Dn 11:45 - Kaqchiquel Bible

⁴⁵ Y xkerupabala' ri rachoch banon rik'in tzieq, chukojol ri palou y ri juyu' ri akuchi k'o-wi ri rachoch ri Dios. Jak'a xa kan xtapon k'a chupan ri ruk'isibel q'ij chire ri ruk'aslen, y kan man jun k'a ri xtito'on richin.

Dn 11:45 ပူးပေါင်းရင်းမြစ်များ

Wuj Richin Bix Chire ri Dios 48:2

Ri juyu' Sión kan k'a pa jotol k'o-wi-el y jebel ok rubanon ri chiri' pa xaman. Ja rija' ri rukikoten ri ruwach'ulew, re tinamit re' kan richin ri nimalej rey,

Wuj Richin ri Isaías 10:12

Ri Dios nubij chik: Toq yin xinwulaj yan ri Sión y ri tinamit Jerusalem, jari' toq yin xtinya' rutojbalil-mak pa ruwi' ri rey richin Asiria roma kan janila xunimirisaj-ri', y kan yirutzu' rik'in nimirisanen.

Wuj Richin ri Isaías 11:9

Kan man jun k'a itzel ri xtik'uluwachitej chiri' pa juyu' Sión, roma chijun ri ruwach'ulew kan xtinoj rik'in etamabel richin ri Jehová, achi'el ri ya' nunojisaj ri palou.

Wuj Richin ri Isaías 14:13

Rat kan xabij-qa chi xkajote-el chila' chikaj, k'a akuchi ek'o-wi ri ch'umila', richin najikiba' ri atz'uyubal richin q'atoj-tzij ri chiri'. Xach'ob chi yabek'oje' pa juyu' ri akuchi nikimol-wi-ki' ri ch'aqa' chik dios.

Wuj Richin ri Isaías 2:2

Chupan ri ruk'isibel taq q'ij, xtijikibex k'a ri juyu' Sión, ri akuchi k'o-wi ri rachoch ri Jehová. Y jak'a juyu' ri' ri más nej jotol chikaj, kan janila nim chikiwech ri ch'aqa' chik juyu' ri ek'o chunaqaj. Y konojel k'a ri winaqi' richin ri ruwach'ulew xtikinojisaj ri ruwech.

Wuj Richin ri Isaías 27:13

Chupan ri q'ij ri' kan xtixupux k'a ri trompeta; ri ek'o chiri' pan Asiria y ri e beneq pan Egipto xkepe richin xtokiya' ruq'ij ri Jehová chupan ri juyu' ri chiri' pa Jerusalem.

Wuj Richin ri Isaías 65:25

Ri utiw y ri karne'l kan xkewa' junan; ri koj kan xtikitej q'os achi'el ri bóyix. Jak'a ri kumetz kan k'a xtikibeq' na ri poqolaj. Jak'a man xkekiti' ta chik winaqi' chiri' pa Sión, y man jun chik ch'a'oj xtikiben, nicha' ri Jehová.

Wuj Richin ri Isaías 66:20

Y chirij ronojel re' xkekimol konojel ri iwinaq ri kitalun-ki' chupan ch'aqa' chik ruwach'ulew, y xkekik'en-pe richin jun sipanik chuwe yin. Rije' kan xkekik'en-pe chikij kiej, pa carruaje, chikij kowilej taq kiej y chikij camello. Y xkekik'en-pe pa nujuyu' ri k'o pa Jerusalem. Yin Jehová ri yibin. Ronojel re' kan achi'el nikiben ri iwinaq israelita toq nikik'en-pe pa wachoch ri kisipanik richin jalajoj ruwech ixin pa taq ch'ajch'oj k'ojelibel.

Ez 39:2

Xtinben k'a chawe richin xkatzolej chik pa ruwach'ulew Israel. Xkatinbenqirirej-pe kela' pa xaman y xkatink'en chik pe pa taq juyu' richin ri ruwach'ulew Israel.

Dn 11:16

Ri rey richin Siria kan xtuben k'a ri xtiqa' chuwech rija', y kan man jun k'a ri xtupaba' ta ri' chuwech. Chuqa' xtik'oje' k'a kan chupan ri aruwach'ulew Israel, y kan ronojel k'a xtuk'is rik'in ri ruchuq'a'.

Dn 11:41

Xtok chik k'a chupan ri aruwach'ulew Israel, y e janila chi winaqi' xkerukamisaj. Jak'a ri ruwach'ulew Edom, ri Moab y ri Amón kan xketikir xtikikol-ki' chuwech.

Dn 11:44

Jak'a kan k'o jun rutzijol ri xtipe kere' pa relebel-q'ij y ri keri' pa xaman. Y re' kan xtuben k'a chire chi janila xtuk'en rukiy, y roma ri' xtiyakatej chik k'a janila royowal y xkerukamisaj chik k'a e k'iy winaqi'.

Dn 2:35

K'ari' kan pa jun k'a ramaj ronojel ri q'eqapueq, ri xeq-ulew, ri q'enq'oj-pueq, ri saqipueq y ri q'anapueq xe'ok poqolaj, y xuk'uaj-el kaq'iq' ronojel, achi'el ri solot toq nijosq'ix ri ixin; y kan man jun k'a retal ri wachibel ri xk'oje' kan. Jak'a ri abej ri xwulan ri wachibel, xa kan xok k'a q'anej jun nimalej juyu' ri kan xunojisaj ronojel ri ruwach'ulew.

Dn 7:26

Chirij ri' toq xtuq'et-tzij ri nimalej Dios, kan xtrelesaj k'a ri uchuq'a' chire, y xtik'is chiri' jumul.

Dn 8:25

Kan xtich'akon k'a roma ri retzelal y ri q'olonik ri yeruben. Y toq ri winaqi' man jun nikimey, chaq k'ate' k'a xkerukamisaj. Kan janila k'a xtunimirisaj-ri', y kan xtupaba-ri' chuwech ri Dios, jak'a rija' xa xtuwulaj.

Dn 9:16

Qajaw Dios, rat kan at choj-wi, y roma ri' tabana' utzil chi tik'o-qa ri awoyowal pa ruwi' ri atinamit Jerusalem, ri juyu' ri ch'aron chawe rat. Roma ri kimak ri qate-qatata', ri tinamit Jerusalem xa k'o pa jun nimalej ruk'ixbilal, chikiwech ri ch'aqa' chik tinamit.

Dn 9:20

Y yin kan yinajin k'a chi ch'owen rik'in ri nu-Dios, richin xinchol chuwech ronojel ri qamak roj israelita. Kan yinoq' k'a chuwech rija', richin xink'utuj utzil chire pa ruwi' ri tinamit Jerusalem.

Joel 2:20

Y xkenwelesaj k'a el ri aj-labal ri yepe pa xaman y xkenteq-el pa tz'iran ruwach'ulew ri akuchi tolan-tolan-wi. Xtinben chi xkejiq' ri e ik'owineq chikiwech chupan ri Tzayi-Choy, y ri e ruk'isibel kan xkejiq' chupan ri palou. Y kan xkeq'ey y kan xtutaluj-ri' ri kichuwirinen, xticha' ri Jehová. Kan qitzij na wi chi ri Jehová chupan ri q'ij ri' xtuben ri nima'q taq banobel ri'.

Wuj Richin ri Miqueas 4:2

Xkepe k'a janila chi winaqi' richin ch'aqa' chik ruwach'ulew, y xtikibixaj re bix re': Qojjote-el pa ruwi' ri juyu' ri richin ri Jehová. Xqojapon k'a pa rachoch ri ki-Dios ri winaqi' israelita. Y rija' xtuk'ut chiqawech ri bey ri niqa' chuwech, richin niqatzeqelibej ri rupixa', xkecha'. Ri Dios xtuk'ut k'a rupixa' pa ruwi' ri juyu' Sión. Kan pa Jerusalem k'a xtel-pe ri ruch'abel ri Jehová.

Wuj Richin ri Zacarías 14:8

Xtibanatej k'a chupan ri q'ij ri' chi pa Jerusalem xtibiyin ya' ri nuya' k'aslen. Chupan chijun ri juna' kan xtibiyin k'a. Nik'aj k'a chire ri ya' ri' xtapon chupan ri Tzayi-Choy ri k'o pa relebel-q'ij y ri nik'aj chik xtapon pa palou ri k'o pa qajbel-q'ij.

Wuj Richin ri Q'axanri'il 34:5

Y chiri' nusutij-el-ri' y napon k'a chuchi' ri ch'uti'n raqen-ya' richin Egipto. Napon k'a pa xaman y nibek'is kan ri ruchi' k'a chupan ri palou.

2 Tesalonicenses 2:4

Rija' xtiyakatej y xtupaba' ri' chuwech ronojel ri nibix dios chire, y ri niya'ox ruq'ij. Man xaxe ta ri' roma xa kan xtibetz'uye' chupan ri rachoch ri Dios, y xtubij chi ja rija' ri Dios.*f2*

2 Tesalonicenses 2:8

jari' toq xtibek'ulun-pe ri itzel achin ri', jak'a ri ajaw Jesús xa xtuxupuj-el richin xtukamisaj, toq xtipe chik jun bey rik'in ri rusaqil ri ruk'ojlemal.

Apocalipsis 13:10

Ri winaqi' ri banon chike chi ye'uk'uex-el pa ximonri'il, kan xke'uk'uex-wi-el. Ri winaqi' ri banon chike chi yeken rik'in espada, kan chi espada xkekamisex-wi. Re' nel chi tzij chi ri e ralk'ual ri Dios k'o chi tikikoch'o' y tikuqer más kik'u'x.

Apocalipsis 20:2

Re ángel re' xberuchapa-pe ri nimalej itzel keq rij chikop ri ojer kumetz, ri nibix chuqa' Itzel-Wineq y Satanás chire; y rik'in ri cadena ri' xuxim kan richin 1,000 juna'.

Apocalipsis 20:9

Kan xejote' k'a el pa tinamit ri janila nrajo' ri Dios ri akuchi ek'o-wi ri ralk'ual rija'. Rije' xbekisutij-kij, jak'a ri Dios xuben chi xqaqa-pe q'aq' pa kiwi', y xeruk'is q'aq'.