Dn 2:42 - Kaqchiquel Bible

⁴² Roma ri ruwi-raqen xolon q'eqapueq rik'in xeq-ulew, ri q'atbel-tzij ri' juba' k'a k'o uchuq'a' y juba' maneq uchuq'a' rik'in.

Dn 2:42 ပူးပေါင်းရင်းမြစ်များ

Apocalipsis 13:1

K'ari' xintz'et chi chupan ri palou xbe'el-pe jun nimalej itzel chikop. Re chikop re' k'o wuqu' rujolon y lajuj ruk'a'. Pa kiwi' ri lajuj ruk'a' k'o k'a jujun tz'ajtz'ik ch'ich'. Y pa kiwi' jujun jolomaj e tz'ibatel k'a jujun bi'aj, y re' nuyoq' rubi' ri Dios.

Dn 7:24

Ri lajuj uk'a' nel chi tzij chi chirij ri rukaj ajawaren, xkebeyakatej chik pe lajuj ajawaren. Chikij rije' xtibeyakatej chik pe jun, y re' kan man junan ta kik'in ri e lajuj. Y kan xkeruch'ek k'a e oxi' ajawaren chikikojol ri e lajuj.

Dn 2:41

K'ari' xatz'et chi ri ruwi-raqen e banon rik'in q'eqapueq y rik'in xeq-ulew. Re' nel chi tzij jun q'atbel-tzij ri ruch'aron-ri', roma ri' xa kan k'o juba' uchuq'a' ruk'uan roma ri q'eqapueq xolon rik'in xeq-ulew.

Dn 2:43

Achi'el k'a ri xatz'et chi ri q'eqapueq xolon rik'in xeq-ulew, keri' k'a xtuben ri q'atbel-tzij kik'in ri winaqi'. Xtikitun k'a ki', jak'a xa man xtikik'uaj ta ki' jebel, achi'el ri q'eqapueq ri man nuxol ta ri' rik'in ri xeq-ulew.