Dn 3:28 - Kaqchiquel Bible

²⁸ K'ari' ri Nabucodonosor xch'on y xubij: Nimalej ruq'ij ri ki-Dios ri Sadrac, ri Mesac y ri Abed-negó. Roma kan xuteq k'a pe jun ru-ángel y xerukol re e rusamajela' re' ri xkikuquba' kik'u'x rik'in. Rije' kan man xkitaqej ta ri pixa' ri xinya' yin, y xa kan xkijech k'a ki' pa ruq'a' ri ki-Dios y man xkiya' ta ruq'ij jun chik dios.

Dn 3:28 ပူးပေါင်းရင်းမြစ်များ

Wuj Richin ri Rutikeribel 9:26

Y chuqa' xubij: Nim ruwa-ruq'ij ri Jehová ri qa-Dios, ri ru-Dios ri Sem, y ja ri Canaán jari' ri xtiyuqe' pa samaj rik'in.

1 Crón 5:20

Y ri Dios kan xeruto' k'a chupan ri oyowal toq xkik'utuj to'onik chire, y rije' kan xkikuquba' kik'u'x rik'in. Y roma ri' kan xetzaq k'a ri e etzelanel kichin, y chuqa' ri e junamatajineq-kiwech kik'in.

2 Crón 20:20

Ri ruka'n q'ij, xeyakatej nimaq'a' yan richin yebe pa tz'iran ruwach'ulew ri k'o chunaqaj ri tinamit Tecoa, y toq rije' ye'el yan el, ri Josafat xpa'e-q'anej y xubij chike konojel: Kiniwak'axaj chi'iwonojel nuwinaq. Kan tiqakuquba' qak'u'x rik'in ri Jehová ri qa-Dios y keri' kan xtik'oje' k'a quchuq'a'; chuqa' tiqakuquba' qak'u'x kik'in ri q'alajirisey ruch'abel ri Dios y kan utz k'a xtel ronojel chiqawech, xcha' chike.

2 Crón 32:21

Y ri Jehová xuteq-pe jun ángel richin xeruk'is konojel ri aj-labal aj-Asiria ri ek'o chiri'; chuqa' xek'is konojel ri aj-raqen y ri achi'a' ri k'o más kiq'ij. Chirij re' ri Senaquerib xtzolin pa rutinamit rik'in janila k'ix. Y k'o k'a jun q'ij, xapon pa rachoch ri ru-dios, y kan chiri' k'a xkamisex-wi kan chi espada koma ri ralk'ual.

Wuj Richin ri Esdras 1:3

Chi'iwonojel k'a rix ri ix ruwinaq ri Jehová, ja ri Dios xtito'on iwichin. Y rik'in ri ruto'onik rija' xkixbe pa Jerusalem, richin nibepaba-q'anej ri rachoch ri Jehová, ri Dios ri iwichin rix israelita, roma ja rija' ri Dios ri niya'ox ruq'ij ri chiri' pa Jerusalem.

Wuj Richin ri Esdras 6:11

Chuqa' kan yin yibin-el chiwe chi xabachike xtiya'on ruwi' re pixa' re', kan xtelesex-el jun tem chire ri rachoch ri wineq ri' y kan xtipabex ri tem. Y chutza'n ri' xtitzeqebex-wi, y ri rachoch kan jumul xtitorix y xtok kan jun toribel q'ayis.

Wuj Richin Bix Chire ri Dios 103:20

Tinimirisaj k'a ruq'ij ri Jehová, rix ri ix samajela' aj-chikajil; rix ri kan rik'in uchuq'a' niben ri nubij chiwe, richin ninimaj ri rutzij.

Wuj Richin Bix Chire ri Dios 147:11

Ri Jehová nikikot kik'in ri winaqi' ri k'o rukiy chikiwech, kik'in ri koyoben ri rutzil rija'.

Wuj Richin Bix Chire ri Dios 33:18

Jak'a ri Jehová kan yeruchajij ri k'o rukiy ri Dios chikiwech. Yeruchajij ri nikikuquba' kik'u'x rik'in ri rajowabal ri man k'isel ta.

Wuj Richin Bix Chire ri Dios 33:21

Roma ri' rik'in k'a rija' xtikikot ri qánima, roma kan qakuquban qak'u'x rik'in rija'.

Wuj Richin Bix Chire ri Dios 34:22

Ri Jehová kan nukol k'a kik'aslen ri e rusamajela', y wi nikikuquba' kik'u'x rik'in rija', kan man xkebe ta pa tojbel mak.

Wuj Richin Bix Chire ri Dios 62:8

Chi'iwonojel rix winaqi', jantape' tikuquba' ik'u'x rik'in. Titzijoj chire ronojel ri k'o pan iwánima, roma rija' kan jari' ri qatobal.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin ri Isaías 37:36

Y chupan ri aq'a' ri', xpe k'a ri ángel richin ri Jehová richin xerukamisaj e 185,000 aj-Asiria ri chiri' akuchi ek'o-wi-qa. Y toq xseqer-pe, konojel e kaminaqi' chik.

Wuj Richin ri Isaías 50:10

Man jun chiwe rix ri janila nuk'en rukiy ri Jehová y kan nrak'axaj ruch'abel ri rusamajel. Jak'a rix yixbiyin pa q'equ'm, y kan man jun seq nitz'et chupan. Pa ruk'exel re', kan tikuquba' ik'u'x rik'in y tito-iwi' rik'in ri qa-Dios.

Dn 2:47

Y xubij k'a chire ri Daniel: Wakami kan ninimaj chi ri i-Dios rix kan jari' ri Dios pa kiwi' konojel ri ch'aqa' chik dios. Rija' kan ajaw pa kiwi' konojel ri rey. Kan xaxe rija' ri nitikir niq'alajirisan ronojel ri ewatel, y roma ri' rat kan xatikir xaq'alajirisaj chinuwech re jun achik' re', xcha'.

Dn 3:25

Y ri rey xubij: Wakami yin nintz'et chi e kaji' ri yebiyaj pa ruxaq q'aq', y man jun kik'uluwachin; jak'a ri rubanikil ri rukaj kan achi'el xa ta jun kalk'ual ri dios, xcha'.

Dn 4:34

Jak'a toq xtz'aqet ri juna' ri janipe' xq'at pa nuwi', jari' toq yin Nabucodonosor xtzolej-pe nuk'u'x, y kan jari' xich'obon chik achi'el yech'obon ri winaqi'; y jari' k'a toq yin xinnimirisaj ruq'ij ri nimalej Dios. Xinya' ruq'ij ri kan jantape' k'es y kere' k'a ri xinbij: Ri ruchuq'a' ri aq'atbel-tzij rat nimalej Dios, kan richin q'asen, ri awajawaren kan xtik'oje' k'a pa kiwi' ri chi wiq chi tanaj winaqi'.

Dn 6:16

K'ari' ri rey xuteq k'a ruk'amik ri Daniel, y xubij chire: Daniel, ri a-Dios ri kan k'o awik'in jantape', ja ta k'a rija' ri xtikolon awichin, xcha'. Chirij ri' xkik'eq-qa chupan ri jul ri akuchi ek'o-wi ri koj.

Dn 6:26

Yin ri in rey ninya' k'a pan iwi' chi'iwonojel re jun pixa' re': Kan konojel k'a ri winaqi' ri ek'o chupan ri wajawaren kan tikiqasaj k'a ki' chuwech ri ru-Dios ri Daniel; Roma ri Dios ri' kan jari' ri k'aslik Dios; ja rija' ri Dios richin tibe-q'ij tibe-seq. Ri rajawaren kan man jun k'a xtiwulan richin; ri ruq'atbal-tzij kan man k'isel ta k'a.

San Mateo 4:10

Jari' toq ri Jesús xubij chire: Kabiyin kela' rat, Itzel-Wineq. Roma chupan ri ruch'abel ri Dios nubij:*f12* Kan tiya' k'a ruq'ij ri Jehová ri qa-Dios y kan tisamajij xaxe rija', nicha', xcha' ri Jesús chire.

Hechos 4:19

Jak'a ri Pedro y ri Juan xech'on-apo, y xkibij chike: Tibij k'a chiqe: ¿Achike ta kami nubij ri Dios, xa ta ja ri nibij rix ri niqaben, y man niqaben ri nubij rija'?

Hechos 5:19

Jak'a ri chi'aq'a', ri Dios xuteq k'a pe jun ángel ri pa cárcel kik'in rije'. Y re ángel re' xujeq-el ri ruchi' ri cárcel chikiwech, richin xerelesaj-el. Y xubij k'a chike:

Romanos 12:1

Wach'alal, roma janila nim ri rutzil ri Dios ri rubanon qik'in, achi'el ri k'a juba' tiqanataj-qa, nink'utuj utzil chiwe chi tijacha' ri ik'aslen pa ruq'a' rija', achi'el jun kamelabel ri kan k'es, loq'olej y kan niqa' chuwech ri Dios. Keri' nik'atzin richin niya' ruq'ij.

1 Corintios 13:3

Y chuqa' wi ta nintaluj ronojel ri k'o wik'in chikiwech ri man jun k'o kik'in, o ninjech-wi' richin yikamisex pa q'aq', y xa man roma ta ajowabel, stape' ta keri' xtinben, man jun nik'atzin-wi.

Filipenses 1:20

Kan nurayibel wi k'a chi ninya' ruq'ij ri Cristo, nik'oje' ta wuchuq'a' richin nik'is ri rusamaj y man ta yik'ixbitej roma man nink'is ta y rik'in ri' ninya' ruq'ij ri Cristo, rik'in ri nuk'aslen o rik'in ri nukamik.

Hebreos 1:14

Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

Hebreos 11:37

Ek'o ch'aqa' xekamisex chi abej, xequpix pa ka'i' rik'in ch'ich', xekamisex chi espada, xebe-kela' xebe-kela' xkiben y xaxe kisale'y karne'l y tzuntzun ri xkikusaj richin kitziaq. Xkiq'axaj tijoj-poqonal y janila k'iy itzel ri xban chike.

1 Pedro 1:21

Roma ikuquban ik'u'x rik'in ri Cristo chuqa' ikuquban ik'u'x rik'in ri Dios, ja ri Dios ri xbanon chire ri Cristo chi xk'astej-pe y xk'oje' ruq'ij-ruk'ojlen, richin tik'oje' oyobenri'il iwik'in y tikuquba' ik'u'x rik'in ri Dios.

Apocalipsis 12:11

Y ri qach'alal ri' xech'akon yan chirij ri Itzel-Wineq, roma ri rukik'el ri Karne'l, roma rije' kan man xek'ix ta xkiq'alajirisaj-ki' chi kiniman ri Cristo. Man xkixibij ta ki' stape' xe'apon pa kamik.