Dn 11:38 - Kaqchiquel Bible

³⁸ Xa kan xaxe k'a ri dios ri richin uchuq'a' ri xtuya' ruq'ij, y re dios re' man ja ta re' ri ki-dios kan ri rati't-rumama'. Xtuya' k'a ruq'ij rik'in saqipueq, q'anapueq y jebejoj taq abej, y rik'in chuqa' ronojel ruwech ri kan k'o rejqalen.

Dn 11:38 ပူးပေါင်းရင်းမြစ်များ

Wuj Richin ri Isaías 44:9

Ri Isaías nubij: Konojel ri yebanon kichin ri wachibel, xa kan man jun kejqalen; roma stape' kan jebel ok rubanik ri yekiben chike, xa kan man jun yek'atzin-wi. Y ri winaqi' ri nikiya' kiq'ij ri wachibel xa e moyi'. Xa man jun ketaman, y roma ri' xa kan yek'ixbitej.

Dn 11:37

Kan man jun k'a dios ri nuya' ta rejqalen; ni ri ki-dios ri e rati't-rumama', ni ri dios ri nikiya' ruq'ij ri ixoqi', roma rija' kan xtuna-ri' chi kan xaxe rija' ri nim ruq'ij chikiwech konojel.

Dn 11:39

Ri jay ri e tz'apen-kij chi tz'aq kan xtujech k'a chire ri ru-dios, richin chi chiri' xtiya'ox-wi ruq'ij. Y ri winaqi' ri xketzeqeliben richin ri ru-dios rija', kan k'iy k'a sipanik xtuya' chike, y keri' chuqa' kan xtusipaj kulew, roma kan junan kiwech rik'in.

Dn 11:7

Man rik'in ri', jun chike ri rach'alal ri ixoq ri' xtiyakatej-el chirij ri Siria. Xtok k'a chupan ri ruwach'ulew ri', y xkeruch'ek ri tinamit ri e tz'apen-kij chi tz'aq.

1 Timoteo 4:1

Y kan jebel wi niq'alajin ri nubij ri Loq'olej Espíritu, chi chupan ri ruk'isibel taq q'ij ek'o winaqi' ri xtikiya' kan ri ruch'abel ri Dios y man xtikinimaj ta chik. Xa ja chik ri kitijonik ri itzel taq espíritu ri xtikitzeqelibej. Y rik'in ri' xkeq'olotej.

Apocalipsis 18:12

Y ri k'ayij ri e kik'ualon, ja ri q'anapueq, ri saqipueq, ri jalajoj kiwech wiqobel y ri perla, ri jebelej taq tzieq ri e banon rik'in lino, seda, y ri tzieq kaqkoj-keq y keq, ronojel ruwech jebelej y jubulej taq che', ri q'enq'ojpueq, ri q'eqapueq, ri mármol, y wiqobel ri e banon rik'in rey tix.