Dn 2:37 - Kaqchiquel Bible

³⁷ Rat rey kan más k'a nimalej aq'ij chikiwech konojel rey, roma ri Dios ri niq'aton-tzij chila' chikaj ruya'on ri ajawaren pan aq'a', ruya'on ruwaq'ijaj, uchuq'a' y nimirinen chawe.

Dn 2:37 ပူးပေါင်းရင်းမြစ်များ

1 Rey 4:24

Ri Salomón xq'aton-tzij pa ruwi' ri ruwach'ulew ri nitiker-pe pa qajbel-q'ij chire ri tinamit Tífsah ri k'o chuchi' ri raqen-ya' Éufrates, y napon k'a pa tinamit Gaza. Ja rija' xq'aton-tzij pa kiwi' konojel ri rey ri ek'o chiri', y kik'in k'a konojel re' xk'oje' uxlanibel-k'u'x.

2 Rey 25:28

Y rija' kan janila jebel xuben rik'in ri Joaquín. Kan xuben chire chi más nim ruq'ij chikiwech ri ch'aqa' chik rey ri e uk'uan-el pa Babilonia.

2 Crón 36:23

Ri Ciro rey richin Persia kere' nubij: Ri Jehová Dios ri rajaw ri kaj, xuya' chuwe ronojel q'atbel taq tzij richin ri ruwach'ulew; y rija' yiruteq richin ninbenpaba-q'anej jun rachoch pa Jerusalem ri k'o pa ruwach'ulew Judá. Achike k'a chiwe rix ri kan k'o chupan ri rutinamit ri Jehová, ja ri Jehová ri xtito'on richin y xtibe chila' pa Jerusalem. Y ja ri Jehová ri ru-Dios ri xtuk'uan richin, xcha' ri Ciro.

Wuj Richin ri Esdras 1:2

Kere' k'a ri ninbij yin, Ciro, rey richin Persia: Ri Jehová, ri Dios richin ri kaj, xuya' ronojel ri q'atbel-tzij pa nuq'a' richin chijun ruwach'ulew. Y ri Dios xubij chuwe chi tinpaba-q'anej jun rachoch pa tinamit Jerusalem, ri k'o chiri' pa ruwach'ulew Judá.

Wuj Richin ri Esdras 7:12

Yin, Artajerjes, rey kichin ri e rey, ninteq rubixik re' chawe Esdras sacerdote y tz'ibanel ri k'o awetamabal rik'in ri pixa' ri xuya' ri Dios ri rajaw ri kaj. K'o ta uxlanibel-k'u'x awik'in.

Wuj Richin Bix Chire ri Dios 62:11

Ri Dios xuq'alajirisaj chi rija' janila ruchuq'a'. Y yin kan wak'axan k'a, chi rik'in ri Dios nipe-wi ronojel uchuq'a'.

Wuj Richin Etamabel-Tzij 8:15

Kan woma k'a yin ri na'oj toq ri rey yetikir yekik'uaj ri kiwinaq, y woma chuqa' yin toq ri q'atoy taq tzij yetikir yekibanala' utzilej taq pixa'.

Wuj Richin ri Isaías 10:8

Roma rija' runimirisan-ri' y nubij: Chikijujunal ri e aj-raqen pa kiwi' ri aj-labal ri e wichin yin, chuqa' rije' kan e rey.

Wuj Richin ri Isaías 47:5

Kixtz'uye' rix aj-Babilonia. Man kixq'ajan y kixbiyin pa q'equ'm. Ojer kan ri winaqi' nikibij chire ri itinamit chi ja rija' ri reina richin ri ruwach'ulew. Jak'a re wakami, man xtibix ta chik keri' chire.

Wuj Richin ri Jeremías 28:14

Yin Jehová ri k'iytisanel richin ronojel ri yibin. Y kan xtinya' k'a jun yugo ri banon rik'in q'eqapueq pa kiwi' konojel tzobaj winaqi', richin chi nikisamajij ri Nabucodonosor, rey richin Babilonia. Chuqa' xinya' chuxe' ri rutzij rija' konojel ri taq chikopi' ri ek'o pa k'echelaj, xcha' chuwe.

Wuj Richin ri Jeremías 34:1

Y ri Jehová xch'on k'a wik'in toq ri Nabucodonosor, rey richin Babilonia nuben k'a oyowal rik'in ri tinamit Jerusalem y kik'in ri tinamit ri ek'o chunaqaj, e rachibilan konojel ri aj-labal y ri achi'a' ri junamatajineq-kiwech rik'in.

Ez 26:7

Roma ri' kere' ninbij yin: Xtink'en k'a pe jun rey chiwij rix aj-Tiro y rija' ik'owineq chik ruwi' ri uchuq'a' ri k'o rik'in chikiwech ri ch'aqa' chik rey. Rija' xtipe kere' pa xaman y rubini'an Nabucodonosor, rey pa ruwi' ri ruwach'ulew Babilonia. Y rik'in rija' xkepe aj-labal, achi'a' yech'oke' chirij kiej y carruaje richin oyowal.

Dn 1:2

Y ri Dios kan xujech k'a ri Joaquim y ri e ruwinaq israelita pa ruq'a' ri Nabucodonosor; keri' chuqa' ri jalajoj ruwech samajibel ri ek'o chupan ri rachoch ri Dios. Y ronojel ri samajibel ri' ri Nabucodonosor xberuya' kan pa ruwach'ulew Babilonia, y xeruyek kan chupan ri yakonabel richin ri rachoch ri ru-dios.

Dn 2:31

Rat xatz'et k'a jun wachibel paban ri kan janila nim. Re wachibel re' kan niyik'lun k'a ri nitzu'un, y kan namey k'a ri rubanik.

Dn 2:44

Chupan k'a ri q'ij toq ri winaqi' richin chijun ruwach'ulew k'o chik ri q'atbel tzij kik'in, jari' k'a toq ri Dios xtoruya-qa jun q'atbel-tzij ri kan richin rija' ri man jun xtiwulan richin. Ri q'atbel-tzij ri' kan man xtiya'ox ta k'a pa kiq'a' ri winaqi'. Kan xkeruk'is k'a ronojel ri q'atbel taq tzij ri ek'o chuwech ri ruwach'ulew, y ja ri q'atbel-tzij richin rija' ri xtik'oje' jantape'.

Dn 4:19

Toq xrak'axaj ronojel re' ri Daniel kan xpax ránima y jun xk'oje-wi chuch'obik, y keri' k'a xk'oje' jubama jun hora. Kan janila k'a xuxibij-ri' y roma ri' yin Nabucodonosor xinbij chire: Beltsasar, man tach'ujirisaj-awi' rik'in ri wachik', y ri nel chi tzij, xicha' chire. K'ari' rija' xubij chuwe: Wajaw yin, re achik' re' kan ta pa kiwi' ri e etzelanel awichin xtiqaqa-wi. Ri nel chi tzij re achik' re', kan ta k'a ja ri itzel nikirayij chawij ri xkek'uluman.

Dn 4:22

ri che' ri' kan ja rat ri' nu-rey. Ri awajawaren rat, kan janila k'a xnimer y janila ruchuq'a'. Ri runimirinen kan janila xbe pa jotol ri kan napon k'a chikaj. Y ri aq'atbel-tzij kan napon k'a pa taq ruk'isibel chire ri ruwach'ulew.

Dn 4:25

Kan xkatelesex k'a el chikikojol ri winaqi' y xkabek'ase' chikikojol ri chikopi' aj pa q'ayis. Kan xtatej k'a ri q'ayis achi'el ri kiwaybal ri wákix. Y xaxe k'a rik'in ri raxq'ab xkatatin-wi. Keri' xkak'oje', k'a toq xtiq'ax na chawech chi kan xaxe wi ri nimalej Dios ri k'o pa ruwi' ri ajawaren richin ri ruwach'ulew y kan nuya' ri ajawaren pa ruq'a' ri achike nrajo' rija'. Y re' xtuk'uaj wuqu' juna'.

Dn 4:3

Kan janila k'a e nima'q ri retal ri xuya' ri Dios chuwe. Ri meyel taq banobel kan janila k'a ruchuq'a'. Ri rajawaren kan richin q'asen, y ri ruq'atbal-tzij kan pa kiwi' chi wiq chi tanaj winaqi'.

Dn 4:32

Wakami xa xkatelesex k'a el chikikojol ri winaqi', y xa chikikojol k'a ri aj pa q'ayis taq chikopi' ri xkabek'ase-wi. Kan xtatej k'a ri q'ayis achi'el ri kiwaybal ri wákix. Y wuqu' k'a juna' keri' xtaben, k'a toq xtawetamaj chi kan xaxe ri nimalej Dios ri k'o pa ruwi' ronojel y nuya' ri ajawaren chire ri achike nrajo' rija', xcha' chuwe.

Dn 4:34

Jak'a toq xtz'aqet ri juna' ri janipe' xq'at pa nuwi', jari' toq yin Nabucodonosor xtzolej-pe nuk'u'x, y kan jari' xich'obon chik achi'el yech'obon ri winaqi'; y jari' k'a toq yin xinnimirisaj ruq'ij ri nimalej Dios. Xinya' ruq'ij ri kan jantape' k'es y kere' k'a ri xinbij: Ri ruchuq'a' ri aq'atbel-tzij rat nimalej Dios, kan richin q'asen, ri awajawaren kan xtik'oje' k'a pa kiwi' ri chi wiq chi tanaj winaqi'.

Dn 5:18

Ri nimalej Dios kan nim-wi ri ruq'ij, y ojer kan ja k'a rija' ri xya'on chire ri Nabucodonosor ri ajawaren, ri ruwaq'ijaj y ronojel nimirinen.

Dn 7:14

Kan xya'ox k'a uchuq'a', ruwaq'ijaj y ajawaren chire. Konojel k'a ri winaqi', ri e richin chijun ri tinamit, ri ruwach'ulew y ri jalajoj ruwech ri kich'abel kan k'o chi nikisamajij. Ri ruq'atbal-tzij rija' kan richin k'a q'asen, y ri rajawaren kan man jun k'a xtiwulan richin.

Os 8:10

Stape' kan xkiyala' sipanik chike ri tinamit, yin xa kan k'a xkenmol na richin chi nikina' ri ralal ri ejqa'n ri xtiya'ox pa kiwi' koma ri rey y ri e tata'al.

San Mateo 6:13

Man k'a taya' q'ij richin yojtzaq pa mak, xa kan qoj akolo' k'a chuwech. [K'o awuchuq'a', y k'o aq'ij-ak'ojlen richin jantape', kan keri' wi.]*f14* Kere' k'a tibij.

San Juan 19:11

Y ri Jesús xubij: Man jun ta aq'atbel-tzij pa nuwi', wi man ta roma ri Dios. Roma k'a kan ja rija' yoyon-pe q'atbel-tzij pan aq'a', roma ri' k'o aq'a' chuwe. Y wi xkinateq pa kamik, kan k'o k'a amak, jak'a ri más nim kimak ja ri xijacho pan aq'a', xcha' ri Jesús.

Apocalipsis 1:5

Y kan tik'ulu' chuqa' ri utzil y ri uxlanen ri nuya' ri Jesucristo, ri nuq'alajirisaj ri qitzij, ri xk'astej-pe nabey chikikojol ri kaminaqi' y k'o pa kiwi' konojel q'atoy taq tzij ri ek'o chuwech re ruwach'ulew. Rija' yojrajo' y roma ri' xken y xbiyin rukik'el richin xojrukol chuwech ri qamak.

Apocalipsis 17:14

Rije' kan xtikiben k'a oyowal rik'in ri Karne'l. Jak'a ri Karne'l kan k'o pa kiwi' konojel rey y ajaw richin ronojel ajawaren. Y roma ri' ri xkeyakatej chirij, xa xkech'akatej roma rija', y ri e peteneq rik'in, kan e cha'on y kuqul-kik'u'x rik'in ri Dios, xcha' ri ángel.

Apocalipsis 19:16

Y chirij ri rutziaq pa ruwi' pe ri ruch'ek tz'ibatel jun chik rubi'. Y ri bi'aj ri' ja ri Rey pa Kiwi' Konojel ri e Rey, y Ajaw pa Kiwi' Konojel Ajaw.

Apocalipsis 4:11

Qajaw Dios, kan ruk'amon k'a chi nak'ul aq'ij-ak'ojlen y ronojel uchuq'a'. Kan ja rat k'a xabanon ronojel ri k'o y xe'ak'iytisaj, roma kan jari' ri arayibel, yecha'.

Apocalipsis 5:12

Y rije' rik'in ronojel kuchuq'a' nikibixaj: Ri Karne'l ri xkamisex kan ruk'amon-wi chi nuk'ul ronojel uchuq'a', beyomel y etamabel. Kan ruk'amon chi nuk'ul ruq'ij-ruk'ojlen y ruwaq'ijaj, yecha'.