Dn 3:17 - Kaqchiquel Bible

¹⁷ roma kan qetaman k'a chi ri Dios ri niqasamajij roj, kan nitikir yojrukol chuwech ri q'aq' ri', y chuqa' nitikir yojrukol pan aq'a' rat rey.

Dn 3:17 ပူးပေါင်းရင်းမြစ်များ

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

San Lucas 1:37

Roma ri Dios man jun k'ayew nuben chuwech, xcha' ri ángel.

Hebreos 7:25

Y roma ri' rija' kan jantape' k'a nitikir yerukol ri yejel-apo rik'in ri Dios pa rubi' rija'. Roma rija' kan man kamel ta, y roma ri' beneq-ruwech nuk'utuj rutzil ri Dios pa kiwi'.

Wuj Richin ri Jeremías 1:8

Man taxibij-awi' chikiwech ri winaqi' ri', roma yin kan xkik'oje' awik'in richin xkatinchajij, ja yin Jehová ri yibin y ninya' nutzij chawe, xcha'.

Hechos 21:13

Jak'a ri Pablo xubij chiqe: ¿Achike roma toq rix niya-pe bis pa wánima rik'in la yixoq'? Yin man k'a ninpoqonaj ta wi' wi yikamisex roma ri nintzijoj ri ruch'abel ri ajaw Jesús, k'a ta la' k'a chi xaxe yibexim ri chila' pa Jerusalem, xcha' ri Pablo.

Wuj Richin ri Achin Job 5:19

Ronojel mul xkarukol chuwech ri ruk'ayewal, y man xtuya' ta q'ij chi ri etzelal xtapon awik'in.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin Bix Chire ri Dios 115:3

Ri qa-Dios roj k'o k'a chila' chikaj. Ronojel ri nurayij chi nuben, kan rubanon.

Hechos 20:24

Jak'a man ja ta ri' ri más ninch'ob rij, ni man ja ta chuqa' ri nuk'aslen ri ninch'ob más. Ri más k'a ninch'ob, ja ri samaj ri ruya'on ri ajaw Jesús chuwe, y rik'in ta k'a kikoten ri xtink'is rutzijoxik chike ri winaqi' ri utzilej ch'abel richin kolotajik, ri niq'alajirisan ri rutzil ri Dios.

Dn 6:27

Rija' kan yerukol ri winaqi' y kan yerujikiba' kan, kan yeruben k'a meyel taq banobel chila' chikaj y chuwech re ruwach'ulew. Ja rija' xkolon richin ri Daniel chikiwech ri koj, xcha' ri Darío.

Dn 4:35

Chawech rat, ri winaqi' ri ek'o chuwech re ruwach'ulew xa man jun kejqalen, Rat kan naben achi'el ri niqa' chawech; keri' ri chikaj y keri' chuqa' chuwech re ruwach'ulew. Kan man jun k'a wineq ri nitikir ta niq'aton awichin, Kan man jun ri nik'utun chawe ri achike roma keri' naben. Keri' xinbij chire ri nimalej Dios.

1 Sam 17:46

Y chupan re q'ij re' rija' xkarujech pa nuq'a'. Xtintzak'ij la ajolon. Chuqa' chupan re q'ij re' ri kich'akul konojel ri awinaq xtinya' chikiwech k'ucha', y chikiwech k'uxunela' taq chikopi', richin keri' konojel k'a ri ruwach'ulew tiketamaj chi k'o jun k'aslik Dios chiqakojol roj.

1 Sam 17:37

Ri Jehová kan in ruto'on pa kiq'a' ri koj y ri oso, kan keri' chuqa' xkiruto' pa ruq'a' la achin la', xcha'. K'ari' ri Saúl xubij chire chi tibe, y kan ja ri Jehová xtito'on richin.

Wuj Richin ri Rutikeribel 18:14

¿Kan k'o kami k'a jun ri man ta yitikir ninben yin? Man keri' ta. Y roma ri' ri juna' apo xkinoqaqa chik awik'in, y jari' toq ri Sara xalex yan ri ti ral chiri', xcha' chire.

Wuj Richin ri Isaías 54:14

Kan pa ruwi' k'a ri ruchojmilal xkixtz'uye', y kan man xkixtz'ilox ta chik. Kan man xtixibij ta chik iwi', y kan man jun chik xtitikir xtijel iwik'in.

Wuj Richin ri Achin Job 34:29

Wi ri Dios nik'oje' kan choj keri' y man jun nuben richin yeruto' ri winaqi', ¿k'o kami nitikir nich'ojin chire? Wi ta nrewaj ruwech, ri winaqi' kan man jun chik xtito'on kichin. Rija' kan rutz'uliben k'a stape' ta jun tinamit o xaxe jun wineq.

Wuj Richin Bix Chire ri Dios 73:20

Ri itzel taq winaqi' e achi'el jun achik' ri nimestex toq niseqer-pe; keri' xtaben chike rat ajaw, toq xkayakatej, rat xa xke'awixowaj roma ri kibanobal.

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

2 Corintios 1:10

Y ja rija' ri xojkolon-pe chuwech ri kamik ri', y kan keri' xtuben. Kan qakuquban k'a qak'u'x rik'in chi re beneq-apo kan xqojrukol-wi k'a chuwech ri kamik achi'el ri rubanon-pe qik'in.

Wuj Richin Bix Chire ri Dios 37:40

Ri Jehová yeruto' y yerukol chikiwech ri banoy etzelal, roma kan nikikuquba' kik'u'x rik'in.

Wuj Richin ri Jeremías 15:20

Wi keri' xtaben, yin kan xtinben chawe chi rat xkatok kow achi'el jun tz'aq ri banon rik'in q'enq'oj-pueq. Y re winaqi' re' xtikiben labal awik'in, jak'a man xkatkich'ek ta, roma yin kan ink'o awik'in richin yatinkol y yatinwelesaj chuwech ronojel. Yin Jehová ri yibin.

Wuj Richin ri Jeremías 15:21

Kan xkatinkol pa kiq'a' ri banoy etzelal; kan xkatinkol pa kiq'a' ri kamisanela', xcha' ri Dios chuwe.

Dn 3:26

Jari' k'a toq ri Nabucodonosor xjel-apo chuchi' ri q'aq', y xubij k'a chike: Sadrac, Mesac, Abed-negó rusamajela' ri k'aslik Dios, kixel-pe chiri', kixanpe, xcha'. Y rije' kan xe'el k'a pe chupan ri q'aq'.

Dn 6:16

K'ari' ri rey xuteq k'a ruk'amik ri Daniel, y xubij chire: Daniel, ri a-Dios ri kan k'o awik'in jantape', ja ta k'a rija' ri xtikolon awichin, xcha'. Chirij ri' xkik'eq-qa chupan ri jul ri akuchi ek'o-wi ri koj.

Dn 6:23

Y ri rey kan janila k'a xkikot, roma k'es ri Daniel. Y xubij k'a chi telesex-pe chupan ri jul. Keri' xel-pe ri Daniel y kan man jun k'a sokotajik k'o chirij, roma rija' kan xukuquba' ruk'u'x rik'in ri ru-Dios.

Wuj Richin ri Miqueas 7:7

Jak'a yin Miqueas kan ja ri Jehová ri xtintzu' jantape'. Kan xtinwoyobej k'a ronojel pa ruq'a' ri Dios ri xtikolon wichin, Y ri nu-Dios yin kan xkirak'axaj ri nink'utuj chire.

Wuj Richin Bix Chire ri Dios 37:39

Jak'a ri kikolotajik ri choj kik'aslen kan rik'in ri Jehová peteneq-wi. Ja rija' ri kuchuq'a' chupan ri ruk'ayewal.