Dn 4:19 - Kaqchiquel Bible

¹⁹ Toq xrak'axaj ronojel re' ri Daniel kan xpax ránima y jun xk'oje-wi chuch'obik, y keri' k'a xk'oje' jubama jun hora. Kan janila k'a xuxibij-ri' y roma ri' yin Nabucodonosor xinbij chire: Beltsasar, man tach'ujirisaj-awi' rik'in ri wachik', y ri nel chi tzij, xicha' chire. K'ari' rija' xubij chuwe: Wajaw yin, re achik' re' kan ta pa kiwi' ri e etzelanel awichin xtiqaqa-wi. Ri nel chi tzij re achik' re', kan ta k'a ja ri itzel nikirayij chawij ri xkek'uluman.

Dn 4:19 ပူးပေါင်းရင်းမြစ်များ

Wuj Richin ri Rutikeribel 31:35

Y jari' toq rija' xubij chire ri rutata': Man tipe awoyowal chuwe táta, roma man yitikir ta yiyakatej-q'anej chawech roma xa janila in yawa' rik'in ri yabil ri nikik'owisaj konojel ixoqi' ronojel ik', xcha'. Y keri' toq ri Labán xukanola' ri ru-dios y man jun xril.

Wuj Richin ri Rutikeribel 32:18

K'ari' rat xtabij k'a chire: Re' e richin ri Jacob, ri asamajel, y e rutaqon-pe richin jun sipanik chire ri wajaw Esaú, y ri wajaw Jacob xambey kan, xkacha' chire.

Wuj Richin ri Rutikeribel 40:12

Y ri José xubij k'a chire: Ri awachik' kere' nik'ulun chi tzij: Ri oxi' ruq'a' nel chi tzij oxi' q'ij.

1 Rey 18:7

Y toq ri Abdías xbe ri akuchi k'o chi xbe-wi rija', jari' toq xbekik'ulu-pe-ki' rik'in ri Elías. Y ri Abdías kan xretamaj ruwech ri Elías y kan jari' xuqasaj-qa-ri' k'a pan ulew chuwech y xubij chire: ¿Ja rat ri' ri at wajaw Elías?, xcha'.

Ex 32:32

Ajaw, jak'a re wakami nink'utuj utzil chawe richin xtayoj ta jumul ri kimak. Roma wi rat man naben ta keri', xa kan más k'a utz tayojo' ri nubi' chupan ri wuj ri akuchi tz'ibatel wi ri kibi' ri kan e awichin rat, xcha' ri Moisés.

Wuj Richin ri Jeremías 29:7

Kan kixsamej k'a richin nibe ta q'anej pa jotol ri ruwach'ulew ri akuchi ixk'o-wi. Kan tik'utuj k'a chuwe chi utz ta xtuben ri ajawaren ri', richin keri' kan utz chuqa' xkixk'oje' rix.

Wuj Richin ri Jeremías 4:19

Y yin Jeremías xinbij: Ri wánima janila nitino y niq'axon. Nuyitz'itz'ej-ri' nupan y man yitikir ta ninq'et rik'in ri jiloj roma xinwak'axaj jun raqoj-chi'ij richin labal y nixupux ri trompeta.

Dn 1:7

Jak'a ri Aspenaz xujel kibi' ri alaboni' ri', y xukanoj pa kich'abel ri aj-Babilonia. Y kere' ri kibi' ri xuya': Ri Daniel xubini'aj Beltsasar; ri Ananías, Sadrac; ri Misael, Mesac; y ri Azarías, Abed-negó.

Dn 2:26

K'ari' ri rey xuk'utuj chire ri Daniel wi kan qitzij nitikir nubij chire ri rachik' y ri nel chi tzij.

Dn 2:37

Rat rey kan más k'a nimalej aq'ij chikiwech konojel rey, roma ri Dios ri niq'aton-tzij chila' chikaj ruya'on ri ajawaren pan aq'a', ruya'on ruwaq'ijaj, uchuq'a' y nimirinen chawe.

Dn 4:24

Ri nel-wi chi tzij re achik' re', jari' ri xuq'et ri nimalej Dios pan awi' rat rey.

Dn 5:12

Ri achin ri' kan jari' ri Daniel, ri rubini'an chuqa' Beltsasar. Rik'in rija' kan k'o k'a ronojel nojibel y etamabel richin nuq'alajirisaj achik', y nubij ri ye'el chi tzij, y kan nuchojmirisaj k'ayew taq banobel. Kan tawoyoj k'a rija', y kan xtuq'alajirisaj k'a chawech ri xtz'ibex kan chuwech ri jay, xcha'.

Dn 5:18

Ri nimalej Dios kan nim-wi ri ruq'ij, y ojer kan ja k'a rija' ri xya'on chire ri Nabucodonosor ri ajawaren, ri ruwaq'ijaj y ronojel nimirinen.

Dn 5:19

Roma ri nimirinen ri xya'ox chire roma ri Dios, ri winaqi' richin chijun ruwach'ulew, kan xkik'en rukiy y xkiya' ruq'ij. Rija' kan xuben k'a ronojel ri xqa' chuwech: Xerukamisaj ri xrajo' y xuya' q'ij chi yek'ase' ri xrajo'; ch'aqa' xeruya' pa jotol y ch'aqa' xuqasaj kiq'ij.

Dn 7:15

Yin, Daniel, kan janila k'a xink'en rukiy, y kan janila xinch'ob rij ronojel ri yinajin chutz'etik.

Dn 7:28

Wawe' k'a xtane-wi ri rusolik-rij ronojel ri xintz'et. Jak'a yin Daniel kan sachineq k'a nuk'u'x y kan nukajman yitzu'un. Man rik'in ri' kan xinyek k'a pa wánima ronojel ri xintz'et y ri xbix chuwe.

Dn 8:27

Chirij ronojel re', yin nina' chi xk'is wuchuq'a' y kan xiyawej k'a ka'i-oxi' q'ij. Y toq xik'achoj-el xiyakatej-el y xibe chik pa nusamaj rik'in ri rey, jak'a xa janila nuxibin-wi', roma ri xintz'et. Y kan man niq'ax ta chinuwech.

Wuj Richin ri Habacuc 3:10

Toq ri juyu' xatkitz'et, kan xkixibij-ki'. Xq'ax k'a ri nimalej raqen-ya' richin ri job. Ri palou kan niwajin k'a, rokik ri ya' nibolqo't y rik'in uchuq'a' nipa'e' chikaj.

1 Sam 1:15

Y ri Ana xubij chire: Ni, yin man in q'abarel ta, ni man nuqumun ta pe vino. Yin xa janila niq'axon ri wánima y jari' ri ninbij chire ri Jehová.

1 Sam 24:8

Chi'anin k'a xel-pe ri David, xutzeqelibej-pe ri Saúl y xubij-pe chire: ¡Wajaw nu-rey!, xcha'. Y toq rija' xtzu'un kan chirij, ri David xxuke-qa y xulukuba-qa-ri' chuwech, retal richin xuqasaj-ri' chuwech ri Saúl.

1 Sam 26:15

Y ri David xubij chire ri Abner: Rat kan at jun achin y kan man jun achoq ik'in xkajunamex-wi chikikojol ri qawinaq. ¿Achike roma man achajin ta jebel ri rey ri awajaw? Roma k'o jun ri xok-apo richin xrajo' xberukamisaj kan ri rey ri awajaw.

1 Sam 3:17

Y ri Elí xuk'utuj chire: ¿Achike xubij ri Dios chawe? Nink'utuj jun nimalej utzil chawe richin man tawewaj ri achike xbix chawe. Wi rat man xtabij ta chuwe ri xbix chawe, ri Dios kan ta xtuya' k'a ri ruk'ayewal pan awi' rat, xcha' chire.