Dn 2:41 - Kaqchiquel Bible

⁴¹ K'ari' xatz'et chi ri ruwi-raqen e banon rik'in q'eqapueq y rik'in xeq-ulew. Re' nel chi tzij jun q'atbel-tzij ri ruch'aron-ri', roma ri' xa kan k'o juba' uchuq'a' ruk'uan roma ri q'eqapueq xolon rik'in xeq-ulew.

Dn 2:41 ပူးပေါင်းရင်းမြစ်များ

Apocalipsis 17:12

Y ri lajuj uk'a' ri xatz'et chi ruk'uan ri chikop, xa e lajuj rey ri man jani yeq'aton-tzij. Y re lajuj rey re' kachibilan ri chikop, xtijach uchuq'a' pa kiq'a' richin yeq'aton-tzij, jak'a xa man xtiyaloj ta.

Apocalipsis 13:1

K'ari' xintz'et chi chupan ri palou xbe'el-pe jun nimalej itzel chikop. Re chikop re' k'o wuqu' rujolon y lajuj ruk'a'. Pa kiwi' ri lajuj ruk'a' k'o k'a jujun tz'ajtz'ik ch'ich'. Y pa kiwi' jujun jolomaj e tz'ibatel k'a jujun bi'aj, y re' nuyoq' rubi' ri Dios.

Apocalipsis 12:3

K'ari' ri chikaj xbek'ulun-pe jun nimalej itzel keq rij chikop ri achi'el ayin rubanik. Ri chikop ri' k'o wuqu' rujolon, lajuj ruk'a' y ruk'uan jujun tz'ajtz'ik ch'ich' ri pa jujun chike ri wuqu' rujolon.

Dn 7:24

Ri lajuj uk'a' nel chi tzij chi chirij ri rukaj ajawaren, xkebeyakatej chik pe lajuj ajawaren. Chikij rije' xtibeyakatej chik pe jun, y re' kan man junan ta kik'in ri e lajuj. Y kan xkeruch'ek k'a e oxi' ajawaren chikikojol ri e lajuj.

Dn 7:7

Y ri rukaj chikop ri xintz'et, kan namey y kan nak'en rukiy ri rubanik. Kan k'o janila ruchuq'a' y ri rey kan e nima'q y e achi'el q'eqapueq. Ronojel k'a ri nril nutej y nuwulaj jumul y ri man nuk'is ta, kan nubech kan chi'aqen. Re chikop re' kan man junan ta k'a kik'in ri ch'aqa' chik chikopi' ri e nutz'eton-pe, y kan k'o k'a chuqa' lajuj ruk'a'.

Dn 2:40

Chirij k'ari' xtibeyakatej k'a pe ri rukaj q'atbel-tzij ri kan k'o ruchuq'a' achi'el ri q'eqapueq. Y achi'el k'a nuben ri q'eqapueq ri kan nuwulaj y nukubij ronojel, keri' k'a xtuben ri jun rukaj q'atbel-tzij: Kan xtuwulaj k'a ronojel.

Dn 2:42

Roma ri ruwi-raqen xolon q'eqapueq rik'in xeq-ulew, ri q'atbel-tzij ri' juba' k'a k'o uchuq'a' y juba' maneq uchuq'a' rik'in.