Dn 3:10 - Kaqchiquel Bible

¹⁰ Rat kan xaya' k'a jun pixa' ri nubij chi qonojel winaqi' toq xtiqak'axaj chi yebeq'ajan-pe ri q'ojom, kan jari' k'a qonojel xtiqaqasaj-qi' k'a pan ulew y tiqaya' ruq'ij ri wachibel.

Dn 3:10 ပူးပေါင်းရင်းမြစ်များ

1 Crón 15:16

Y ri David xubij k'a chuqa' chike ri aj-raqen pa kiwi' ri e levita chi kecha'ox ri bixanela' y nikibixaj bix richin kikoten, chuqa' kecha'ox ri q'ojomanela' rik'in jalajoj ruwech q'ojom achi'el ri salterio, ri arpa y ri platillo.

1 Crón 15:28

Keri' k'a konojel ri aj-Israel yekikot kik'uan ri káxa richin ri rujikibel-tzij ri Jehová; y nikireq k'a kichi' roma kikoten. Chuqa' nikixupuj ri trompeta y ri uk'a'; y nikiq'ojomaj ri platillo, ri salterio, y ri arpa.

2 Crón 29:25

Chuqa' ri Ezequías xeruya' pa rachoch ri Jehová, ri e levita richin xkiq'ojomaj jalajoj ruwech taq q'ojom: Ri platillo, ri salterio y ri arpa. Keri' xuben roma ri Dios kan keri' ri xubij kan chike ri David, chire ri Gad ri nitz'eton ri peteneq, y chire ri Natán ri q'alajirisey ruch'abel ri Dios.

Wuj Richin Bix Chire ri Dios 94:20

Rat kan man yeqa' ta k'a chawech ri man pa ruchojmilal ta yeq'aton-tzij. Ri kan nikiq'ej ruwi' ri pixa' xaxe richin man nikiq'et ta tzij pa ruchojmilal.

Ex 1:16

Toq yixbe kik'in ri ixoqi' israelita toq ye'alan, kan titz'eta' chi'anin ri achike ri nalex, wi ti ala' ri nalex, tikamisaj y wi ti xten, tik'asba' kan, xcha' chike.

Ex 1:22

Y toq ri rey xutz'et chi xa man nitikir ta yerukamisaj, jari' toq xubij chike ri ruwinaq chi toq ye'alex ri ak'uala' taq alaboni' chikikojol ri winaqi' israelita, kan ketorix-el pa raqen-ya', y wi taq xtani' ri ye'alex, kekik'asba' kan.

Wuj Richin ri Molojri'il 3:16

Chuqa' xintz'et chuwech re ruwach'ulew chi pa ruk'exel ri utzilej q'atbel-tzij, xa ja ri itzel banobel k'o; y pa ruk'exel ri chojmilal, xa ja ri etzelal ri k'o.

Wuj Richin ri Isaías 10:1

Kan toq'ex k'a iwech rix ri niya' pixa' ri man pa ruchojmilal ta; y niya' rutzijol chi ek'o k'ak'a' pixa' ri kan man e koch'el ta.

Dn 3:11

Y xabachike k'a ri man xtuqasaj ta ri' y man nuya' ta ruq'ij ri wachibel, kan xtik'aq pa q'aq' richin nik'at, xacha'.

Dn 3:15

Y xubij chik k'a jun bey chike, chi toq xtikak'axaj ri ruch'abel ri q'ojom kan k'o chi yexuke' chuwech ri wachibel, roma wi man xkexuke' ta, kan ja yan ri' xkek'aq pa q'aq' richin yek'at. Y kan man jun k'a dios ri xkekolon pa ruq'a' ri rey.

Dn 6:12

Ri achi'a' ri' kan chi'anin k'a xebe rik'in ri rey richin nibekinataj chire ri pixa' ri'. Y xkibij chire: Rat rey, xawelesaj k'a rutzijol ri jun pixa' ri nubij chi man jun wineq xtuya' ruq'ij jun chik dios o jun chik wineq ri man ja ta rat, chupan re jun ik'. Y ri wineq ri xtuben keri' kan xtik'aq k'a chupan ri jul chikikojol ri koj, xecha'. K'ari' ri rey xubij chi kan keri' wi y man jun niq'ajo ruwi'.

Am 6:5

Ye'itz'ukula' bix achi'el xuben ri ánima David, bix ri xa man jun rejqalen. Y kan yixbixan rik'in arpa.

San Juan 11:57

Jak'a ri aj-raqen kichin ri sacerdote y ri fariseo, kan kelesan chik k'a rutzijol chi xabachike k'a wineq ri xtetaman akuchi k'o-wi ri Jesús, tubij chike richin nikichop.