Dn 3:2 - Kaqchiquel Bible

² Toq xk'achoj ri paban wachibel ri', ri Nabucodonosor xuteq koyoxik ri e rusamajela', ri e aj-raqen pa kiwi' ri aj-labal, ri e q'atoy taq tzij ri ek'o pa ruwi' ri e nima'q taq tinamit, ri e yakol méro, ri pixabanela', ri to'onela' y konojel ri ek'o pa taq q'atbel-tzij chupan chijun ri ruwach'ulew Babilonia, richin nikinimaq'ijuj ri wachibel ri xuteq rubanik.

Dn 3:2 ပူးပေါင်းရင်းမြစ်များ

Dn 3:27

Y konojel k'a ri e q'atoy taq tzij ri ek'o-apo chiri', xejel-apo kik'in rije' richin yekitz'et. Y nikimey achike roma ri q'aq' kan man jun xuben chire ri kich'akul, ni ri rusumal-kiwi' kan man jun xk'at, ni ri kitziaq man jun xok chire y ni ta ruxla' ri q'aq' man xbe ta chikij.

Wuj Richin Etamabel-Tzij 29:12

Ri tata'al ri kan jebel nunimaj-qa ri tz'ukun taq tzij ri yebix chire; xa yeruyoj ri rusamajela', y nuben chike chi xke'ok tz'ukuy taq tzij.

1 Rey 12:32

Chuqa' xutikeriba-q'anej jun nimaq'ij ri kan k'o chi niban ronojel wolajuj q'ij richin ri ik' waqxaqi', achi'el toq ri aj-Judá yenimaq'ijun, y nikiya' ruq'ij ri Jehová. Kan ja rija' ri xsuju ri kamelabel, y re' xuben pa Betel chuwech ri nima-alaj achij wákix ri rubanon-q'anej. Chuqa' xeruya' sacerdote chiri' ri akuchi niya-wi kiq'ij ri ch'aqa' chik dios ri pa ruwi' taq juyu'.

Wuj Kichin ri To'onela' 16:23

Y ri achi'a' ri k'o más kiq'ij chikikojol ri aj-Filistea xkimol k'a ki' richin xekisuj kamelabel chuwech ri ki-dios rubini'an Dagón, richin xenimaq'ijun y xkibixaj k'a: Ri qa-dios xujech pa qaq'a' ri Sansón, Ri Sansón ri etzelanel qichin, xecha'.

Wuj Richin ri Q'axanri'il 25:2

roma kan ja k'a ri ixoqi' ri xe'oyon kichin ri winaqi' richin ri tinamit Israel richin nikisuj kamelabel chikiwech ri ki-dios, y rije' kan xewa-xe'uk'ya' kik'in.

Apocalipsis 17:2

Kan rik'in k'a re ixoq re' e makuwineq-wi ri nima'q q'atoy taq tzij richin ri ruwach'ulew. Y ri k'ixbel taq rubanobal kan achi'el ri vino ri niq'abarisan y konojel ri winaqi' richin ri ruwach'ulew eq'abarineq rik'in ri', xcha'.

Dn 3:3

Konojel k'a nima'q taq winaqi' ri' xkimol-ki' richin yenimaq'ijun y xepa'e-apo chuwech ri wachibel ri xban-q'anej chiri'.