Dn 2:21 - Kaqchiquel Bible

²¹ Ja rat yabanon richin yeq'ax ri ik' y ri juna'. Ja rat yaya'on ri q'atbel-tzij, y rat yatelesan kichin. Ja rat yaya'on na'oj chike ri e aj-na'oj, ri etamabel kan rat k'a yaya'on chike ri etamanela'.

Dn 2:21 ပူးပေါင်းရင်းမြစ်များ

1 Rey 10:24

Konojel k'a winaqi' richin chijun ruwach'ulew nikikanoj k'a ri rey Salomón roma nikajo' nikak'axaj ri na'oj ri ya'on chire roma ri Dios.

1 Rey 3:28

Konojel k'a winaqi' ri ek'o pan Israel xketamaj ri q'atoj-tzij ri xuben ri rey Salomón pa ruwi' ri jun ch'ojikil ri', y konojel ri winaqi' kan xkiya' ruq'ij ri rey, roma xkitz'et chi kan ja ri Dios xya'on runa'oj richin nuq'et-tzij pa kiwi'.

1 Rey 4:29

Y ri Dios kan xuya' xusipaj k'a runa'oj ri rey Salomón, chuqa' xuya' nima'q taq etamabel chire, y kan janila nim ri ránima xubanala' kik'in ri winaqi', y man ajlatel ta achi'el ri sanayi' ri k'o chuchi' ri palou.

1 Crón 22:12

Kan ja ta ri Jehová xtiya'on ana'oj y awetamabal toq xtaq'et kan tzij pa ruwi' ri Israel, richin kan tataqej k'a ri pixa' ri ruya'on ri Jehová ri qa-Dios.

1 Crón 29:30

Xkitz'ibaj k'a pa ruwi' ri nimalej ruq'atbal-tzij, ronojel ri xuk'uluwachij rija', ri xuk'uluwachij ri ruwach'ulew Israel y ri xkik'uluwachij ri ch'aqa' chik ruwach'ulew.

Ester 1:13

Y xuteq k'a koyoxik ri achi'a' ri e aj-na'oj ri kan ketaman ri nubij ri pixa', richin yeruk'ulubej; roma ri chiri' ri e rey kan nikiben-wi achi'el nikibij ri achi'a' ri kan ketaman ri pixa'.

Wuj Richin ri Achin Job 12:18

Rija' nuben chike ri e rey chi nrelesaj ri q'atbel-tzij pa kiq'a', y nuben chike chi yexim xekipan rik'in kolo'.

Ex 31:3

Y re Besalel re' kan nunojisan k'a rik'in ri nu-Espíritu richin chi k'o na'oj rik'in, etamabel, nojibel y uchuq'a' richin nuben xabachike ruwech samaj.

Ex 31:6

Chuqa' nucha'on chik chikikojol ri winaqi' ri e richin ri tzobaj richin ri Dan, ri achin rubini'an Oholiab, ri ruk'ajol ri Ahisamac richin chi nok jun to'onel chupan ri samaj. Yin kan nubanon k'a chuqa' chike konojel achi'a' ri yetikir nikiben jun ruwech samaj, chi kan k'o kina'oj, richin chi ja rije' ri xkebebanon ri nubin chik chawe chi k'o chi yeban.

Dn 1:17

Ri Dios kan xuya' k'a ronojel etamabel y na'oj chike ri kaji' alaboni' ri', richin niq'ax chikiwech ri tijonik ri niya'ox chike. Y chire ri Daniel xuya' na'oj richin nuq'alajirisaj achik' y ronojel ri yek'utumej chuwech jun wineq.

Dn 10:1

Chupan ri rox juna' chire ri q'atbel-tzij richin ri Ciro, rey pa ruwi' ri ruwach'ulew Persia, jari' toq k'o xq'alajirisex chinuwech yin. Y ronojel ri xbix chuwe kan qitzij y kan k'o-wi ruk'ayewal chupan. Y k'ari' xq'ax chinuwech ri xbix chuwe.

Dn 11:6

Ka'i-oxi' k'a juna' xtijunamatej-kiwech rik'in ri rey pa ruwi' ri ruwach'ulew Siria, richin ta nik'oje' uxlanibel-k'u'x chikikojol. Ri rey richin Egipto kan xtuya' k'a ri rumi'al chire ri rey richin Siria richin nik'ule' rik'in. Jak'a ri ixoq ri' xa xtik'is-qa ri ruchuq'a', y chirij ri' xa xtikamisex rija', ri rachijil, xkekamisex ri kalk'ual y chuqa' ri kisamajela'.

Dn 2:23

Nu-Dios yin, ri ki-Dios chuqa' ri nte-nata', yimatioxin awik'in y ninya' aq'ij. Kan xaya' k'a chuwe ri etamabel y nojibel. Xak'ut k'a chinuwech ri xqak'utuj chawe, roma kan xaq'alajirisaj k'a chiqawech ri nrajo' nretamaj ri rey, xcha' ri Daniel.

Dn 2:9

Wi rix man xtibij ta chuwe ri wachik', kan junan k'a xtik'uluwachij chi'iwonojel. Yin kan wetaman k'a chi rix xa niya' chiwech jun tz'ukuj-tzij, richin nik'is-qa ronojel re'. Kan tibij k'a pe chuwe ri wachik' richin chi niq'alajin chinuwech yin chi rix kan yixtikir-wi niq'alajirisaj achik', xcha' ri rey.

Dn 4:14

ri kan nich'on kow y nubij: Titorij ri che', y ke'ichoyola' ri ruq'a', tik'isa-el ronojel ri ruxaq y ri ruwech titaluj ronojel. Keri' chuqa' konojel ri chikopi' ri ek'o chuxe' kebe y ri aj-xik' taq chikopi' ke'el-el chupan ri ruq'a'.

Dn 4:17

Re ruk'ayewal re' jare' ri xuq'et kan ri ángel y kere' xtibanatej, richin konojel winaqi' tiketamaj chi kan xaxe wi ri nimalej Dios ri niq'aton-tzij pa kiwi' ri q'atoy taq tzij. Rija' kan nuya' k'a ri ajawaren pa ruq'a' ri achike nrajo' rija', y kan nuben chire jun wineq ri kan man jun ok ruq'ij, chi nok aj-raqen pa ruwi' jun ruwach'ulew, xcha' ri ángel.

Dn 4:22

ri che' ri' kan ja rat ri' nu-rey. Ri awajawaren rat, kan janila k'a xnimer y janila ruchuq'a'. Ri runimirinen kan janila xbe pa jotol ri kan napon k'a chikaj. Y ri aq'atbel-tzij kan napon k'a pa taq ruk'isibel chire ri ruwach'ulew.

Dn 4:32

Wakami xa xkatelesex k'a el chikikojol ri winaqi', y xa chikikojol k'a ri aj pa q'ayis taq chikopi' ri xkabek'ase-wi. Kan xtatej k'a ri q'ayis achi'el ri kiwaybal ri wákix. Y wuqu' k'a juna' keri' xtaben, k'a toq xtawetamaj chi kan xaxe ri nimalej Dios ri k'o pa ruwi' ronojel y nuya' ri ajawaren chire ri achike nrajo' rija', xcha' chuwe.

Dn 7:25

Ri q'atoy-tzij ri k'o pa ruwi' re jun ajawaren re' kan xtuyoq' k'a ri nimalej Dios y kan xtuben chike richin nikitej poqon richin yek'is ri rutinamit ri Dios. Kan xtrajo' k'a xtujel ri rubanik ri pixa' y ri nimaq'ij ri e tz'ibatel kan chupan. Ri rutinamit ri Dios kan xkejach k'a pa ruq'a' rija' y kan xkek'oje' k'a pa ruq'a' k'a toq xtitz'aqet na ri oxi' juna' rik'in nik'aj.

San Lucas 21:15

roma kan ja yin ri xkiya'on ch'abel chiwe. Xtinya' chuqa' etamabel chiwe richin keri' man jun xketikir xtikibij chiwe ri ye'etzelan iwichin.

Romanos 13:1

Kan nik'atzin k'a chi qonojel yeqanimaj ri q'atoy taq tzij, roma konojel q'atoy taq tzij, roma ri Dios ek'o y ja rija' ri yoyon ri q'atbel-tzij pa kiq'a'.

1 Corintios 1:30

Jak'a xuben chiqe roj chi jun qabanon rik'in ri Cristo Jesús. Ri na'oj richin ri Dios xpe qik'in roj roma ri Cristo. Chuqa' xuben chi roma rija' man jun qamak yojk'ulun chuwech, oj ch'aron chik richin rija' y oj kolotajineq chik.

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

Santiago 1:5

Y wi ek'o qach'alal chi'ikojol ri nikajo' chi nik'oje' kina'oj, tikik'utuj chire ri Dios. Y rija' kan man xtupoqonaj ta xtuya-pe k'iy chike. Keri' nuben qik'in qonojel ri yojk'utun, y man jun achike ta xtubij chiqe.

Apocalipsis 19:16

Y chirij ri rutziaq pa ruwi' pe ri ruch'ek tz'ibatel jun chik rubi'. Y ri bi'aj ri' ja ri Rey pa Kiwi' Konojel ri e Rey, y Ajaw pa Kiwi' Konojel Ajaw.