Dn 12:8 - Kaqchiquel Bible

⁸ Yin kan xinwak'axaj k'a ri xubij, jak'a xa man xq'ax ta chinuwech. Y roma ri' xink'utuj chik apo chire chi k'a janipe' xtibetane' ronojel re'.

Dn 12:8 ပူးပေါင်းရင်းမြစ်များ

Dn 10:14

Wakami, in peteneq richin nonq'alajirisaj chawech ri xtipe pa ruwi' ri atinamit chawech-apo, roma ri xk'utumej chawech xa kan richin k'a ri q'ij ri', xcha'.

Dn 12:6

Y ri ángel ri xch'on wik'in kan k'a pa'el na k'a chiri' pa ruwi' ri ya', y rukusan ri tzieq banon rik'in lino. Y jun k'a chike ri e ka'i' ri e pa'el chuchi' ri ya' xch'on k'a apo chire y xubij: ¿K'a janipe' nibetane' re meyel taq banobel re'?, xcha-apo.

Dn 12:7

K'ari' ri ukusayon tzieq ri banon rik'in lino, kan xutzeqej k'a chi e ka'i' ruq'a' chikaj y xuya' rutzij pa rubi' ri Dios ri jantape' k'es, chi ronojel re' kan xtibetane', k'a toq xtitz'aqet na ri oxi' juna' rik'in nik'aj, toq ri uchuq'a' ri k'o kik'in ri rutinamit ri Dios xtik'is jumul, k'ari' toq xtitane' ronojel re'.

Dn 12:9

Y rija' xubij chuwe: Rat Daniel katzolin, roma ronojel re' kan xtz'apetej yan, y k'a pa ruk'isibel taq q'ij xtiq'alajirisex ronojel re'.

Dn 8:13

Chirij ri' xinwak'axaj k'a chi jun ángel nich'on, y k'o chik k'a jun ángel ri xch'on-apo chire ri nich'on nabey, y xuk'utuj chire chi janipe' nitane' ri itzel banobel rik'in ri kamelabel ri jantape' yesuj, y ri yakatajinenri'il chirij ri rachoch ri Dios y ri rutinamit, ri xejach pa ruq'a' ri ti ko'ol uk'a' ri kan xerupalibej.

San Lucas 18:34

Jak'a ri tijoxela' kan man xq'ax ta chikiwech ri xubij. Ri ch'abel ri' xa ewan k'a chikiwech, roma ri' xaxe choj xkak'axaj y man ketaman ta achike nik'ulun-wi.

San Juan 12:16

Chupan ri q'ij ri', ronojel re' man xq'ax ta chikiwech ri rutijoxela'. Jak'a xq'ax chikiwech kan k'a ja toq ri Jesús k'astajineq chik el chikikojol ri kaminaqi' y k'o chik ruq'ij-ruk'ojlen. K'ari' k'a toq xoqaqa chikik'u'x chi xbanatej achi'el ri tz'ibatel kan.

Hechos 1:7

Jak'a ri Jesús xubij chike: K'a ja na ri Dios nibin jampe' xtibanatej ri', y man nik'atzin ta chi niwetamaj rix.

1 Pedro 1:11

Janila k'a xkajo' xketamaj janipe' nibek'uluwachitej, y achike rubanik, roma ri Espíritu richin ri Cristo ri k'o pa taq kánima xch'on pa ruwi' ri tijoj-poqonal ri xtuk'owisaj ri Cristo y ri meyel taq banobel ri xkebebanatej chirij ri'.