Dn 2:23 - Kaqchiquel Bible

²³ Nu-Dios yin, ri ki-Dios chuqa' ri nte-nata', yimatioxin awik'in y ninya' aq'ij. Kan xaya' k'a chuwe ri etamabel y nojibel. Xak'ut k'a chinuwech ri xqak'utuj chawe, roma kan xaq'alajirisaj k'a chiqawech ri nrajo' nretamaj ri rey, xcha' ri Daniel.

Dn 2:23 ပူးပေါင်းရင်းမြစ်များ

Wuj Richin ri Rutikeribel 18:17

Y ri Jehová xubij-qa pa ránima: K'atzinel richin ninbij chire ri Abraham ri ninbenbana',

Wuj Richin ri Rutikeribel 31:42

Y xa man ta k'o ri Dios richin ri Abraham wik'in, ri ru-Dios chuqa' ri nata' Isaac, ri kan jantape' xk'oje' rukiy chuwech, xa choj ta keri' xinateq-pe, y man jun ta xaya-pe chuwe. Jak'a ri Dios xutz'et chi janila xintej poqon awik'in y janila xisamej, roma ri' xch'on awik'in ri chaq'a' chi man kach'on wik'in chi oyowal, xcha' ri Jacob chire ri Labán.

1 Rey 18:36

Toq xek'achoj chire ronojel re', jari' toq ri Elías ri q'alajirisey ruch'abel ri Dios xpa'e' chikiwech ri winaqi', xch'on, y xubij: Jehová Dios richin ri Abraham, ri Isaac y ri Jacob: Tak'utu' k'a awi' wakami chi kan ja rat ri at qa-Dios richin Israel, y chi yin in asamajel rat y chi yin xinben ronojel re', achi'el ri abin chuwe.

1 Rey 8:57

Kan ta xtik'oje' qik'in ri Jehová ri qa-Dios, achi'el xk'oje' kik'in ri qate-qatata' y man ta xqojrumalij ni man ta xqojruya' kan.

1 Crón 29:10

K'ari' ri rey David chikiwech ri winaqi' ri kimolon-ki' chiri' xunimirisaj rubi' ri Jehová, y xubij: ¡Nim ruwa-aq'ij rat Jehová ri qa-Dios tibe-q'ij tibe-seq! Nim ruwa-aq'ij rat ri chuqa' ri ru-Dios ri qatata' Israel.

1 Crón 29:13

Roma ri', qa-Dios, roj niqamatioxij chawe, y niqabixaj ri nimalej abi' ri k'o ruq'ij-ruk'ojlen;

2 Crón 20:6

y xch'on rik'in ri Jehová, y xubij: Jehová ri at qa-Dios roj y kichin kan ri qati't-qamama', rat kan k'a chila' k'a chikaj naq'et-pe-tzij pa kiwi' ri q'atbel taq tzij richin ri ruwach'ulew. Pan aq'a' k'a rat k'o-wi ronojel uchuq'a' y kan man jun xtich'akon chawij.

Wuj Richin Bix Chire ri Dios 21:2

Kan xaya' k'a chire ri rurayibel ri ránima, man xapoqonaj ta k'a xaya' chire ri xuk'utuj chawe.

Wuj Richin Bix Chire ri Dios 21:4

Xuk'utuj ruk'aslen chawe y kan xaya' chire; xaya' k'a k'iy q'ij ruk'aslen chuwech re ruwach'ulew.

Wuj Richin Bix Chire ri Dios 25:14

Rat kan junan k'a awech kik'in ri nikinimaj atzij, y kan najikiba' chik jun bey ri asujun.

Wuj Richin Bix Chire ri Dios 50:14

Ri abix richin matioxinik, jari' ta ri sipanik chire ri Dios. Kan tabana' k'a ronojel ri asujun chire ri nimalej Dios.

Ex 3:15

Chuqa' xubij chire ri Moisés: Kere' tabij chike ri awinaq: Jehová ri Dios kichin kan ri qati't-qamama', ri Abraham, ri Isaac, y ri Jacob, ja rija' ri in taqayon-pe iwik'in rix, xkacha' chike. Ja nubi' re' richin q'asen. Rik'in k'a re bi'aj re' xkinatex koma ri winaqi' chi wiq chi tanaj.

Wuj Richin Etamabel-Tzij 21:22

Ri tinamit akuchi ek'o achi'a' ri kan maneq xibinri'il chikiwech, xa tikirel chi nitzaq pa ruq'a' jun aj-na'oj, y chuqa' rija' kan nitikir yeruwulaj ri nimalej taq tz'aq ri sutiyon-rij ri tinamit, ri man jun xch'obon chi nitzaq.

Wuj Richin Etamabel-Tzij 24:5

Más utz chire ri wineq chi k'o runa'oj, ke chuwech ri wineq ri xaxe ri ruchuq'a' k'o, y más utz ri wineq ri retaman achike rubanik nrajo', ke chuwech ri wineq ri janila ruchuq'a'.

Wuj Richin Etamabel-Tzij 8:14

Kan pa nuq'a' k'a yin, ri na'oj, k'o-wi ri ch'obonik y ri ruchojmilal, kan pa nuq'a' k'a yin ri etamabel k'o-wi ri uchuq'a'.

Wuj Richin ri Molojri'il 7:19

Ri na'oj ri k'o rik'in jun wineq aj-na'oj kan nuya' janila ruchuq'a', jun uchuq'a' más nim ke chuwech ri kuchuq'a' lajuj q'atoy taq tzij pa jun tinamit.

Wuj Richin ri Molojri'il 9:16

Roma ri' yin ninbij: Ja ri na'oj ri más utz ke chuwech ri uchuq'a'. Jak'a ri na'oj ri k'o rik'in jun wineq ri xa man jun k'o rik'in, man jun bey niq'alajirisex ta. Y chuqa' ri wineq kan man nikajo' ta nikak'axaj ruch'abel jun wineq ri keri' rubanik.

Wuj Richin ri Molojri'il 9:18

Ri na'oj kan más k'a rejqalen ke chuwech ri jalajoj kiwech kamisabel ri ye'ukusex pa labal. Roma toq man rik'in ta na'oj nibanatej jun banobel, kan nuyoj ronojel ri utz. Xa rik'in jun aj-mak, kan k'iy k'a ri man utz ta nuk'en-pe.

Wuj Richin ri Isaías 12:1

Chupan k'a ri q'ij ri' rix nuwinaq xtibij: Xtiqabixaj k'a abi' rat Jehová. Stape' xpe awoyowal chiqe, jak'a re wakami xa xq'ax yan, y maneq chik janila q'axo'n qik'in.

Wuj Richin ri Jeremías 33:3

Kach'on k'a q'anej wik'in y yin xtink'uluba-pe ri ach'abel y kan xtink'ut k'a chawech nima'q taq banobel ri ewatel chawech rat.

Dn 1:17

Ri Dios kan xuya' k'a ronojel etamabel y na'oj chike ri kaji' alaboni' ri', richin niq'ax chikiwech ri tijonik ri niya'ox chike. Y chire ri Daniel xuya' na'oj richin nuq'alajirisaj achik' y ronojel ri yek'utumej chuwech jun wineq.

Dn 2:18

richin nikik'utuj utzil chire ri Dios ri niq'aton-tzij ri chila' chikaj, chi xtujoyowaj ta kiwech y nuq'alajirisaj ta ri jun achik' ri' richin keri' man yekamisex ta rije', junan kik'in ri ch'aqa' chik pixabanela'.

Am 3:7

Toq k'o ninwajo' ninben, ronojel mul ninq'alajirisaj chike ri e q'alajirisey nuch'abel.

San Mateo 11:25

Chupan k'a ri q'ij ri' ri Jesús xch'on-q'anej rik'in ri tata'ixel y xubij: Ninya' aq'ij nata', rat ri rajaw ri kaj y re ruwach'ulew, roma man xaq'alajirisaj ta ri utzilej ach'abel chikiwech ri winaqi' ri e aj-na'oj y ri etamanela'. Y xa chikiwech ri winaqi' ri maneq más ketamabal ri xaq'alajirisaj-wi re utzilej ach'abel re'.

San Lucas 10:21

Chupan k'a ri ramaj ri', ri Loq'olej Espíritu janila kikoten xuya' pa ránima ri Jesús. Y xubij: Matiox ninya' chawe nata' Dios, rat ri rajaw ri kaj y re ruwach'ulew, roma man xaq'alajirisaj ta ronojel re' chikiwech ri winaqi' ri kan nikina' chi janila k'iy ketaman. Xa ja ri chikiwech ri winaqi' ri maneq ketamabal, xa chikiwech rije' xaq'alajirisaj-wi re'. Kan keri' wi k'a nata' Dios, roma jari' ri arayibel rat, xcha' ri Jesús.

San Juan 11:41

Jari' toq xkelesaj k'a ri abej tz'apebel ruchi' ri jul. K'ari' ri Jesús xtzu'un k'a chikaj y xubij: Nata', matiox ninya' chawe, roma kan yinawak'axaj-pe.

San Juan 15:15

Roma yin kan ix wachibil chik nubanon chiwe, roma kan ronojel ri ruq'alajirisan-pe ri nata' chuwe yin, kan xinq'alajirisaj k'a chuqa' chiwe rix. Man choj ta ix nusamajela'. Roma jun samajel man retaman ta achike nuch'ob ri rajaw. Yin man keri' ta nubanon iwik'in.

Apocalipsis 1:1

Jare' ri xuq'alajirisaj ri Dios chuwech ri Jesucristo, pa ruwi' ri xkebek'uluwachitej yan, richin chi tuq'alajirisaj chikiwech ri rusamajela'. Roma ri' ri Jesucristo xuteq k'a jun ángel rik'in ri Juan ri rusamajel, richin chi xuq'alajirisaj chuwech ronojel ri'.

Apocalipsis 5:5

Jari' toq jun chike ri achi'a' ri k'o kiq'ij xubij chuwe: Man chik k'a katoq', roma ri koj richin ri tzobaj richin Judá, ri riy-rumam kan ri rey David, ri ch'akowineq chik, kan ruk'amon richin nrelesaj ri wuqu' tz'apebel ri k'o chirij ri wuj y nujeq, xcha' chuwe.