Dn 2:35 - Kaqchiquel Bible

³⁵ K'ari' kan pa jun k'a ramaj ronojel ri q'eqapueq, ri xeq-ulew, ri q'enq'oj-pueq, ri saqipueq y ri q'anapueq xe'ok poqolaj, y xuk'uaj-el kaq'iq' ronojel, achi'el ri solot toq nijosq'ix ri ixin; y kan man jun k'a retal ri wachibel ri xk'oje' kan. Jak'a ri abej ri xwulan ri wachibel, xa kan xok k'a q'anej jun nimalej juyu' ri kan xunojisaj ronojel ri ruwach'ulew.

Dn 2:35 ပူးပေါင်းရင်းမြစ်များ

Wuj Richin ri Achin Job 6:17

Y toq napon k'a ri q'ij richin saq'ij, jari' toq niyakatej-el. Kan jak'a toq nimeq'e', jari' toq nik'is-el.

Wuj Richin Bix Chire ri Dios 103:16

y toq niq'ax ri kaq'iq' pa ruwi', xa nik'is-qa. Ri akuchi xtike-wi xa kan man jun chik xtitz'eton.

Wuj Richin Bix Chire ri Dios 22:27

Konojel k'a ri winaqi' ri e richin chijun ruwach'ulew, xkepe y xtikiya' aq'ij. Chi achijlonela', ixjayilonela' y alk'ualaxela', xtikiya' aq'ij.

Wuj Richin Bix Chire ri Dios 37:10

Roma juba' apo chik, ri banoy etzelal kan man xtik'oje' ta chik. Stape' xtikanox, man xtilitej ta.

Wuj Richin Bix Chire ri Dios 37:36

Jak'a rija' xa xken, y wakami kan man jun chik. Stape' xinkanoj, xa man xq'alajin ta chik.

Wuj Richin Bix Chire ri Dios 46:9

Ja rija' ri nibanon chi nichup ri labal chuwech chijun ri ruwach'ulew. Yeruq'ajala' k'a ri rute-ch'ab y ri kum. Ri tobel kan yeruporoj pa q'aq'.

Wuj Richin Bix Chire ri Dios 66:4

Konojel k'a winaqi' richin re ruwach'ulew nikiya' aq'ij. Kan yebixan k'a chawe rat y ja ri abi' ri nikibixaj, kixcha' chire.

Wuj Richin Bix Chire ri Dios 86:9

Konojel tzobaj winaqi' ri xe'aben, xkepe chawech y xtikiya' aq'ij rat ajaw. ¡Kan xtikinimirisaj k'a ri abi'!

Wuj Richin ri Isaías 11:9

Kan man jun k'a itzel ri xtik'uluwachitej chiri' pa juyu' Sión, roma chijun ri ruwach'ulew kan xtinoj rik'in etamabel richin ri Jehová, achi'el ri ya' nunojisaj ri palou.

Wuj Richin ri Isaías 8:9

Kan tiwetamaj k'a rix tinamit ri ix e etzelanel qichin. Kixanpe k'a chi'anin re wawe' richin yixk'is. Kan tiwak'axaj k'a rix ruwach'ulew ri ixk'o nej; tichapa' ri ikamisabal richin no'ibana' oyowal qik'in. Kixanpe k'a chi'anin re wawe' richin yixk'is.

Dn 2:44

Chupan k'a ri q'ij toq ri winaqi' richin chijun ruwach'ulew k'o chik ri q'atbel tzij kik'in, jari' k'a toq ri Dios xtoruya-qa jun q'atbel-tzij ri kan richin rija' ri man jun xtiwulan richin. Ri q'atbel-tzij ri' kan man xtiya'ox ta k'a pa kiq'a' ri winaqi'. Kan xkeruk'is k'a ronojel ri q'atbel taq tzij ri ek'o chuwech ri ruwach'ulew, y ja ri q'atbel-tzij richin rija' ri xtik'oje' jantape'.

Os 13:3

Roma ri' ri winaqi' aj-Israel xa xkek'is-el, achi'el nik'is-el ri sutz' ri niqaqa nimaq'a' yan. Achi'el ri raxq'ab ri niqaqa toq k'a man jani niseqer-q'anej ri xa nik'is-el. Achi'el chuqa' ri páxa ri k'o akuchi nich'ay ri trigo ri nuxupupej-el kaq'iq'. Achi'el ri sib ri nibuqulin nel-el chikaj, kan keri' k'a xtikiben-el ri aj-Israel.

Wuj Richin ri Miqueas 4:13

Ri Jehová nubij chike ri aj-Sión: ¡Kixyakatej richin nich'ey ri trigo! Yin xtinya' iwuchuq'a' achi'el ruchuq'a' jun achij wákix ri k'o ruk'a' ri banon rik'in q'eqapueq y ri rupi'ch banon rik'in q'enq'oj-pueq. Rix xke'ik'is janila tzobaj winaqi' richin ri ruwach'ulew. Xtimej ri beyomel ri xk'oje' kik'in roma ri kamisanik y xtiya' chuwe yin, ri in rajaw ri ruwach'ulew.

Wuj Richin ri Zacarías 12:3

Y xtinben chike ri ch'aqa' chik ruwach'ulew chi xtikipajk'ij kaqen chirij ri Jerusalem, achi'el xa ta chirij jun nimalej abej. Y konojel ri xtikajo' richin xkeyakatej chirij, yin chuqa' kan xkenwulaj k'a rije'.

1 Corintios 15:25

Nik'atzin chi ja ri Cristo niq'aton-tzij k'a toq xech'akatej yan konojel ri ye'etzelan richin, y xtuben chike chi xkeqaqa pa ruq'a'.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

Apocalipsis 12:8

Jak'a ri nimalej itzel keq rij chikop y ri itzel taq ru-ángel man xech'akon ta, y xe'oqotex-pe ri chila' chikaj.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.