Dn 4:14 - Kaqchiquel Bible

¹⁴ ri kan nich'on kow y nubij: Titorij ri che', y ke'ichoyola' ri ruq'a', tik'isa-el ronojel ri ruxaq y ri ruwech titaluj ronojel. Keri' chuqa' konojel ri chikopi' ri ek'o chuxe' kebe y ri aj-xik' taq chikopi' ke'el-el chupan ri ruq'a'.

Dn 4:14 ပူးပေါင်းရင်းမြစ်များ

San Mateo 3:10

Y pa ruwi' ri' nich'on-wi ri tzij: Ri ikej e naban chik chuxe' ronojel ri che' ri man nikiya' ta kiwech, richin yechoy. Y ronojel k'a ri che' ri xkechoy, xkek'aq pa q'aq', nicha'.

Dn 4:23

Y pa ruwi' ri' xatz'et chi jun ángel xqaqa-pe y xubij chi tichoy ri nima-che' ri', y xaxe ri rukuta'm ri nik'oje' kan pan ulew y k'o chi nijitz' kan rik'in q'eqapueq y rik'in q'enq'oj-pueq, y nik'oje' kan keri' chukojol q'ayis. Chuqa' xubij chi tich'eqe' na rik'in raxq'ab y xtik'oje' chikikojol ri chikopi' y keri' tik'oje', k'a xtitz'aqet na wuqu' juna'.

San Lucas 3:9

Pa ruwi' ri' nich'on-wi ri tzij: Ri ikej e ya'on chik chuxe' ronojel ri che' ri xa man nikiya' ta kiwech, richin yechoy. Ronojel k'a ri che' ri xkechoy, xkek'aq pa q'aq', nicha', xcha' ri Juan.

San Mateo 7:19

Y ronojel k'a che' ri man nikiya' ta utzilej taq kiwech, yeqasex y k'ari' yek'aq pa q'aq'.

Dn 4:12

Kan e jebel ok ri ruxaq y kan janila k'iy ruwech. Y ri chikopi' richin pa juyu' kan ye'uxlan pa rumujal y ri pa taq ruq'a' e kibanalon kisok ri aj-xik' taq chikopi'. Ri ruwech ri che' ri' jari' ri nitzuqun kichin konojel ri ek'o chuwech re ruwach'ulew.

Dn 3:4

Ri aj-raqen ri pa'el chuwech ri molojri'il ri' xch'on k'a kow y xubij: Tiwak'axaj chi'iwonojel rix winaqi', y rix ri yixpe nej, ri yixch'on jalajoj ruwech ch'abel.

Apocalipsis 18:2

Xch'on k'a rik'in uchuq'a' y xubij: Wakami xtzaq yan, wakami xtzaq yan ri nimalej tinamit Babilonia. Xa xok kan jay richin nikimol-ki' itzel taq espíritu y kisok ri itzel y tz'ilolej taq aj-xik' chikopi'.

Apocalipsis 10:3

Re ángel re', rik'in k'a ronojel ruchuq'a' xch'on, kan achi'el toq niq'ajan jun koj. Y toq ch'owineq chik qa, chuqa' ek'o wuqu' achi'el koqolajay ri xech'on-pe chire.

Dn 5:20

Jak'a toq xunimirisaj-ri' y ri ránima kan xukowirisaj rik'in ri runimirisanen, xa kan xelesex k'a el chupan ri rajawaren, y ronojel ri ruwaq'ijaj kan xelesex chire.

Wuj Richin ri Jeremías 51:9

Jak'a ri winaqi' richin ch'aqa' chik ruwach'ulew xtikibij: Xqaya' yan kaq'om ri aj-Babilonia, jak'a man xe'aq'omatej ta. Keqaya' kan y qojel-el re wawe'. Jo', pa taq qaruwach'ulew roma ri kamisanik ri nikiben kan napon k'a chila' chikaj y kan nijote' k'a q'anej pa taq sutz', xkecha'.

Wuj Richin ri Jeremías 51:6

Y rix winaqi' israelita, kixanimej-el pa Babilonia. Tukolo-ri' ri nitikir, richin chi man yixken roma kimak rije'. Jare' xapon ri q'ij richin ninya' ri rutojbalil pa kiwi' rije' achi'el ri ruk'amon.

Wuj Richin ri Achin Job 24:20

Rije' kan man xkenatex ta chik koma ri kite'; jak'a ri jut kan ki' xtikina' toq xke'apon pa kichi'; rije' kan man jun chik k'a xtinatan kichin, xa kan jumul k'a xke'elesex-el, achi'el toq nichoy-el jun che'.

Ez 31:10

Roma ri che' ri' kan janila k'a xk'iy, ri rutum xapon k'a pa sutz' y kan janila k'a xk'iy; y roma ri' kan xunimirisaj-ri'.

Wuj Richin ri Jeremías 27:5

Kan rik'in k'a ri nimalej wuchuq'a' xinben ri ruwach'ulew, ri winaqi' y ri chikopi' ri ek'o chuwech. Y xinya' chire ri achoq chire xinwajo' xinya-wi.

Dn 2:21

Ja rat yabanon richin yeq'ax ri ik' y ri juna'. Ja rat yaya'on ri q'atbel-tzij, y rat yatelesan kichin. Ja rat yaya'on na'oj chike ri e aj-na'oj, ri etamabel kan rat k'a yaya'on chike ri etamanela'.

Dn 4:29

Y toq q'axineq chik jun juna' chirij ri achik' ri' rokik yibiyajilan pa ruwi' ri wachoch richin q'atbel-tzij,

Dn 5:21

Xelesex k'a el chikikojol ri ruwinaq, y ri ruch'obonik xa kan xok k'a el achi'el ri kich'obonik ri chikopi'. Y chikikojol k'a ri taq bur aj pa q'ayis xbek'oje-wi. Xutej k'a q'os achi'el kiwaybal ri wákix, y ri ruch'akul kan xmu'e' k'a rik'in ri raxq'ab. Keri' xk'oje', k'a toq xretamaj na chi kan xaxe pa ruq'a' ri nimalej Dios k'o ronojel ajawaren, chi kan xaxe rija' ri ye'ukusan kan ri q'atbel taq tzij chupan ri ajawaren.