Dn 3:25 - Kaqchiquel Bible

²⁵ Y ri rey xubij: Wakami yin nintz'et chi e kaji' ri yebiyaj pa ruxaq q'aq', y man jun kik'uluwachin; jak'a ri rubanikil ri rukaj kan achi'el xa ta jun kalk'ual ri dios, xcha'.

Dn 3:25 ပူးပေါင်းရင်းမြစ်များ

Wuj Richin ri Isaías 43:2

Toq xkixq'ax chupan ri palou, yin xkik'oje' iwik'in. Toq xkixq'ax chupan raqen taq ya', kan man xkixruk'uaj ta el. Y toq xkixq'ax chupan nimalej taq q'aq', man xkixk'at ta, ni ri ruxaq q'aq' man xkixrumej ta.

Hechos 28:5

Jak'a ri Pablo xutotaj kan ri kumetz ri' pa q'aq', y man jun retal chi k'o ta ri nuk'uluwachij.

Marcos 16:18

Stape' xkekichop itzel taq kumatzi' o wi xkekitijla' kamisanel taq aq'om, man jun k'a xtikik'uluwachij. Xtikiya' chuqa' kiq'a' pa kiwi' yawa'i' y xkek'achoj.

Wuj Richin ri Achin Job 1:6

Jun q'ij ri aj-chikajil rusamajela' ri Dios xbekimolo-ki' chuwech roma ri kisamaj, y chikikojol rije' beneq k'a chuqa' ri Satanás, ri sujunel.

Dn 3:28

K'ari' ri Nabucodonosor xch'on y xubij: Nimalej ruq'ij ri ki-Dios ri Sadrac, ri Mesac y ri Abed-negó. Roma kan xuteq k'a pe jun ru-ángel y xerukol re e rusamajela' re' ri xkikuquba' kik'u'x rik'in. Rije' kan man xkitaqej ta ri pixa' ri xinya' yin, y xa kan xkijech k'a ki' pa ruq'a' ri ki-Dios y man xkiya' ta ruq'ij jun chik dios.

Wuj Richin Bix Chire ri Dios 34:7

Ri ángel richin ri Jehová, kan e ruchajin ri k'o rukiy ri Dios chikiwech, y kan yeruto'.

1 Pedro 3:13

Kan man jun wineq ri nitikir nuben itzel chiwe, wi rix kan ja ri utz ri niben.

Dn 3:18

Jak'a wi yojrukol o man yojrukol ta, kan tawetamaj k'a rat rey chi kan man xtiqasamajij ta ri a-dios, y kan man xqojxuke' ta chuwech ri wachibel ri k'ari' xaben-q'anej, xecha'.

Wuj Richin ri Achin Job 38:7

Y rokik yin yinajin chubanik ri samaj ri', ri ch'umila' ri e q'alaj nimaq'a' yebixan k'a, y keri' chuqa' konojel ri ángel ri ek'o wik'in, kan yekikot k'a janila.

San Lucas 1:35

Ri ángel xubij chire: Ja ri Loq'olej Espíritu y ri ruchuq'a' ri nimalej Dios ri xtiqaqa pan awi'. Roma ri', ri loq'olej ak'ual ri xtalex awik'in, kan xtubini'aj Ruk'ajol ri Dios.

Wuj Richin Etamabel-Tzij 30:4

¿Kan k'o ta kami jun wineq ri xbe yan chila' chikaj y xtzolin ta chik pe? ¿Kan k'o ta kami jun wineq ri nitikir nuchop ri kaq'iq' rik'in ri ruq'a'? ¿Kan k'o ta kami jun ri nitikir nuyek ri ya' pa jun tzieq? ¿Kan k'o ta k'a kami jun ri nitikir nuya' retal ri akuchi k'o-wi ri ruchi' ri ruwach'ulew? ¿Y achike kami etamayon rubi' ri nitikir nibanon keri', y retaman ta rubi' ri ruk'ajol?

Wuj Richin ri Jeremías 1:8

Man taxibij-awi' chikiwech ri winaqi' ri', roma yin kan xkik'oje' awik'in richin xkatinchajij, ja yin Jehová ri yibin y ninya' nutzij chawe, xcha'.

Wuj Richin ri Jeremías 1:19

Rije' xtikiben labal awik'in rat, jak'a man xketikir ta xkatkich'ek, roma yin xkik'oje' awik'in richin yatinto'. Ja yin Jehová ri yibin.

Wuj Richin ri Jeremías 15:21

Kan xkatinkol pa kiq'a' ri banoy etzelal; kan xkatinkol pa kiq'a' ri kamisanela', xcha' ri Dios chuwe.

Dn 3:24

Y xaxe ri' ri rey xuk'en janila rukiy, y xyakatej-el junanin, y xubij chike ri e rusamajela': ¿Man xaxe ta k'a e oxi' ri e ximil ri xeya'ox pa q'aq'?, xcha'. Y rije' xkibij chire ri rey, chi xaxe e oxi'.

Dn 6:23

Y ri rey kan janila k'a xkikot, roma k'es ri Daniel. Y xubij k'a chi telesex-pe chupan ri jul. Keri' xel-pe ri Daniel y kan man jun k'a sokotajik k'o chirij, roma rija' kan xukuquba' ruk'u'x rik'in ri ru-Dios.

Wuj Richin ri Achin Job 5:19

Ronojel mul xkarukol chuwech ri ruk'ayewal, y man xtuya' ta q'ij chi ri etzelal xtapon awik'in.