Dn 3:15 - Kaqchiquel Bible

¹⁵ Y xubij chik k'a jun bey chike, chi toq xtikak'axaj ri ruch'abel ri q'ojom kan k'o chi yexuke' chuwech ri wachibel, roma wi man xkexuke' ta, kan ja yan ri' xkek'aq pa q'aq' richin yek'at. Y kan man jun k'a dios ri xkekolon pa ruq'a' ri rey.

Dn 3:15 ပူးပေါင်းရင်းမြစ်များ

2 Rey 18:35

¿Achike ta k'a chike konojel re dios kichin re ruwach'ulew re' tikirineq ta rukolon ri ruwach'ulew pa ruq'a' ri rey richin Asiria, richin chi ri Jehová nukol ri tinamit Jerusalem pa ruq'a'?, xcha'.

Ex 32:32

Ajaw, jak'a re wakami nink'utuj utzil chawe richin xtayoj ta jumul ri kimak. Roma wi rat man naben ta keri', xa kan más k'a utz tayojo' ri nubi' chupan ri wuj ri akuchi tz'ibatel wi ri kibi' ri kan e awichin rat, xcha' ri Moisés.

Ex 5:2

Jak'a ri rey xubij: ¿Achike chi Dios ri Jehová richin chi ninwak'axaj ri nubij y ninya' q'ij chire ri tinamit Israel richin nibe? Yin man wetaman ta ruwech ri Jehová, ni man xtinya' ta q'ij richin ri tinamit nibe, xcha' chike.

Wuj Richin ri Isaías 37:23

¿Achike ta k'a ri xaya' ruk'ix, y kan xaqasaj ruq'ij? ¿Achoq chirij xajeq pan achi', y kan janila xanimirisaj-awi' chuwech? Kan chuwij yin ri in Loq'olej ri ink'o wawe' pan Israel.

Dn 2:47

Y xubij k'a chire ri Daniel: Wakami kan ninimaj chi ri i-Dios rix kan jari' ri Dios pa kiwi' konojel ri ch'aqa' chik dios. Rija' kan ajaw pa kiwi' konojel ri rey. Kan xaxe rija' ri nitikir niq'alajirisan ronojel ri ewatel, y roma ri' rat kan xatikir xaq'alajirisaj chinuwech re jun achik' re', xcha'.

Dn 2:9

Wi rix man xtibij ta chuwe ri wachik', kan junan k'a xtik'uluwachij chi'iwonojel. Yin kan wetaman k'a chi rix xa niya' chiwech jun tz'ukuj-tzij, richin nik'is-qa ronojel re'. Kan tibij k'a pe chuwe ri wachik' richin chi niq'alajin chinuwech yin chi rix kan yixtikir-wi niq'alajirisaj achik', xcha' ri rey.

Dn 3:17

roma kan qetaman k'a chi ri Dios ri niqasamajij roj, kan nitikir yojrukol chuwech ri q'aq' ri', y chuqa' nitikir yojrukol pan aq'a' rat rey.

Dn 6:16

K'ari' ri rey xuteq k'a ruk'amik ri Daniel, y xubij chire: Daniel, ri a-Dios ri kan k'o awik'in jantape', ja ta k'a rija' ri xtikolon awichin, xcha'. Chirij ri' xkik'eq-qa chupan ri jul ri akuchi ek'o-wi ri koj.

Dn 6:20

Xjel k'a apo chuchi' ri jul y rik'in bis xroyoj-qa ri Daniel. Y xubij-qa: Daniel, ri at rusamajel ri k'aslik Dios, ri Dios ri jantape' nasamajij, ¿kan xtikir kami xaruto' chikiwech ri koj?, xcha-qa.

San Mateo 10:19

Jak'a toq ri winaqi' xkixkijech pa kiq'a' ri q'atoy taq tzij, man k'a tich'ob ri achike ri xtibij y achike rubanik xtiben richin yixch'on chikiwech. Roma chupan ri ramaj ri', ri Dios xtuya' k'a pe chiwe ri ruk'amon chi nibij.

San Mateo 27:43

Rija' kan xukuquba' ruk'u'x rik'in ri Dios, y rubin kan chi ruk'ajol ri Dios. Wi keri' ja ri Dios tikolo richin, xecha' ri achi'a' ri'.

Marcos 13:11

Jak'a toq xkixuk'uex richin chi yixbejach pa kiq'a' ri q'atoy taq tzij, man tich'ob ri achike chi ch'abel ri xtibebij. Rix xaxe k'a tibij ri achike chi ch'abel ri xtuya' ri Dios chiwe, roma xa kan man ja ta chik rix ri xkixch'on ri ramaj ri', xa kan ja chik ri Loq'olej Espíritu ri xtich'on.

San Lucas 12:11

Toq yixuk'uex chikiwech ri aj-raqen chiri' pa taq jay ri akuchi nikimol-ki' ri winaqi' richin nikak'axaj ri ruch'abel ri Dios, y toq yixuk'uex chikiwech q'atoy taq tzij, man k'a tiquqa' rij ri achike k'o chi nibij.

San Lucas 13:9

Rik'in juba' rik'in keri' xtuya' ruwech. Wi xa man nuya' ta ruwech, k'ari' k'a xtiqachoy-el, xcha' ri samajel, xcha' ri Jesús.

Hechos 4:19

Jak'a ri Pedro y ri Juan xech'on-apo, y xkibij chike: Tibij k'a chiqe: ¿Achike ta kami nubij ri Dios, xa ta ja ri nibij rix ri niqaben, y man niqaben ri nubij rija'?

Hechos 5:29

Jak'a ri Pedro y ri ch'aqa' chik e taqon roma ri Cristo xkibij k'a apo chike: Nik'atzin chi ja ri nubij ri Dios ri niqanimaj, y man ja ta ri nikajo' ri winaqi'.

Hechos 6:15

Jari' k'a toq ri achi'a' ri yeq'aton-tzij ri e tz'uyul ri chiri', xkitzu-xkitzu' ruwech ri Esteban. Jari' toq xkitz'et chi xjalatej ruwech, y xok achi'el titzu'un jun ángel.