Dn 2:11 - Kaqchiquel Bible

¹¹ Roma re nak'utuj chiqe kan yalan-wi k'ayew y kan man jun xtitikir xtiq'alajirisan. Xa kan xaxe k'a ri e dios ri yetikir yeq'alajirisan, jak'a rije' xa man chiqakojol ta roj ek'o-wi, xecha'.

Dn 2:11 ပူးပေါင်းရင်းမြစ်များ

Dn 5:11

Roma chupan ri awajawaren kan k'o jun achin ri kan ya'on nojibel chire koma ri e dios. Y chupan ri q'ij toq xk'oje' ri Nabucodonosor, kan xilitej k'a rik'in ri achin ri' ri nojibel y ri etamabel, kan achi'el ri k'o kik'in ri dios. Roma ronojel ri etamabel ri xilitej rik'in, ri Nabucodonosor kan xuben k'a chire chi xok aj-raqen pa kiwi' ri etamanela' aj-Caldea, ri aj-q'ija' y ri aj-itza'.

2 Corintios 6:16

¿Kan yek'oje' ta kami ri wachibel chupan ri rachoch ri Dios? Roma kan ja roj ri oj rachoch ri k'aslik Dios. Roma ri' rija' kan keri' wi k'a rubin:*f4* Jantape' k'a xkik'oje' chi'ikojol y kan ja yin ri i-Dios y rix kan ix nutinamit, nicha'.

San Juan 14:23

Roma ri' ri Jesús xubij: Ri kan yirajo', kan nuben ri nubij ri nuch'abel. Ri jun ri xtibanon keri', kan xtajowex-wi roma ri nata' chuqa'. K'ari' ri nata' y yin kan xqojpe rik'in y xtiqaben k'a qachoch ri pa ránima.

San Juan 14:17

Ri' kan ja ri Loq'olej Espíritu, ri nitijon iwichin chire ri qitzij. Y rija' man tikirel ta richin nik'ul-apo, koma ri winaqi' ri k'a kikuquban na kik'u'x rik'in re ruwach'ulew. Roma ri Loq'olej Espíritu xa man tz'etel ta ni man ketaman ta chuqa' ruwech. Jak'a rix kan iwetaman chik ruwech, roma kan xtik'oje-wi chi'ikojol. Y rija' kan jantape' xtik'oje' iwik'in.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

San Mateo 19:26

Jari' toq ri Jesús xerutzu-apo y xubij chike: Man tich'ob keri'. Ri janila k'ayew chikiwech ri winaqi', chuwech ri Dios xa man jun k'ayew, xcha'.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

Ex 29:45

Y keri', yin kan xkik'oje' k'a chi'ikojol y ja yin ri xkinok ri i-Dios.

Wuj Richin ri Rutikeribel 41:39

Y kan jari' k'a toq ri rey xubij chire ri José: Rat kan ja wi ri Dios ri banayon chawe richin awetaman ronojel re', y roma ri' kan man jun chik k'o ri achi'el ta rat ri kan janila runa'oj y retamabal.

Apocalipsis 21:3

Jari' k'a toq xinwak'axaj chi k'o jun ri kan rik'in uchuq'a' nich'on-pe akuchi k'o-wi ri tz'uyubel ri chila' chikaj y nubij: Wakami ri Dios kan chikikojol ri winaqi' k'o-wi, kan xtik'ase' chikikojol jantape' y rije' xke'ok rutinamit y rija' xtok ki-Dios.

Wuj Richin ri Isaías 8:18

Roma yin y ri walk'ual ri e ruya'on ri Jehová chuwe, kan oj ruya'on richin jun retal, y richin nima'q taq banobel richin re wawe' pa qaruwach'ulew. Y ri nibanon chiqe re', ja ri Jehová k'iytisanel richin ronojel ri k'o pa tinamit Sión.

Wuj Richin Bix Chire ri Dios 132:14

Xabij k'a chi wawe' k'a xkak'oje-wi jantape', richin naq'et-tzij tibe-q'ij tibe-seq.

Wuj Richin Bix Chire ri Dios 68:18

Toq xjote-q'anej pa rachoch, rija' kan e k'iy e etzelanel richin xeruk'uaj pa ximonri'il. Chuqa' kan k'iy sipanik ri xuk'ul chuwi-kiq'a' ri winaqi' ri xeyakatej chirij, y ri Jehová chiri' xtik'oje-wi richin jantape'.

2 Crón 6:18

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.

1 Rey 8:27

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej-wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.

Wuj Richin ri Q'axanri'il 35:34

Man tiben k'a chire ri ruwach'ulew richin nok man ch'ajch'oj ta, roma akuchi yixbek'oje-wi rix, yin kan pan inik'ajal yik'oje-wi; roma yin Jehová kan ink'o chi'ikojol rix.

Ex 8:19

Roma ri' ri aj-itza' xkibij chire ri rey: Re' kan rusamaj-wi ri Dios, xecha'. Jak'a ri rey xa más xukowirisaj ri ránima, y man xerak'axaj ta chik ri Moisés y ri Aarón, kan achi'el ri rubin ri Jehová.

Wuj Richin ri Rutikeribel 41:8

Y nimaq'a' ruka'n q'ij, rija' janila k'ayew runa'on ri pa ránima, roma ri achik' ri xeruben. Y xuteq k'a koyoxik ri achi'a' etamanela' y ri achi'a' ri e aj-na'oj ri ek'o chupan ri ruwach'ulew Egipto. Y toq ek'o chik k'a ri achi'a' ri', k'ari' k'a xutzijoj ri rachik' chike, y man jun k'a xtikir ta xbin chire achike yek'ulun-wi ri rachik'.

Wuj Richin ri Isaías 47:12

Kan chaq tikuquba' ik'u'x kik'in ri winaqi' ri nikiben meyel taq banobel, y kik'in ri janila chi aj-itza', roma kan jari' ix beneq kik'in toq k'a ix ak'uala' na. Q'alaj k'ari' wi k'o xtik'atzin-wi chiwe. Q'alaj k'ari' xke'ixibij ri e etzelanel iwichin.

Dn 4:4

Yin Nabucodonosor ink'o pa wachoch rik'in uxlanibel-k'u'x, y kan yikikot rik'in ronojel beyomel ri k'o pa nuq'a'.