Dn 2:19 - Kaqchiquel Bible

^19-20 Y chupan k'a ri aq'a' ri' ri Dios xuben chi xk'utumej chuwech ri Daniel, ri achik' y ri nel chi tzij. Y roma ri' ri Daniel kan xunimirisaj ruq'ij ri Dios ri niq'aton-tzij ri chila' chikaj. Y kere' k'a xubij: Nimalej aq'ij rat Dios tibe-q'ij tibe-seq. Kan awik'in k'a rat k'o-wi ri na'oj y ri uchuq'a'.

Dn 2:19 ပူးပေါင်းရင်းမြစ်များ

Wuj Richin ri Achin Job 4:13

Chupan k'a ri chi'aq'a' ri', toq konojel e kamineq chi waran; jari' toq yin xinben ri itzel achik' ri'.

Wuj Richin Bix Chire ri Dios 25:14

Rat kan junan k'a awech kik'in ri nikinimaj atzij, y kan najikiba' chik jun bey ri asujun.

Dn 1:17

Ri Dios kan xuya' k'a ronojel etamabel y na'oj chike ri kaji' alaboni' ri', richin niq'ax chikiwech ri tijonik ri niya'ox chike. Y chire ri Daniel xuya' na'oj richin nuq'alajirisaj achik' y ronojel ri yek'utumej chuwech jun wineq.

Dn 2:22

Rat yaq'alajirisan ri k'ayew y ri ewatel, kan atzuliben ronojel ri k'o pa q'equ'm, roma ri saqil kan ja rat ri'.

Dn 4:26

Y toq xubij chi k'o chi nik'oje' kan ri rukuta'm ri che', nel chi tzij chi ri awajawaren kan k'a xkaroyobej na, xaxe k'a kan k'o chi niq'ax chawech chi kan xaxe wi ri Dios k'o pa ruwi' ronojel ri q'atbel-tzij.

Dn 4:9

Beltsasar, ri at aj-raqen pa kiwi' ri etamanela'; yin kan q'axineq k'a chinuwech chi ri Dios kan ruya'on ri nojibel chawe, y kan man jun k'a ri ewatel ri man ta natz'et rat. Wakami k'a taq'alajirisaj chinuwech ri xintz'et pa wachik', y ri nel chi tzij.

Dn 7:2

Yin xintz'et k'a chupan ri wachik' chi xpe jun nimalej kaq'iq' pa relebel-q'ij, pa xokon, pa qajbel-q'ij y pa xaman. Y re kaq'iq' re' kan janila k'a nusiloj ruwi' ri palou.

Dn 7:7

Y ri rukaj chikop ri xintz'et, kan namey y kan nak'en rukiy ri rubanik. Kan k'o janila ruchuq'a' y ri rey kan e nima'q y e achi'el q'eqapueq. Ronojel k'a ri nril nutej y nuwulaj jumul y ri man nuk'is ta, kan nubech kan chi'aqen. Re chikop re' kan man junan ta k'a kik'in ri ch'aqa' chik chikopi' ri e nutz'eton-pe, y kan k'o k'a chuqa' lajuj ruk'a'.

Am 3:7

Toq k'o ninwajo' ninben, ronojel mul ninq'alajirisaj chike ri e q'alajirisey nuch'abel.

Wuj Richin ri Q'axanri'il 12:6

Y ri Jehová xubij k'a chike: Tiwak'axaj k'a ri ch'abel ri xtinbij chiwe. Wi ta k'o jun q'alajirisanel ri nuch'abel ri chi'ikojolil, yin yich'on ta rik'in pan achik' o yik'utumej ta chuwech.

Wuj Richin ri Josúe 22:33

Ri xbix-pe chike kan xqa' k'a chikiwech konojel ri winaqi', y xkiya' k'a ruq'ij ri Jehová ri ki-Dios. Man jun bey chik xkich'ob richin xejote-q'anej richin nibekibana' labal kik'in rije', y chuqa' richin nikiwulaj ri kiruwach'ulew.