Dn 2:39 - Kaqchiquel Bible

³⁹ Chirij k'a ri aq'atbel-tzij xtibeyakatej chik k'a pe jun q'atbel-tzij ri juba' ok rejqalen, y chirij chik ri' xtibeyakatej chik k'a pe ri rox q'atbel-tzij. Jari' ri nel chi tzij ri q'enq'oj-pueq, y jari' ri xtuq'et-tzij pa ruwi' chijun ruwach'ulew.

Dn 2:39 ပူးပေါင်းရင်းမြစ်များ

Wuj Richin ri Isaías 44:28

Chuqa' ja yin ri yibin chire ri rey Ciro chi ja rija' ri xtok yuq'unel wichin, y ja rija' xtibanon ronojel ri nurayibel. Ri Ciro xtubij chi xtipabex chik jun bey ri tinamit Jerusalem, y chi ri wachoch kan xtipabex chik jun bey.

Dn 10:20

Y rija' xubij: ¿Awetaman ri achike roma in peteneq awik'in? Yin in peteneq awik'in richin nonq'alajirisaj chawech ri tz'ibatel kan chupan ri wuj ri richin ri qitzij. Chirij ri' kan xkitzolej chik richin ninbenbana' oyowal rik'in ri itzel ángel ri k'o pa ruwi' ri ruwach'ulew Persia. Toq xkitikir chirij rija', xa xtibeyakatej chik pe ri itzel ángel ri k'o pa ruwi' ri ruwach'ulew Grecia. Y ninwajo' k'a richin nawetamaj chi kan xaxe k'a ri Miguel ri chajinel iwichin rix ri nito'on wichin.

Dn 2:32

Ri jolomaj richin ri wachibel kan rik'in k'a q'anapueq banon-wi, ri ruwa-ruk'u'x y ri ruq'a' rik'in k'a saqipueq banon-wi, ri rupan y ri tzan-racheq rik'in q'enq'oj-pueq banon-wi,

Dn 2:38

kan ruya'on k'a pan aq'a' ri uchuq'a' richin naq'et-tzij pa kiwi' konojel tinamit, pa kiwi' awej, y pa kiwi' ri aj-xik' taq chikopi'. Roma ri' ri jolomaj ri xatz'et ri banon rik'in q'anapueq kan nuk'exewachuj k'a chi ja rat ri'.

Dn 2:40

Chirij k'ari' xtibeyakatej k'a pe ri rukaj q'atbel-tzij ri kan k'o ruchuq'a' achi'el ri q'eqapueq. Y achi'el k'a nuben ri q'eqapueq ri kan nuwulaj y nukubij ronojel, keri' k'a xtuben ri jun rukaj q'atbel-tzij: Kan xtuwulaj k'a ronojel.

Dn 7:23

Pa ruwi' re' chuqa' xubij chuwe: Ri rukaj chikop nel chi tzij jun rukaj ajawaren chuwech re ruwach'ulew. Y re' kan man junan ta kik'in ri ch'aqa' chik ajawaren. Kan xkeruch'ek k'a rije'; xkeruq'ututej y xkeruk'ajij jumul.

Dn 8:20

Ri karne'l rik'in ka'i' ruk'a' ri xatz'et nel chi tzij ri q'atbel-tzij richin ri ruwach'ulew Media y ri Persia.

Dn 8:21

Ri achij tzuntzun nel chi tzij ri q'atbel-tzij richin ri ruwach'ulew Grecia, y ri uk'a' ri k'o kojol runaq'-ruwech, nel chi tzij ri nabey rey pa ruwi' ri ruwach'ulew ri'.

Wuj Richin ri Zacarías 6:3

Ri rox carruaje, ja ri kiej ri seq kij ri e uk'uayon richin. Y ri rukaj carruaje ja ri kiej ri k'o seq'eseq keq y seq chikij ri e uk'uayon richin.

Wuj Richin ri Zacarías 6:6

Ri carruaje ri uk'uan koma kiej q'eq kij, jari' ri yepe pa xaman chire ri ruwach'ulew. Ri carruaje ri uk'uan koma kiej seq kij, jari' ri yepe pa qajbel-q'ij chire ri ruwach'ulew. Y ri carruaje ri uk'uan koma kiej ri k'o seq'eseq keq y seq chikij, jari' ri yepe pa xokon.