq'et-tzij pa kiwi' konojel tinamit, pa kiwi' awej, y pa kiwi' ri aj-xik' taq chikopi'. Roma ri' ri jolomaj ri xatz'et ri banon rik'in q'anapueq kan nuk'exewachuj k'a chi ja rat ri'.

Dn 4:11

Re che' re' janila xk'iy y xnimer k'a ri rupan. Y ri rutum xapon k'a chila' chikaj, y kan nitz'etetej k'a chupan chijun ruwach'ulew.

Dn 4:20

Ri che' ri xatz'et ri kan janila xk'iy y xnimer rupan, ri kan napon k'a chikaj ri rutum, y kan nitz'etetej-pe chupan chijun ruwach'ulew,

Dn 4:22

ri che' ri' kan ja rat ri' nu-rey. Ri awajawaren rat, kan janila k'a xnimer y janila ruchuq'a'. Ri runimirinen kan janila xbe pa jotol ri kan napon k'a chikaj. Y ri aq'atbel-tzij kan napon k'a pa taq ruk'isibel chire ri ruwach'ulew.

San Lucas 13:19

Yin ninbij k'a chi junan rik'in ri ija'tz ri richin ri mostaza, ri xutik-qa jun achin ri pa rulew. Toq xk'iy-q'anej kan achi'el jun che' xuben, kan janila xnimer. Roma ri' ri aj-xik' taq chikopi', ye'apon chupan richin nikiben kisok ri pa taq ruq'a', xcha'.