Dn 2:26 - Kaqchiquel Bible

²⁶ K'ari' ri rey xuk'utuj chire ri Daniel wi kan qitzij nitikir nubij chire ri rachik' y ri nel chi tzij.

Dn 2:26 ပူးပေါင်းရင်းမြစ်များ

Wuj Richin ri Rutikeribel 41:15

Y ri rey kan jari' k'a xubij chire ri José: Yin k'o jun wachik' ri nubanon, y man jun k'a ri tikirineq ta biyon chuwe ri achike nik'ulun-wi chi tzij y xinwak'axaj k'a chi rat yatikir ye'aq'alajirisaj ri achike yek'ulun-wi chi tzij ri achik', xcha'.

Dn 1:7

Jak'a ri Aspenaz xujel kibi' ri alaboni' ri', y xukanoj pa kich'abel ri aj-Babilonia. Y kere' ri kibi' ri xuya': Ri Daniel xubini'aj Beltsasar; ri Ananías, Sadrac; ri Misael, Mesac; y ri Azarías, Abed-negó.

Dn 4:8

K'a ja toq xpe na ri Daniel ri chuqa' rubini'an Beltsasar, achi'el rubi' ri jun chike ri dios. Ri kan ya'on nojibel chire roma ri k'aslik Dios, kere' k'a ri xinbij chire:

Dn 5:12

Ri achin ri' kan jari' ri Daniel, ri rubini'an chuqa' Beltsasar. Rik'in rija' kan k'o k'a ronojel nojibel y etamabel richin nuq'alajirisaj achik', y nubij ri ye'el chi tzij, y kan nuchojmirisaj k'ayew taq banobel. Kan tawoyoj k'a rija', y kan xtuq'alajirisaj k'a chawech ri xtz'ibex kan chuwech ri jay, xcha'.

Dn 5:16

Yin kan xinwak'axaj k'a chi rat kan yatikir naq'alajirisaj achik' y ronojel ri kan e k'ayew. Wakami k'a, wi xkatikir xtatz'et ri tz'ibanik ri xban kan chuwech ri jay y wi xkatikir xtaq'alajirisaj chinuwech ri achike nel chi tzij, kan xkatinwiq k'a rik'in tzieq q'eqq'oj-keq nitzu'un y xtinya' jun ichinaj chi'aqul ri banon rik'in q'anapueq. Y ja rat k'a xkatok q'atoy-tzij chuwij qa yin, xcha'.

Dn 7:1

Toq k'a k'es na ri Belsasar, rey richin Babilonia, chupan k'a ri nabey juna' richin ri ruq'atbal-tzij, yin Daniel xinben k'a jun achi'el achik' rokik in kotz'ol pa nuch'at y kan k'o k'a ri xek'utumej chinuwech. Toq xuna' nuwech kan jari' xintz'ibaj ri wachik' y xinchol k'a ronojel ri xk'utumej chinuwech.

1 Sam 17:33

K'ari' ri Saúl xubij k'a chire ri David: Rat man yabe ta. Man yatikir ta rik'in ri achin ri' roma rat xa k'a at k'ajol ala' na, y rija' jun achin ri kan richin-wi labal y kan k'a ala' na toq ruchapon-pe, xcha'.