Dn 2:45 - Kaqchiquel Bible

⁴⁵ Xatz'et k'a ri abej ri xchoy-pe, jak'a man xchoy ta pe roma jun wineq. Ri abej ri' xbe'el-pe chuwech juyu', ri nibolqo't peteneq y xuwulaj chijun ri wachibel, y xuben poqolaj chire ri q'eqapueq, ri q'enq'oj-pueq, ri xeq-ulew, ri saqipueq y ri q'anapueq; ronojel re' xaxe k'a chi xuk'ut chawech ri nimalej Dios ri xtik'uluwachitej ri chiqawech-apo. Re achik' re' kan qitzij y ri nel chi tzij kan keri' k'a xtibanatej, xcha' ri Daniel.

Dn 2:45 ပူးပေါင်းရင်းမြစ်များ

Wuj Richin ri Isaías 28:16

Roma ri' ri Jehová nubij: Kan xtinya' chiri' pa Sión jun abej ri cha'on y janila rejqalen. Ja abej ri' ri xtok k'atzinel chire ri ruxe' ri jay. y xtitike' kan jebel. Y xabachike k'a ri rukuquban ruk'u'x rik'in, kan man jun xtiberuk'uluwachij.

Wuj Richin ri Rutikeribel 41:32

Y re ka'i' achik' re xaben, re' kan nel chi tzij chi ri Dios kan xtuben-wi y kan chi'anin yan xtibanatej.

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

Wuj Richin Bix Chire ri Dios 48:1

Nimalej ruq'ij ri Jehová y kan ruk'amon richin niya'ox ruq'ij jantape', chupan ri rutinamit ri k'o pa ruwi' ri juyu'.

2 Sam 7:22

Roma ri', kan man jun chik más nim chawech rat nimalej Jehová. Y man jun bey k'a qak'axan chi k'o ta chik jun Dios achi'el rat.

Deut 10:17

Roma ri Jehová ri qa-Dios kan ja rija' ri Dios pa kiwi' konojel ri dios ri ek'o, y kan ja rija' ri Ajaw pa kiwi' konojel ajaw ri ek'o. Rija' kan Dios nim rejqalen ri k'o ronojel uchuq'a' pa ruq'a' y kan ruk'amon yojbaybot chuwech. Rija' man nuben ta rukojol kik'in ri winaqi', ni man yojtikir ta niqapuaqij.

Wuj Richin ri Rutikeribel 41:28

Kan achi'el k'a re xinbij chawe rat rey, kan jari' ri xuq'alajirisaj yan ri Dios chawech rat ri achike ri nrajo' chi nik'uluwachitej.

Apocalipsis 19:17

Jari' k'a xintz'et jun ángel pa'el pa ruwi' ri q'ij. Re ángel re' rik'in ruchuq'a' xubij chike ri aj-xik' taq chikopi' ri yebiyaj chikaj: Kixanpe. Timolo-pe-iwi', roma ri Dios nuya' jun nimalej wa'in chiwe.

Apocalipsis 4:1

Y k'ari' yin Juan, chupan ri achi'el achik', xintz'et chi ri chikaj jaqel jun achi'el ruchi-jay. Y xinwak'axaj chik ri ch'abel ri kan achi'el niq'ajan trompeta ri xinwak'axaj pa nabey y xubij k'a pe chuwe: Kajote-pe y xtink'ut k'a chawech ri xkebebanatej ri xtibe-apo, xcha'.

Apocalipsis 1:19

Tatz'ibaj k'a ri xatz'et, ri yebanatej chik y ri xkebebanatej ri xtibe-apo.

San Lucas 17:20

Ri fariseo xkik'utuj k'a chire ri Jesús chi jampe' k'a xtoqaqa ri rajawaren ri Dios. Y ri Jesús xubij k'a chike: Ri rajawaren ri Dios man xtiya'ox ta na rutzijol.

San Mateo 24:35

Re ruwach'ulew y ri kaj kan richin-wi yek'is. Jak'a ri nuch'abel man xtik'is ta choj keri'.

San Mateo 21:24

K'ari' ri Jesús xubij chike: Yin k'o k'a chuqa' jun ri ninwajo' nink'utuj chiwe. Rik'in k'a xtibij chuwe re', yin chuqa' xtinbij chiwe achike yoyon uchuq'a' pa nuq'a' richin yenbanala' re banobel re'.

Wuj Richin ri Zacarías 12:3

Y xtinben chike ri ch'aqa' chik ruwach'ulew chi xtikipajk'ij kaqen chirij ri Jerusalem, achi'el xa ta chirij jun nimalej abej. Y konojel ri xtikajo' richin xkeyakatej chirij, yin chuqa' kan xkenwulaj k'a rije'.

Dn 2:44

Chupan k'a ri q'ij toq ri winaqi' richin chijun ruwach'ulew k'o chik ri q'atbel tzij kik'in, jari' k'a toq ri Dios xtoruya-qa jun q'atbel-tzij ri kan richin rija' ri man jun xtiwulan richin. Ri q'atbel-tzij ri' kan man xtiya'ox ta k'a pa kiq'a' ri winaqi'. Kan xkeruk'is k'a ronojel ri q'atbel taq tzij ri ek'o chuwech ri ruwach'ulew, y ja ri q'atbel-tzij richin rija' ri xtik'oje' jantape'.

Dn 2:24

Xeri' ri Daniel xbech'on rik'in ri Arioc, roma ja rija' k'o chi yekamisan ri etamanela', y xubij k'a chire chi man kerukamisaj, jak'a xuk'utuj utzil chire chi tuk'uaj chuwech ri rey richin nuq'alajirisaj ri achik' ri'.

Wuj Richin Bix Chire ri Dios 145:3

Kan nimalej aq'ij rat Jehová. Kan ruk'amon richin niya'ox ronojel bix chawe. Ri animirinen rat kan man nuq'i' ta ri qach'obonik roj.

Wuj Richin Bix Chire ri Dios 135:5

Kan wetaman k'a chi ri Jehová kan janila nim. Ri qajaw roj kan más nim chikiwech ri ch'aqa' chik dios.

Wuj Richin Bix Chire ri Dios 96:4

Roma ri Jehová kan janila nim, y kan ruk'amon richin niqanimirisaj ruq'ij. Kan xaxe wi rija' ri ruk'amon chi niqaya' ruq'ij chikiwech ri ch'aqa' chik dios.

Wuj Richin ri Achin Job 36:26

Ri Dios kan nik'o ruwi' nim, y ri qach'obonik roj man nuq'i' ta nuch'ob ri rubanik rija', ni man yojtikir ta niqach'ob akuchi tikerineq-pe ri ruk'aslen, ni ri janipe' chik rujuna' rija'.

Wuj Richin ri Nehemías 9:32

Roma ri' nimalej qa-Dios, ri k'o ronojel uchuq'a' awik'in y kan xaxe chawech rat ruk'amon chi yojbaybot. Rat ri xajikiba-atzij chiqawech y kan xaben ri xabij. Man ta ti ko'ol ok chawech re tijoj-poqonal re niqaq'axaj roj, ri e qa-rey, ri e qatata'al, ri e qa-sacerdote, ri e q'alajirisey ri ach'abel, ri e qawinaq y ri qate-qatata'. Ri qawinaq kan xkitej-pe poqon kan ja toq xepe ri aj-Asiria, k'a chupan re q'ij re'.

Wuj Richin ri Nehemías 4:14

Toq xentz'et yan ronojel re', xinbij k'a chike ri e tata'al, ri e aj-raqen y chike ri ch'aqa' chik winaqi': Man tixibij-iwi' chikiwech. Toqaqa k'a chi'ik'u'x chi ri qa-Dios, rija' kan nim wi y kan k'o rukiy chikiwech konojel winaqi'. Roma ri' tiqatija' qaq'ij koma ri qami'al-qak'ajol, ri qixjayilal y konojel ri ek'o pa qachoch, xicha' chike.

1 Crón 16:25

Roma ri Jehová kan k'o nim ruq'ij-ruk'ojlen, y kan xaxe rija' ruk'amon chi niqaya' ruq'ij. Rija' kan man junan ta k'a kik'in ch'aqa' chik dios, roma rija' kan k'o rukiy.

Dn 2:28

Jak'a, kan k'o jun Dios ri k'o chila' chikaj ri niq'alajirisan ronojel ri e ewatel. Rija' xtiq'alajirisan chawech ri xtik'uluwachitej chiqawech-apo. Wakami k'a xtinq'alajirisaj ri awachik' y ri nel chi tzij.

Dn 2:29

Rat rey atk'o k'a pan awarabel y xpe k'a k'iy ch'obonik awik'in richin nawetamaj ri peteneq chiqawech-apo. Jak'a ri Dios kan xuq'alajirisaj k'a chawech.

Dn 8:25

Kan xtich'akon k'a roma ri retzelal y ri q'olonik ri yeruben. Y toq ri winaqi' man jun nikimey, chaq k'ate' k'a xkerukamisaj. Kan janila k'a xtunimirisaj-ri', y kan xtupaba-ri' chuwech ri Dios, jak'a rija' xa xtuwulaj.

Wuj Richin ri Rutikeribel 41:26

Ri wuqu' wákix ri jebel k'a kibanik y ri ruwi' ri trigo jebel e nojineq, ye'el k'a chi tzij wuqu' juna'; roma chi e ka'i' awachik' xa jun ye'el chi tzij.

Wuj Richin Bix Chire ri Dios 2:9

Rat xke'awulaj achi'el xa ta rik'in jun ch'ich', xkek'is achi'el toq nipax jun bojo'y, xcha' chire.

Wuj Richin ri Hageo 2:22

Y xkentek'mayila' ri kitz'uyubal richin q'atbel-tzij ri ajawaren y xtink'is ri kuchuq'a'. Chuqa' xkentek'mayila' ri ki-carruaje e richin labal y ri yejote' chupan. Xkeken k'a ri kikiej y ri achi'a' ri yech'oke' chirij kiej. Chikijujunal xketzaq roma ri ki-espada ri kach'alal.