Dn 3:7 - Kaqchiquel Bible

⁷ Roma ri' konojel ri winaqi' ri ek'o chiri' kan xaxe toq xkak'axaj chi xbeq'ajan-pe ri q'ojom, kan jari' k'a chi'anin xkiqasaj-ki' k'a pan ulew, y xkiya' ruq'ij ri wachibel paban banon rik'in q'anapueq, ri xuben ri Nabucodonosor.

Dn 3:7 ပူးပေါင်းရင်းမြစ်များ

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.

Apocalipsis 17:8

Ri chikop ri xatz'et, xk'oje' ojer kan y wakami maneq chik. Jak'a xa xtibek'ulun chik pe y xtel-pe chupan ri itzel siwan ri ruyon q'equ'm rupan richin xtibe chupan ri tojbel mak. Y ri janila chi winaqi' ri man xtz'ibex ta kibi' chupan ri wuj richin k'aslen, ri kan pa rutikeribel-pe ri ruwach'ulew, kan xtikimey k'a ri chikop ri xk'oje' ojer kan y xa maneq chik tz'eton, y xa kan xtibek'ulun chik pe jun bey.

Apocalipsis 13:14

Y roma kan ya'on q'ij chire chi nuben meyel taq banobel, konojel winaqi' ri ek'o chuwech ri ruwach'ulew kan xeq'olotej pa ruq'a'. Y xuben k'a chike ri winaqi' chi tikibana' jun ruwachibel ri nabey chikop ri xk'achoj chire ri rusokotajik ri xban rik'in espada.

Apocalipsis 13:8

Ri chikop ri' xya'ox k'a ruq'ij koma konojel winaqi', ri man tz'ibatel ta pe ri kibi' toq kan k'a man jani k'o ta re ruwach'ulew chupan ri wuj richin k'aslen, ri ruwuj ri Karne'l, ri xkamisex.

Apocalipsis 13:3

Y jun k'a chike ri wuqu' rujolon ri chikop ri' xuk'uluwachij jun sokotajik ri kan ruk'amon-pe kamik. Jak'a rija' xa xk'achoj. Y roma ri' konojel winaqi' ri ek'o chuwech ri ruwach'ulew, xkimey y xkojqaj.

Apocalipsis 12:9

Ri nimalej itzel keq rij chikop ri' jari' ri Itzel-Wineq, ri Satanás, ri kumetz ri k'o-pe ojer y ri niq'olon kichin konojel winaqi'; kan xk'aq k'a pe chuwech ri ruwach'ulew e rachibilan ri itzel taq ru-ángel.

1 Juan 5:19

Qetaman chuqa' chi oj richin chik ri Dios. Jak'a ri ch'aqa' chik winaqi' ri k'a kikuquban na kik'u'x rik'in re ruwach'ulew, k'a ek'o na pa ruq'a' ri Itzel-Wineq.

Wuj Richin ri Jeremías 51:7

Rubanon kan ri Babilonia kan achi'el jun qumbel ri banon rik'in q'anapueq ri k'o pa nuq'a'. Y ri qumbel ri' nuk'exewachuj ri woyowal. Y yin kan xinya' chike chijun ruwach'ulew richin xkiqum y kan xeq'aber roma. Y toq kiqumun chik, kan xsach k'a kik'u'x jumul.

Hechos 14:16

Stape' ri ojer kan, ri Dios kan xuya-wi q'ij chike ri winaqi' chi xekik'uala' ri bey ri xeqa' chikiwech,

Dn 2:46

Toq ri Nabucodonosor xrak'axaj ronojel re', kan jari' xuqasaj-ri' k'a pan ulew chuwech ri Daniel, y xubij chi tiya'ox k'iy kamelabel y jubulej pom chuwech.

Dn 3:4

Ri aj-raqen ri pa'el chuwech ri molojri'il ri' xch'on k'a kow y xubij: Tiwak'axaj chi'iwonojel rix winaqi', y rix ri yixpe nej, ri yixch'on jalajoj ruwech ch'abel.

Dn 3:5

Kan xkebeq'ajan k'a pe ri trompeta, ri flauta y ri jalajoj kiwech q'ojom ri k'o kik'amal. Toq xtiwak'axaj chi xkeq'ajan-pe ronojel re', kan jari' k'a k'o chi yixxuke-qa chuwech re wachibel re' ri xuben-q'anej ri rey Nabucodonosor re wawe'.

Dn 3:6

Y xabachike k'a wineq ri man nrajo' ta nixuke' richin nuya' ruq'ij re wachibel re', kan chi'anin xtik'aq pa q'aq' richin nik'at, xcha'.

Dn 3:8

Chupan ri q'ij ri' ek'o k'a jujun chike ri aj-Babilonia ri kan itzel yekitz'et ri aj-Judá, y roma ri' rik'in ch'upun-k'u'x xebekisujuj rik'in ri rey.

Dn 3:10

Rat kan xaya' k'a jun pixa' ri nubij chi qonojel winaqi' toq xtiqak'axaj chi yebeq'ajan-pe ri q'ojom, kan jari' k'a qonojel xtiqaqasaj-qi' k'a pan ulew y tiqaya' ruq'ij ri wachibel.