Dn 2:46 - Kaqchiquel Bible

⁴⁶ Toq ri Nabucodonosor xrak'axaj ronojel re', kan jari' xuqasaj-ri' k'a pan ulew chuwech ri Daniel, y xubij chi tiya'ox k'iy kamelabel y jubulej pom chuwech.

Dn 2:46 ပူးပေါင်းရင်းမြစ်များ

Wuj Richin ri Esdras 6:10

Rik'in ronojel re' xtikisuj kamelabel ri niqa' chuwech ri ki-Dios, ri rajaw ri kaj, richin rije' yech'on rik'in ri ki-Dios pa ruwi' ri nuk'aslen yin y pa ruwi' ri kik'aslen ri walk'ual.

Dn 3:5

Kan xkebeq'ajan k'a pe ri trompeta, ri flauta y ri jalajoj kiwech q'ojom ri k'o kik'amal. Toq xtiwak'axaj chi xkeq'ajan-pe ronojel re', kan jari' k'a k'o chi yixxuke-qa chuwech re wachibel re' ri xuben-q'anej ri rey Nabucodonosor re wawe'.

Dn 3:7

Roma ri' konojel ri winaqi' ri ek'o chiri' kan xaxe toq xkak'axaj chi xbeq'ajan-pe ri q'ojom, kan jari' k'a chi'anin xkiqasaj-ki' k'a pan ulew, y xkiya' ruq'ij ri wachibel paban banon rik'in q'anapueq, ri xuben ri Nabucodonosor.

Dn 8:17

Y ri Gabriel kan xjel k'a apo wik'in. Y jari' toq yin kan janila xinmey, y roma ri' xinqasaj-wi' k'a pan ulew chuwech. Jak'a rija' xubij k'a chuwe chi yin k'o chi niq'ax jebel chinuwech ri yinajin chutz'etik. Ronojel re' kan xtibebanatej k'a chiqawech-apo, xcha'.

Wuj Richin ri Chojmirisabelri'il 26:31

Kan xtitole' k'a kan ri itinamit, y kan man jun chik xke'apon ri akuchi niya-wi kiq'ij ri i-dios, y kan man utz ta chik xtinseq ri jubulej pom.

San Lucas 17:16

Toq xapon rik'in ri Jesús, xxuke' chuwech y xuqasaj-ri' k'a pan ulew richin xmatioxij chire ri Jesús. Re achin re' aj-Samaria.

Hechos 10:25

Toq ri Pedro nok k'a apo pa rachoch ri Cornelio, ri Cornelio xbexuke' chuwech richin xuya-apo ruq'ij. Kere' ruk'ulik xuben-apo.

Hechos 14:13

Chuchi-el ri tinamit ri' k'o-wi ri rachoch ri Júpiter richin nikiya' ruq'ij. Ri ru-sacerdote ri Júpiter k'a pa taq okibel richin ri tinamit xeruk'uaj-wi wákix richin yekikamisaj, y chuqa' xuk'uaj kotz'i'j richin nikiya' kiq'ij ri Pablo y ri Bernabé.

Hechos 28:6

Jak'a konojel ri winaqi' kitzuliben-kitzuliben-apo ri Pablo, koyoben k'a jampe' xtibesipoj-pe o xtiken-qa. Toq xkoyobej y nikitz'et chi xa man jun rubanon, man chik k'a xkibij ta chi ri Pablo jun kamisanel achin, xa xkibij k'a chi rija' jun dios.

Apocalipsis 11:16

Y ri juwineq kaji' achi'a' ri k'o kiq'ij ri e tz'uyul chupan ri tz'uyubel richin q'atbel-tzij chuwech-apo ri Dios, kan jari' xkiqasaj-ki' k'a pan ulew richin xkiya' ruq'ij.

Apocalipsis 19:10

Y yin kan jari' k'a xixuke' chuwech ri ángel ri' richin ninya' ruq'ij, jak'a rija' xubij chuwe: Man kaxuke' chinuwech. Roma yin xa in jun rusamajel ri Dios achi'el rat, y achi'el ri ch'aqa' chik ri kan xkik'ul ri ruch'abel ri Jesús y nikitzijoj. Ja ri Dios taya' ruq'ij. Y ri rutzijoxik ri Jesús, ja ri' ri ruk'u'x ri nikitzijoj ri q'alajirisanela', xcha'.

Apocalipsis 22:8

Ja yin Juan, ri xinak'axan y xitz'eton ronojel re'. Jak'a toq e wak'axan y e nutz'eton chik, jari' toq xixuke' chuwech ri ángel ri xk'utun ronojel re' chinuwech, richin ninya' ruq'ij.