Dn 12:6 - Kaqchiquel Bible6 Y ri ángel ri xch'on wik'in kan k'a pa'el na k'a chiri' pa ruwi' ri ya', y rukusan ri tzieq banon rik'in lino. Y jun k'a chike ri e ka'i' ri e pa'el chuchi' ri ya' xch'on k'a apo chire y xubij: ¿K'a janipe' nibetane' re meyel taq banobel re'?, xcha-apo. အခန်းကိုကြည့်ပါ။ |
Xintz'et k'a e waqi' achi'a' xe'ok-pe chiri' pan okibel ri k'o pa xaman. Y chikijujunal k'a rije' kik'amon-pe kikamisabal pa kiq'a'. Y kachibilan k'a jun achin ri rukusan tzieq ri banon rik'in lino y ri xerupan rutzeqeban tinta richin tz'ibabel. Y xe'ok-apo chiri' chuwa-jay y xepa'e-qa chunaqaj ri porobel ri banon rik'in q'enq'oj-pueq.
Chirij ri' xinwak'axaj k'a chi jun ángel nich'on, y k'o chik k'a jun ángel ri xch'on-apo chire ri nich'on nabey, y xuk'utuj chire chi janipe' nitane' ri itzel banobel rik'in ri kamelabel ri jantape' yesuj, y ri yakatajinenri'il chirij ri rachoch ri Dios y ri rutinamit, ri xejach pa ruq'a' ri ti ko'ol uk'a' ri kan xerupalibej.
Rije' xe'apon k'a pa ruwi' ri juyu' richin Olivo. Y toq ri Jesús tz'uyul chiri', jari' toq ri rutijoxela' xejel-apo rik'in y xkik'utuj chire: Tabij k'a chiqe, ¿jampe' k'a xtik'uluwachitej ri xabij yan qa? ¿Achike k'a retal richin keri' niqanabej ri ruka'n apetebal? ¿Y achike chuqa' retal richin keri' ninabex chi napon yan ri ruk'isibel q'ij?, xecha' rije'.
Y kan xq'alajirisex chike ri achi'a' ri' chi ri kolotajik ri xkitzijoj xa man kichin ta rije', xa kan qichin roj ri oj k'o chupan re q'ij re'. Y re wakami ri utzilej ch'abel ri' ri richin kolotajik, xtzijox k'a chiwe rix koma achi'a' ri eto'on roma ri Loq'olej Espíritu ri taqon-pe chila' chikaj. Y chuqa' ri ángel janila nikajo' chi niketamaj chirij ri xtzijox chiwe rix.